VUN ŊGOLNA 3:33 - Boy Lonana

³³ Givun ma vi Yawena ka ni kay ziŋ suu li dla cora, may nam paɗ vunum ki kay ziŋ suu ɗegeena.

VUN ŊGOLNA 3:33 ပူးပေါင်းရင်းမြစ်များ

2 SAMUEL 6:11

Zanduk Yawera buu hu ziŋ Obed-Edom ma Gatna ni tilna hindi. Yawe paɗ vunum ki kay Obed-Edom u suu varamma halaŋ.

JOB 24:18

Sa ma cona ni mege? Nammi ko tlesuu feɗ suu dol ki kolo kay mbona ɦawa na. Sene mamma ni hu mbassa ki daɓira, va ka jiv huɗi. Sa ma tuɗ ha hu a em gugutluna gege?

JOB 31:12

Coonda ni ko ndal kura ŋgalla na. Ndaɗ ndak a ŋgalan ki naa gelek gelek, ɓalakan tlegeyen suu konna ki bel lay.

SOOLLA 1:3

Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

SOOLLA 37:22

Na daŋ may suu nam paɗ vunum ki kasina, mbassa hini masira, suu nam gasi vunana hin ba kiyo.

SOOLLA 91:10

Hahaw taa ka hin mba kaŋgi, va ma a hin caŋ li ma aŋ buu huna ki kaɗi lay,

VUN ŊGOLNA 10:6

Suu ɗegeena paɗ vunna ka kasi tew tew. Suu cona di dla ganyamba ay duk boy masi ma asi njaɗamma.

VUN ŊGOLNA 14:11

Zi ma vi suu dlasi cona hin hawaɗ kiyo. May mbutluɓ ma vi suu ɗegeena hin weleɗ na gak gak.

VUN ŊGOLNA 15:6

Sa ma ɗegeena tlena kom vo huu ziim cocoo. May begera faɗ ay u li iira mbaaraŋ kaŋŋi dlara hahawra.

VUN ŊGOLNA 21:12

Suu ɗegeena li tasi jivi coco ko zi ma vi suu dlasi cona. Asi zuɗ u suu cona ha duk dla cora.

MALASI 2:2

Lini agi ka humbi, lini agi ka vagi tagi a ŋgaanɗi ni, an hin cukugi dla cora kagiya, gagi vunna, Yawe ma Saɓakŋa Kom Belna di na. Gasi an gagi vunna kay ana dukugi ni sa hurum jivi ka na dewɗi.

GA 8ATAMBARA 11:28

Givunna ni lini agi ka hum u gaɗta vi Yawe Looginaraɗi, lini agi hin voɗta an haɗagira cemi wandara kiyo, tuɗugi u loogi suu agi ka wasiɗina.

GA 8ATAMBARA 7:26

Tlesuu ay vi suu asinana bel agi kal va ma fuli vo hu ziigiɗi, li wa na ni hin caki ki ni ko casira na may. Agi ŋgalasi ha ki ni u tlegeyesi halaŋ halaŋ. Kay asi ni suu Bu Suuna gasi vunna kina.

JOSUWE 6:18

Agi may ni ŋgenegi kogi eg va ma hu zi nammaɗi, tlagi va kogiɗi, ka agi kal tlesuu doo ki kasina ay vo duk suu Israelna a mbaarasi dlara yoora ay kasiɗi.

JOSUWE 7:13

Col koloo, mbuɗ suu Israelna ki teteɗ. Aŋ dasi ana, danagiya, lagi tagi ki teteɗ kay vinda. Yawe Lo ma vi suu Israelna di ana, va ma doo ki kamma ka dukugiya agi suu Israelna. Ni agi ka ndak a col fok suu babali magisinaɗi, bay agi gi va namma ki na baɗi.