VUN ŊGOLNA 6:16 - Boy Lonana

¹⁶ Tlena ka na karkiya suu Yawe ka minisiɗina, ndak a li kiɗisiya suu ka gol irim jiviɗina.

VUN ŊGOLNA 6:16 ပူးပေါင်းရင်းမြစ်များ

2 MULINA 21:16

Manase ci suu ɓalak va kaɗina ki cocoo, suluk namma oy ki hu Yerusalem na halaŋ. Suluk ma nam lam eg Yuda halaŋŋa ka ndumbi. Nam li dlara ka ii Yawe jiviɗira cocoo.

JOB 5:19

Na olo ni, nam ndak a suɗuŋ ki hu las maŋga. Ŋgoo dagan dlara co ka hin a laŋ oloɗi.

SOOLLA 11:5

Lona ka gol suu ɗegeena, u suu cona halaŋ, nam ka min sa ma li dla coraɗi.

SOOLLA 5:7

Aŋ ba suu kaboyna kiyo. Yawe mbuɗ yara eg sa ma ci maɗna, u sa ma hurum mbambana.

VUN ŊGOLNA 11:1

Yawe ka min kelew ma ka tlam u voɗombina ɗi. Nek mayra tli jivi u voɗoɗta ni irim jivi ɦay.

VUN ŊGOLNA 11:20

Yawe ka min suu hurusi conaɗi, nam minni suu ɗili suu poy masira ɗegeena.

VUN ŊGOLNA 12:22

Yawe ka min suu kaboynaɗi. Nam minni suu may suu li dlara gasira.

VUN ŊGOLNA 17:15

Njun u sa ma li dla cora ɗowba kal sa ma ɗegeena hu cora, tle asina jakŋi Yawe ka minisiɗi.

VUN ŊGOLNA 20:10

Kelew ma ŋga nekka u voɗombina u tassa ma mbuɗum zeɗ zeɗna, tle asina jakŋi ka ii Yawe jiviɗi.

VUN ŊGOLNA 20:23

Yawe ka min ŋga tlesuu ka ŋgaasi u voɗosiɗinaɗi. Kelew ma ŋga nekka ki keŋ dewna ni ka jiviɗi.

VUN ŊGOLNA 21:4

Ii mayra gol golla ŋga tara u huu ma ŋga tara ɦayna, saɓak ma vi sa ma dlam cona, halaŋ ca ni sulukŋa.

VUN ŊGOLNA 3:32

Kay suu li dla cora ki ni co ii Yawe da, nam vi galam mamba ni u suu ɗegeena.

VUN ŊGOLNA 30:18

Gola tlesuu su ki kanna ka na hindi, fiɗi ɗow suu an ka wasi usiɗina.

VUN ŊGOLNA 30:21

Gola tlesuu hindina ndak a geŋeɗ ndaŋgara kiyo, ma fiɗina ni ndaɗ ka ndak oloɗi.

VUN ŊGOLNA 30:24

Tlesuu iiri suu gori cocona ka kay ndaŋgara na fiɗi, may ni asi yal coco duk suu wi yalna ɦayna.

VUN ŊGOLNA 30:29

Tlena ka na hindi ni gol jivi cocoo. Asi ni fiɗi tuɗ masira jivi ɦay.

VUN ŊGOLNA 6:15

Kay ndaɗta ɓalakka hin mba kammi na zak, nam hin kus ki ni kussa ka jak oloɗira.

VUN ŊGOLNA 6:17

Gol ii mayra ŋga tara u sinda kaboyna. Ko ma vo busu sa ma ɓalak va kaɗina kina.

VUN ŊGOLNA 8:13

Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.

JEREMI 26:15

Agi wi ki kagi ana lini agi can ki wa ni dlara hin vagi ni agiya. Agi tagira lay ɦoŋzi namma u suu hurumma lay. Kay agi ci ki ni sa li va kaɗina. Gasi daŋ may ni Yawe sunun ay ana an dagi boy namma ki agi humumu ni namu.»

AMOS 1:11

Yawe ɓak ana, ni kay dla cora laɗ yamba hindira, kay dla cora suu Edom suu yara laɗ yasi fiɗira, an hin ka col dukgi, kay ana nam dik wayamma u ŋgewra komu, cam ki wam hahawam kaɗi, kay ana yaamba heɓ ka tuɗi, hurum ka yomusna na gak gak.

AMOS 1:3

Yawe ɓak anaba, Ni kay dla cora laɗ yamba na hindira, ni kay dla cora suu Damas suu yara laɗ yasi fiɗira, an hin ka col dukgi, kay ana asi ci suu Galaadna ki u njetna.

AMOS 1:6

Yawe ɓak anaba, Ni kay dla cora laɗ yamba na hindira, kay dla cora suu Gaza suu yara laɗ yasi fiɗira, an hin ka col dukgi, kay ana asi yow suuna bolow cocoo, tuɗ cukusi ha ki Edom.

AMOS 1:9

Yawe ɓak anaba, Ni kay dla cora laɗ yamba hindira, kay dla cora suu Tir suu yara laɗ yasi fiɗira, an hin ka col dukgi, kay ana asi yow suuna bolow cocoo, tuɗ cukusi ha ki Edom, saa ka kay galamba duk ɦoŋ tasira wayaraɗi.

AMOS 2:1

Yawe ɓak anaba, Ni kay dla cora laɗ yamba hindira kay dla cora suu Moabma laɗ yasi fiɗira, an hin ka col dukgi, kay ana nam ŋgal sok mul ma Edomma ki buɗna.

AMOS 2:4

Yawe ɓak anaba, Ni kay dla cora laɗ yamba hindira, kay dla cora suu Yuda suu yara laɗ yasi fiɗira, an ka col dukgi, kay ana asi noy gaɗta vi Yawera kiyo, li ka u gaɗ mambaɗi, kay ana kaboy masina viɗisi ki wa, suu may suu tli dlaŋ somoyosirana.

AMOS 2:6

Yawe ɓak anaba, Ni kay dla cora laɗ yamba hindira, kay dla cora suu Israel suu yara laɗ yasi fiɗira, an ka col dukgi, kay ana asi gus sa ɗegeena ki kay gursura, sa hawra ki kay tuɓurura.

ZAKARI 8:17

Saaragi hurugi kurufu a lagi dla cora duk tagiɗi. Minigi suura bay uɗtaɗi kay tle asina halaŋ an ka minisiɗi. Yawe di na.

GA 8ATAMBARA 23:18

Ka a gawlaŋ mayra teteɗ ɗowba sa njuf ma teteɗ ma hin tam ki kay dlara zoŋga li duk suu Israelnaɗi.

GA 8ATAMBARA 24:4

Njufuɗ ma hiniɗ ha ki fok jewna ka ndak a tlaɗ um a cara oloɗi, kay ndaɗ mbuɗ ay ki ni njenjee. Li wa na ni dla cora fok Yawe Loogina, agi ka kal ndaŋgara Yawe Loogina ɦagirara hu sulukŋaɗi.

GA 8ATAMBARA 25:16

Kay suu li dlara ko ndaɗta nara, sa ma li nana ki ni ɓalaki ii Yawe Loogina.

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.