VUN ŊGOLNA 3:17 - Boy Lonana

¹⁷ Ndaɗ tuɗummi hu voɗta jivira, ni voɗta heɓpa ka hura.

VUN ŊGOLNA 3:17 ပူးပေါင်းရင်းမြစ်များ

SOOLLA 112:1

Halleluya. Furira ka kay sa ma li ndaa Yawena u sa ma minim gaɗ mambana may.

SOOLLA 119:103

Ko gaɗ maŋga li funun jiviya, jivi funun su mbul yumma.

SOOLLA 119:14

Hu li ma an ka li u gaɗ maŋgana an ka fi ni furira na ɗow. An mbuɗ ni sa ma tlena kom cocona.

SOOLLA 119:165

Heɓpa ŋgolla ka kay suu miniŋ gaɗ maŋgana, suu asina va ma daɓasi sesi kaɗi.

SOOLLA 119:174

Yawe, an hal suɗta ay ni koŋu, gaɗ maŋga irin jiviya.

SOOLLA 119:47

An furi coco a li u gaɗ maŋgara kay an miniɗ cocoo.

SOOLLA 25:10

Haɗta vi Yawera halaŋŋi ɗegee, gasi lay, kay suu li u galam mamba u gaɗ mambana.

SOOLLA 37:11

Na may suu hoŋ yasi gana mbassa ni masira. Asi hin lak u heɓpa gasira.

VUN ŊGOLNA 16:7

Lini poyra vi sana ii Yawe jiviya ni nam heɓem duk hoŋom ki u suu babali mamsina lay.

VUN ŊGOLNA 2:10

Yalna hin kal huruŋu, wira ndaɗta hin laŋ huruŋ furira.

VUN ŊGOLNA 22:18

Aŋ vam huruŋ wa ni aŋ hin furiya, boy manna hin li kawi funuŋŋi na tew tew.

EZAYI 26:3

Asi ka laki saɓaki, kay asi tin hurusi kaŋu, kay asi hin tasi ni hu duk koŋu asi ka laki u heɓpa.

EZAYI 57:19

An hin kalasi soolla geleɗta ay ki funusiya, ana heɓpa, heɓpa kaa, kay suu ha ki dadayna u suu totokŋa lay, di na ni Yawe, an hin garaɗasi kiyo.

Boy Ma Ayra Ma LUK Ɓiirimma 1:79

A gi u suu ay ki duk ndufundana kiyo, asi suu ay fun maɗnana. Kay tuɗuy hu voɗta heɓpa.»

ROMMA 5:1

Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu.