VUN ŊGOLNA 28:20 - Boy Lonana

²⁰ Sa ma ɗegeena paɗvunna ka kam cocoo. Sa ma min a ɦiz tam na zak gawna ka hin bay kal daŋgayɗi.

VUN ŊGOLNA 28:20 ပူးပေါင်းရင်းမြစ်များ

NEHEMI 7:2

An ɦal voɗta ha ana tin wayanna Hanani kay Yerusalem may. Hananiya, mul ma hu ɦoŋzi ma saɓakŋa may, kay ana nammi sa ɗegee ma li ndaa Lona su suu bolow hiŋŋa.

SOOLLA 101:6

An hin ɓorow ii suu gasi suu ka hu mbassana kiyo, asina ni suu hin lak egenna. Sa ma poy mamba jivina, sa namma ni saan ma sunda.

VUN ŊGOLNA 10:6

Suu ɗegeena paɗ vunna ka kasi tew tew. Suu cona di dla ganyamba ay duk boy masi ma asi njaɗamma.

VUN ŊGOLNA 13:11

Ҥizza sana faɗ kolo na pokolla, ka kak ta taɗi. Begera sana faɗ ha na nde ndera, ɦiz ndaɗta ka daɓbi.

VUN ŊGOLNA 17:5

Sa ma pan sa ma hawra panammi malam ma lamma. Sa ma furi kay wihawra vi suunana ka suɗ ki fun ɓakŋaɗi.

VUN ŊGOLNA 19:2

Dla mayra laɗ bay saara ka jivi kay sanaɗi. Sa ma dik u tam kay dlara ɦayna hin bay fi coraɗi.

VUN ŊGOLNA 20:21

Ҥiz mayra faɗ kolo na pokolla ka kak ta taɗi.

VUN ŊGOLNA 20:6

Suuna bolowo ka ŋga tasi kay ɗegee masira, may a fi gasi sa ma ki na ɗegeena ni loɓ cocoo.

VUN ŊGOLNA 23:4

Loɓ taŋ coco kay a hal ɦizaɗi. Hin saa ndaɗta kiyo.

VUN ŊGOLNA 28:22

Sa ma liŋ ki dagan begera babana gol ni u iira cora. Nam ka wi ana may ŋgolla ndi kammi ndaɗuraɗi.

MATIYE 24:45

«Sa ma neey ma li sunda jivina ni gege? Ni sa malamma ɦam sunda kom halaŋŋa, nam ɓorow tlena maŋ ndarayamma ni nam lay.

MATIYE 25:21

Mulna dam ana, Ni jiviya, sa li sunda jivina. Aŋ li sunda jivi u tlesuu gorina ni, an tiniŋ a mulna kay tlesuu ŋgolona may. Mbay li furira u anu.

Boy Ma Ayra Ma LUK Ɓiirimma 12:42

Yesu hoŋ dira ana, «Sa li sun mamba jivi yalaɗ irimma ni gege? Ni sa bu ziimma ɦam tlesuu hu ziimma kom halaŋ, tinim a nam ɓorow tina maŋ ndarayamma mayna.

Boy Ma Ayra Ma LUK Ɓiirimma 16:1

Yesu di maŋ suu haɗi mamsina ana, «Sa ma begera dew tin sana a gusum tlegeyem kiyo. Suuna mba dam ana nam ka ɓeŋem tlegeyem kiyo.

WIRA ŊGAYRA 2:10

Li ndaa ko wihawra aŋ tuɗ fatɗaɗi, aŋ huma Satan hin tukugiya, yow suuna ŋgolo cukusi hu daŋgayna, agi hin wagi hawra buuna doogo, kak ɗili na gak gak hu miɗna, an hin ɦaŋ jumba mulla vi iirira.

WIRA ŊGAYRA 2:13

An wi li ma aŋ buu huna, ni hu li ma Satan kaki kay dlam mamba mulla huna. Aŋ huruŋ tini kan eŋe, huruŋ ma tini kanna aŋ bay hinim ki tuwa. Fali mayra Antipas sa ma diki kan gasina, asi cam varagira lay, ni li ma Satan kaki huna.

1 SAMUEL 22:14

Ahimelek hoŋ dira maŋ mulna ana, «Duk suu maŋ suu sunda halaŋŋi sa ma ki coli kay dlaamba gasi ko David na kaɗi su? Nammi kunuŋ mulnana. Nam mbuɗ ni sa goloŋ uŋŋa lay, suuna furuyum hu ziiŋ cocoo.