VUN ŊGOLNA 6:14 - Boy Lonana

¹⁴ Hurum ma cona ka saa ni dla cora sak sak, nam ka hal ay tew tew ni dla cora. Nam cuk dlara ɦonira duk suuna.

VUN ŊGOLNA 6:14 ပူးပေါင်းရင်းမြစ်များ

SOOLLA 140:2

Ҥi, Yawe, suɗun ki ko suu cona, golon ko suu las suuna.

SOOLLA 140:3

Ko suu di cora ki kan fokŋa, suu hal dlara duuna hu buuna tew tewna.

SOOLLA 36:4

Dlara kal ay ki funumba halaŋŋi ganyamba, nam maa ki kay a li dlara jivira.

VUN ŊGOLNA 14:22

Suu saa saara cora viɗ tasi ki ni viɗiya. May ɗegeera u jivira ka ni kay suu may suu li dlara jivira.

VUN ŊGOLNA 16:27

Sa ma dlam kaɗina njay kolo ni kaboyna ɦawaa. Vunum ŋgal tara ni ko ndal kura na.

VUN ŊGOLNA 17:20

Sa ma hurum co ɦayna ka fi jiviraɗi. Sa ma di dlara ganyamba kal ni hu yoora.

VUN ŊGOLNA 2:14

suu hurusi furi kay dla corana, mbeleŋ ma li dla cora furuyusi hurusi ni namu,

VUN ŊGOLNA 21:8

Poyra vi sa ma ci maɗnara ni guniya. May sunda vi sa ma ɗilina tuɗ ni ɗegee u voɗoɗu.

VUN ŊGOLNA 22:8

Sa ma zaa dla cora hin feɗ ni dla cora may. Tokolo mamba li saɓakŋara kus ki wa.

VUN ŊGOLNA 24:8

Sa ma ka u saara li dla cora tew tewna. Asi yam ana sa ma cuk suuna kel tasina.

VUN ŊGOLNA 3:29

Tin huruŋ ki a li dla cora eg banaŋŋaɗi, nam ka kaki egeŋŋi saa mamba ay tini ni kaŋu.

VUN ŊGOLNA 3:32

Kay suu li dla cora ki ni co ii Yawe da, nam vi galam mamba ni u suu ɗegeena.

EZAYI 32:7

Sa ma ganyamba suu sun mamsina ni suu ci matna halaŋ halaŋ. Nam ka hal ni mbeleŋ ma ba suu hahawra kina sasak, u kaboy ma nam kaamma. Lini boy ma vi sa ma wihawrana jivi lay, nam ka humumbi.

EZAYI 57:20

Na may suu li dla cora ni ko ndal mbo lum ma ɓaɗna na, mboom ka col na enɗi. Mboom doɓira ni na boɗof ɗof, ka ɗilɗi.

EZEKIYEL 11:2

Musukka dan ana, «Goŋ sanna, gola ni suu may suu mbaa dla cora u ci maɗna ay hu ɦoŋzinana ɗaŋ.

Magaara Vi Sa Jok Vun Lona OZE 8:7

Asi zaa kaŋga ni semeɗna, asi hin feɗ ni babaana may. Wa ma bay yam iinana hin ka luɗ fuɗɗi, lini fuɗta ka na nde lay ni suu koyogina taɗ ki ni asiya.

MISE 2:1

Hahawra ka kay suu njay boy ma cona kina, suu hal dlara cora ay kaŋga kay lay masi ma buuna layna. Ŋgarpii wanni asi li dla ndaɗta kay ana saɓakŋa ni kosiya.

ROMMA 16:17

An ka dagiya gorsenna gologi tagi jivi ko suu col ciwayra, a ɓorow duk suuna ki u haɗta agi haɗaɗta, ɦuɗ tagi ki egesi day.