VUN ŊGOLNA 3:18 - Boy Lonana

¹⁸ Ndaɗ ni guna vi iirira kay suu vaɗ ki kosina, furira ka kay suu vaɗ kosina.

VUN ŊGOLNA 3:18 ပူးပေါင်းရင်းမြစ်များ

URA TIN AYRA 2:9

Nam day guguni suu jivi suu tira u suu gol jivina u njafasi zeɗ zeɗ huwa. Nam pi gu may ma ɦal iirira hu duk gayra hu senena Edenna u gu may ma wi yal jivira u cora.

URA TIN AYRA 3:22

Yawe Lona di ana, «Sana mbuɗ ki cemi ko aygi na may, wi jivira u cora lay. Dooroygina, hinim a tin kom eg guna vi iirira a kak iri dindindaɗi.»

VUN ŊGOLNA 11:30

Sa ma ɗegeena vuɗ mamba ni gu ma vi iirirana. Suu wi dlara hin vi suu daŋŋa.

VUN ŊGOLNA 13:12

Saara jok ha fokŋa ɗow ɗowra ɓalak huuna kiyo. Vok dlara ha tli fokoŋ dewra ni gu ma vi iirirana.

VUN ŊGOLNA 15:4

Boy ma so huuna ni guna vi iirira. Boy ma cona ɓalak huu sana kiyo.

VUN ŊGOLNA 4:13

Col seŋ eŋ kay haɗ maŋga, noyoɗ kiɗi, ŋgomoɗ jiviya, ndaɗ ni iiri maŋga.

VUN ŊGOLNA 8:32

Cemi ni agi, goroyonu, humugi haa, lini agi hum u gaɗ manda ni furira ka kagiya.

VUN ŊGOLNA 8:34

Furira ka kay suu humun vununna, suu ka coli vun grek manna hu buuna tew tewna, suu ka juɓ a cuk kalaf vo varanna.

DI BOLLA 7:12

Ko ndal gursuna jiv dlara ki kay suuna, yalna ɗoɓ dlara kay sana a nam kak iiri hu duliyara tu ni ko ndaɗta na may.

WIRA ŊGAYRA 2:7

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓak gak gak hin tina wanni ana an hin ɦasi eŋga a ti vuɗ gu ma iirina ma ka hu Paradis Lonna.

WIRA ŊGAYRA 22:2

Ɓaɗ ha ki hu voɗta ɦoŋzi ŋgolnara lay keŋ mbo lumma jakŋi gu ma iirira ka coliya. Hu basara ni nam vuɗ doogo yam mba', tilna dew ni nam vuɗ dew may, humum a garaɗ suu tuguɗira kiyo.