VUN ŊGOLNA 31:30 - Boy Lonana

³⁰ Oora mbaɗ iira ɦawara kaa, jivna ni dla ka huɗi. Cara li ndaa Yawera ni cara suuna hin ŋgaaɗ cocora.

VUN ŊGOLNA 31:30 ပူးပေါင်းရင်းမြစ်များ

2 SAMUEL 14:25

Duk suu Israelna halaŋŋi sa jiv ko Absalom na kaɗi lay, sa suuna golom ko nam na kaɗi, col ha kaŋga kay sem day faɗ ha ki kay yam na ni ŋgul ka egembi.

SOOLLA 112:1

Halleluya. Furira ka kay sa ma li ndaa Yawena u sa ma minim gaɗ mambana may.

SOOLLA 147:11

Yawe minni suu lam ndaaramma, u suu minim ɗegee mambana.

VUN ŊGOLNA 1:7

Ndaa ma lam u Yawena ni sok wira ŋgolla gaw. Yalna u haɗta, suu laɓana san u dla ndaɗta ni asi hol.

VUN ŊGOLNA 11:16

Cara oora seɗ hin tii may. Suu saɓakŋa ɦayna hin fi begera may.

VUN ŊGOLNA 11:22

Cara jivi coco may dlaaɗta ka jiviɗira ni ko ndal walak lorra gaɗ ki kel kosoŋŋara ɦawa na.

VUN ŊGOLNA 22:4

Vuɗta vi hoŋ yamba gara ni ndaa ma lam u Yawena, ɦiza, ŋgara u iirira, ni warak mamma.

VUN ŊGOLNA 31:29

«Boyogi suu li jivina ka vasi may. ndak su ki kasi bel bel.»

VUN ŊGOLNA 31:31

Ca ndaɗta sunda ndaɗ laɗta fiiɗna halaŋŋi maɗ daŋ may. Sun maɗta tiiriɗ seɗ ha ki ni ndaɗu.

VUN ŊGOLNA 6:25

Tin huruŋ kay ca ndaɗta u jiviɗ ɦawaɗi, caa yaŋ kay boy jivi ma ndaɗ damma u iiriɗ ta gol jiviraɗi.

VUN ŊGOLNA 8:13

Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.

DI BOLLA 12:13

Gola ni vunun ma ndi gana. Va ma sa warna a lamma ni nam hum u Lona, li u gaɗ mamba may.

DI BOLLA 7:18

Mariyaɗ ni aŋ li u gaɗ ndaɗta jak bel, kay sa ma li ndaa Lonana lasi ki ni bel.

EZEKIYEL 16:15

«Na may ndak tin saarak kay jiv makŋa cocoo u sek ma tii ki coco namma ndak mbuɗ tak ki gawlaŋga, ɦal tak ki maŋ gegelay ma jak voɗta egekŋa.

Boy Ma Ayra Ma LUK Ɓiirimma 1:6

Asi ni suu ɗegeena. Asi hum u gaɗta vi Lonara halaŋ lay.

ROMMA 2:29

Sa ma Juif ma gasina ni hurum kurufuwa, wi ana nam ɗiwim cawiya ni hurum voo, caw ɗiwra gasira ni u minda vi Musuk Lonara ka u gaɗta ɓiiriraɗi. Sa ma Juif ma gasina fi geleɗ mamba ni ka ko suunaɗi, ni ko Lona.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

Magaara JAK Ɓiiriɗta 1:11

Fatɗa col kolo u tiiɗta nduh nduhra so gu namma kiyo, ɓoom yak ki kaŋga wani jivi mamba ka oloɗi. Sa ma ɦizina hin viɗ ki duk dlaamba ni na may.

1 PIYER 1:24

Ko magaara di ana, «Suuna halaŋ ni ko usuna na, ŋgol masira ni ko ɓo usuna na. Usuna so kiyo, ɓoom yak kiyo.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.