VUN ŊGOLNA 28:5 - Boy Lonana

⁵ Suu dlasi cona ka wi u dlara ɗegeeraɗi. Suu hal Yawe gasina waɗ uɗ ki halaŋ.

VUN ŊGOLNA 28:5 ပူးပေါင်းရင်းမြစ်များ

SOOLLA 119:100

An mbuɗ gi ii dlara ki su suu ŋgolona, kay an ka saa kay gaɗ maŋga.

SOOLLA 119:98

Gaɗ maŋga mbuɗun yal su suu babali mansina, an min a li uɗ jivi ha fok na ɗow ɗow.

SOOLLA 25:14

Yawe ɦal tam maŋ suu lam ndaaramma, nam takasi galam mamba may.

SOOLLA 92:6

Yawe, sun maŋga ndaɗ ŋgolo, dlaaŋga aŋ a laɗta sa ma ndak a waɗ uɗ kaɗi.

VUN ŊGOLNA 15:24

Sa ma neeyna tuɗ ni hu voɗta tuɗum hu iirira. Nam hin voɗta tuɗum hu maɗnara kiyo.

VUN ŊGOLNA 2:9

Ni aŋ hin hum u dla mayra di ana, jivira, lalamba u ɗegeerara kiyo, u tlesuu tuɗ hu furirana halaŋ.

VUN ŊGOLNA 24:7

Sa ma laɓanaa ka ndak a vi yal kambi. Duk tokka lay ni, nam ka mal vunum ki a di boyɗi lay.

EZAYI 1:3

Mbutlna wi malam ma gam vona, korra wi bulla ndaɗ ti haɗna vi malaɗna hura. Suu Israelna ka wi va dewɗi, suu mansina yal masina kaɗi.

EZAYI 44:18

Suu asina yasi ka li sunɗi. Asi ka wiɗi lay. Humusi ka humbi lay. Hurusi ki sooy eŋ cocoo, ka hum dlaɗi, asi ka ɓorow ii dla kiɗi lay.

EZAYI 6:9

Nam di ana, «Tuɗa, aŋ ɓak suu asina ana, Humugi jiviya, ka wam umbi. Agi gol jiviya ka wi vaɗi.

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

AMOS 3:10

Asi ka u yal ma li dlara ɗegeeraɗi, suu tok dla cora varasi a ɦurum tlena hu ziisina kira, Yawe di na.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

Magaara JAK Ɓiiriɗta 1:5

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.

1 JAŊ 2:20

Lini agiya ni agi fi Musuk Lonara ta Kristu sunuɗ ayra hurugiya agi wi gasira ni kay ndaɗta.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.