VUN ŊGOLNA 30:14 - Boy Lonana

¹⁴ Suu daŋŋa kaa ni siisi funusi ni ko ndal ŋgewina na, giŋ siisi ni ko ŋgew ma digiina na. Asi ni na tok a kom suu hawra kira. Suu ki haw coco duk suunana asi komosi kiyo.

VUN ŊGOLNA 30:14 ပူးပေါင်းရင်းမြစ်များ

JOB 29:17

An to sii suu ci maɗna kiyo. An ɓaɗasi tlesuu asi tlasi funusina ay kiyo.

JOB 41:14

Delem saɓak cocoo. Sana wam delem wa ni ndi ki ndaana ni na gaw.

SOOLLA 12:5

Asi di ana, «Ami ndak njaɗ dlara hurumi miniɗta, sa ma dooromi kaɗi, sa ma ndak a ɦeɓemina ni gege?»

SOOLLA 124:6

Gi deɓ Yawe, kay nam hiniygi ka a asi lasaygiɗi.

SOOLLA 14:4

Yawe joɓ tam ana, suu las ndarayasina, asina na ni, ka wi vaɗi gasi su? Suu ɗoɓ tasi ki u suu mansinana, asi tasi ki ko tlesuu tirana, asi ka goɓ Yaweɗi lay.

SOOLLA 3:7

An ka li ndaa suu bup bup, suu ŋguyun yan ki wannaɗi.

SOOLLA 52:2

Gaɗ ni hu li ma Doeg ma Edomma tuɗ di Sol ana David ka vi Ahimelekŋa.

SOOLLA 57:4

Lona ma kolo dayna ɦan suɗta ay wa, nam cuk suu lasanna gaa, nam wan hahawanu, golon u gasi mamba.

SOOLLA 57:5

An buuri ni duk dlona, ni duk suu kom suu warna. Siisi ni ko saɓpa cok sana na, ko mbuura lay, sinisi ni ko ŋgew ma digiina na.

SOOLLA 58:6

ka hum del luu ma asi luurummaɗi, ka hum jiv soolla asi gaɗtaɗi lay.

VUN ŊGOLNA 12:18

Sa ma njaɗ cocona dlaamba dak tara ni ko ŋgewna na. May boy ma vi sa ma ɗegeena garaɗ sana kiyo.

VUN ŊGOLNA 22:16

Lassa las sa ma hawra ɦizimmi ɦizi na ɗow. Ҥal tlena ha maŋ sa ma ɦizina ni gam ki ni hawra na ɗow.

VUN ŊGOLNA 28:3

Mul ma hawra va ka kombina tini zamal suu maŋiina. Nammi ko ndal lo ma paɗ baŋaana coco, ɓalak tlena kina na, gi suuna ki mayra.

VUN ŊGOLNA 30:15

Ndaali ndaalira goryoɗ suu tamagina ka na mba' di ana, «Ҥaniya, ɦaniya.» Tlena ka na hindi ni asi ka hoɓbi, fiɗi ɗow ka di ana ndak waraɗi.

DI BOLLA 4:1

Olo ni an ka wi suuna lassa. Suu ndarayasina lasasi ga duk ndaŋgara tanina. Gola suu ka las asina tii cocoo, sa ma ɗilisi irisi kaɗi lay. Saɓakŋa ki ni u suu ka lasasina na ɗow. Sa ma ɗilisi irisi kaɗi.

EZAYI 10:2

Suu ɗegeena asi tuɗusi fun ɓakŋa. Suu man suu hawra asi lasasiya, boyogi suu donora asi lasasiya, suu kuyuna asi ɦurumusi tlegeyesi kiyo.

EZAYI 3:14

Yawe kal hu ɓakŋa u suu maana u muli suu fok suu mamsinana. Agi ni suu ti sene gugutlura kina, tlesuu agi ɦurumusi ay ki ko suu hawrana ka vo varagi lay.

EZAYI 3:15

Agi ɓaɗagi tlena ki ko suu mansina, ɦurum suu hawra ki lay ni kay mege? Di na ni Bu Suuna Yawe, ma Saɓakŋa Kom Belna.

EZAYI 32:7

Sa ma ganyamba suu sun mamsina ni suu ci matna halaŋ halaŋ. Nam ka hal ni mbeleŋ ma ba suu hahawra kina sasak, u kaboy ma nam kaamma. Lini boy ma vi sa ma wihawrana jivi lay, nam ka humumbi.

EZEKIYEL 22:6

«Huruŋ aŋ zi ma Yerusalemma ni muli suu Israelna ka ci maɗna cocoo. Gegelay ni ci ni u ndak mamba.

EZEKIYEL 34:3

Agi kom mbulna. Agi baa tagi u barawna cili u tlimiɗ timigiina may. Lagi ɓivunna ni u yoori suu ɗoorina, na may u yoori suu hin halaŋŋa agi ka min a taarasiɗi lay.

AMOS 2:7

Kay ana asi min a ko gugumma kay suu maŋŋina, asi li ii suu lalamma kay bege masira, ko ndaɗta na goona u bum tuɗ ha ni vi goora dewra a ɓeŋen sen ma teteɗna kira.

AMOS 4:1

Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.

AMOS 8:4

Humugi boy ma wanna haa, agi suu vagi tagi kay suu hawra dlaɗ dlaɗ a bulumugi suu lalam suu kay mbassana kira.

HABAKUK 3:14

Aŋ cokosi yam muli masisina ni u mbuuru masira tok, asi ɗaŋŋi mbay ko ndal babaana na a suɗun ki u heɓpa, ko ndal asi ci sa ma asi suu kamma ki ŋgay gumunda na.

SOFONI 3:3

Muli maɗsina huruɗ ni ko dlona gi ŋgoɓpara na, suu maɗ suu kaɓakŋa ko ndal bosogori suu mayra casina a dik mbuurina del fiɗigira na, ko suu ka hin va kolo a ti vin maɗiiɗi layna na.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

WIRA ŊGAYRA 9:8

Tlimiɗ yasi ko yam boyogina na, siisi ko sii dlona na.