VUN ŊGOLNA 3:7 - Boy Lonana

⁷ Ŋga taŋ ko aŋ sa ma wi dla naɗi. Li ni ndaa Yawe na ɗow, ɦal ŋgoroŋ maŋ dla cora.

VUN ŊGOLNA 3:7 ပူးပေါင်းရင်းမြစ်များ

2 SAMUEL 12:20

Na ɗaŋŋi David hin col ki kolo duk ndaŋgara, mbus tam kiyo, li mbul ma his jivina egemu, cuk barawi suu daŋŋa egemu. Nam hin tuɗ hu zira vi Yawera hin goɓ kaŋgaa. Nam hoŋ ha vo varam may ni joɓosi ana asi ɦam funa nam tiya.

NEHEMI 5:15

Ki fokon jew ni, muli suu ŋgolo suu jewna ci suuna kiyo, yowosi mappana u sum veŋŋa ki kosiya, yowosi nus kelew doonona ki kosi dok-fiɗi olo. Suu masi suu li sunda lay las suuna coco lay. An tanda may ni an li ka naɗi, kay an li ndaa Lona.

JOB 1:1

Sana dew ka hu mbassa Ussa. Sem ana Job. Nammi sa ma ɗilina, ɗegee lay. Nam li ndaa Lona, ka taɓ tam hu dlara coraɗi.

JOB 28:28

Nam hin di sa warna ana, «Ndaa ma lam u Bu Suunana ni yalna gaw. Ka taɓ taŋ eg dla coraɗi ni mbeleŋŋa gaw.»

KALKIRA 20:20

Moiz di suuna ana, «Lagi ndaaɗi, Lona mba ni a tukugi ni tukiya kay a ndaaram hin kaki na din din, kay agi li dla coɗi.»

VUN ŊGOLNA 14:16

Sa ma wi dlara li ndaa cora fuɗ tam ki koɗu. Sa ma laɓana taɓa ha kay dlara halaŋ, gol ana va ma lam ka huɗi.

VUN ŊGOLNA 14:27

Ndaa ma lam u Yawena ni mbo ma iirina, Nam suɗ suuna ki hu bayra vi maɗnara.

VUN ŊGOLNA 16:6

Cora bulum ki ni u ɗegeera u jivira. Sana suɗ tam ki ko dla cora ni u ndaa ma lam u Yawenana.

VUN ŊGOLNA 23:4

Loɓ taŋ coco kay a hal ɦizaɗi. Hin saa ndaɗta kiyo.

VUN ŊGOLNA 26:12

Aŋ wi sa ma so hurum kay wiimba doy hol ka vi dlaŋ saɗina, sa namma sa ma laɓana ni mariyaɗ suumu.

VUN ŊGOLNA 26:5

Hoŋ dira maŋ sa ma laɓana ni u laɓa mamba, kay ka nam gol tam ko sa ma wi dlara naɗi.

VUN ŊGOLNA 28:11

Sa ma ɦizina gol tammi ana nam neey cocoo. May sa ma haw ma neeyna ndak a tukumu.

VUN ŊGOLNA 28:26

Sa ma hin tam kay saa mamba sak sakŋa ni sa ma laɓana. May sa ma poy u yalna sa namma hin suɗa.

VUN ŊGOLNA 8:13

Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.

DI BOLLA 12:13

Gola ni vunun ma ndi gana. Va ma sa warna a lamma ni nam hum u Lona, li u gaɗ mamba may.

EZAYI 5:21

Hahawra, asi koɗ tasi ni ana asi ni suu neeyna. Asi wi tasi ni ana asi yal cocoo.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

ROMMA 12:16

Lakagi taɓi duk tagiya, ŋgaagi tagi kay tlenɗi lagi sunda ɗegeera, Gologi tagi ko suu neeyna naɗi.