VUN ŊGOLNA 31:26 - Boy Lonana

²⁶ Ndaɗ di dlara halaŋŋi u yalna, vunuɗ haɗ ni haɗta jivira.

VUN ŊGOLNA 31:26 ပူးပေါင်းရင်းမြစ်များ

ESTER 4:4

Goryoŋ Ester suu gorɓiina u suu li sunda varaɗna mbay ɓakaɗ boy namma. Ca mulla saaraɗ jak ki na fak gaw. Ndaɗ hin sun barawna ha olo ana Mardose cukum egem fok baraw bol ma egemma kiyo. Na may nam min kaɗi.

ESTER 5:8

Lini an fi jivira fok mulna, lini mulna hurum van joɓ manda, hoŋon dira kay joɓ manda ni nam mbay ko tam u Haman hu luu ma an hin tinim masina, an hin li vin u gaɗta vi mulnara may.»

VUN ŊGOLNA 10:31

Vun sa ma ɗegeena di ni dlara yalna, may vun suu di dlara bay uɗta hin seŋ kiyo.

VUN ŊGOLNA 12:18

Sa ma njaɗ cocona dlaamba dak tara ni ko ŋgewna na. May boy ma vi sa ma ɗegeena garaɗ sana kiyo.

VUN ŊGOLNA 16:24

Boy ma jivina ni ko mbul yumma na, nam fun sana jiviya, suɗ sana ki may.

VUN ŊGOLNA 19:14

Sana ndak a tli zi ma vi bumma, yowom bege mamba may, cara ɗili ɦayra ni ɦalla vi Yawera.

VUN ŊGOLNA 25:15

Juɓpa ɗilira ndak su kay sa ma kaɓakŋa. Boy ma jivina ndak a kus sokŋa kiyo.

VUN ŊGOLNA 31:27

Ndaɗ ka gol dlara li hu ziiɗta tew tew. Ndaɗ ka ti ni fu ma zolombaɗi.

SOOLLA VI SALOMON 2:14

Guguk manda tii ay kolo kay ɦinira, ta ka ŋgay hu zul ɦinira, takan irikka jivi ɦayra ay gige. Di delekka jivira ay na di an humuɗ na humge, takan vogoŋ ma jivina an golomu.»

SOOLLA VI SALOMON 4:11

Galanda, vunukŋi ko ndal mbul yumma na, mbul yumma u mbiira ka funuku, baraw ma takŋa his ko ndal Liban na.

MALASI 2:6

Haɗta gasira kal ay ki funumu, dlara ci way ka kal ay ki funumbi. Nam tuɗ u an hu gasira u ɗegeera, nam doo suuna ki bolow coco kay li dla cora.

Boy Ma Ayra Ma LUK Ɓiirimma 1:38

Mari hin di ana, «An hin ni goora li sunda maŋ Lonara, dlara nam a landa egenda li ay ko aŋ dira na.» Sa sunda huulona gi tam hiniɗ gaw.

SUNDA 18:26

Hu Zira Tokka nam col a di boyna u saɓakŋa, Prisiye u Akilas hum boy ma nam damma na ni asi tayam usi tuɗ takam voɗta vi Lonara ki ɗegee.

SUNDA 6:15

Suu toki hu zira vi suu ŋgolo suu kaɓakŋa halaŋŋi ŋgaras irisi kay Etiyen na ŋgaras, asi golom vokom ko vok sa sunda huulona na.

EFESNA 4:29

Hin boy ma dawi a kal ki funugiɗi, dagi boy ma gasi a njun u suu hiŋŋa a wulusi kolo hu viisira, li jivira maŋ asi suu ka humugina may.

KOLOSNA 4:5

Poyogi u nera duk suu bay vina, lagi jivira hu li ma agi kana.

1 PIYER 3:1

Agi boyogina may ni humugi u njufuyugiya, kay ana suu dukusi ɦiw li ka vi u Boy Lonanaɗi lay ni asi hin mbuɗ a vi u Boy Lonana u poy magira jivira bay agi dasi boy lay.

SUU KAƁAKŊA 13:23

Caamba hin dam ana, «Lini Yawe min a cay kiyo ni nam ka vay ɓivun mayna ma ŋgalam ki ŋgalinaɗi, vay puu mayraɗi lay. Nam ka ndak a takay dlara ki naɗi lay. Nam ka vay ay egem na zak a takay haɗta wan ndaɗtaɗi lay.»