VUN ŊGOLNA 28:15 - Boy Lonana

¹⁵ Ko dlona u bosogoona bay a vi tlena na, suu dlasi cona kaki kay suu hawra ni na may.

VUN ŊGOLNA 28:15 ပူးပေါင်းရင်းမြစ်များ

MATIYE 2:16

Herod wi ana suu wi dlara ganam yam mi ganiya ni, hurum ɓeŋ ki cocoo. Nam cuk suu mamma ana ci gor njufi suu vuɗ wilina u suu basaɗasi tew mbambana kiyo. Ni kayra suu wi dlara dam ana asi wi ciciwra ni hu basa ndaɗta.

1 PIYER 5:8

Gologi jiviya kakagi jek jekee, kay Satanna kuɗuk ko dlona gi ŋgoɓpa na hal gegelay kay a komomu.

VUN ŊGOLNA 20:2

Ndaa mulna li suuna ni ko ndal ndaa dlona hu li ma nam gi ŋgoɓpara na. Sa ma ɓeŋ huu mulnana hal a ba ki ni iiri mamba.

VUN ŊGOLNA 19:12

Yara vi mulnara ni ko ndal dlona gi ŋgoɓpara na. May oo mamba ni ko ndal mbaɗagira gi hum usunara na.

2 MULINA 21:16

Manase ci suu ɓalak va kaɗina ki cocoo, suluk namma oy ki hu Yerusalem na halaŋ. Suluk ma nam lam eg Yuda halaŋŋa ka ndumbi. Nam li dlara ka ii Yawe jiviɗira cocoo.

KALKIRA 1:22

Faraw ɦal voɗta maŋ suu mamsina ana, «Kemba vuɗ wilira, gor njufiina halaŋ cukusi ki duk mbo lum ma Nilna, hin gorɓiina iiri may.»

Magaara Vi Sa Jok Vun Lona OZE 13:8

An gasi jaŋŋasi duuna ko ndal bosogo ma asi yowom goryomma na, an coosi hurusi kiyo, ko ndal dlona na an komosi hu li namma, mbuuri suu bagina hin palawasi kiyo.

Magaara Vi Sa Jok Vun Lona OZE 5:11

Efrayim ki dooriya, toom ki hu ɓakŋa wa, kay ana nam vi tam a liŋ na ta ta u dlara uɗ kaɗira.

VUN ŊGOLNA 17:12

Mariyaɗ ni ko aŋ ŋgaf ni u bosogo ma goryom ba kina. Jivi sura aŋ ŋgaf u sa ma laɓana u tafaɗi mambana.

2 MULINA 15:16

Manahem tuɗ ndug ɦoŋzi ma Tapuana. Nam ci suu hu ɦoŋzi nammana ki halaŋ suu hu mbassa Tirsara bel bel kay ana asi min ka a malam vun grekŋa ki hu li ma nam a kallaɗi, nam wak huu boyogi suu wiina ki bel bel.

2 MULINA 2:24

Nam pereɗ irim golosi ha na ni gasi vunna u sem Yawe. Na gaw ni bosokona cuk ay ki duk gura na mba', kom ki u gor kem asira na dok-fiɗi yam mba'.

VUN ŊGOLNA 29:2

Hu li ma suu ɗegeena ka hu ŋgolla ni asina, ni suuna halaŋ furiya. Na may lini sa ma dlam cona a ŋgolla ni namu ni, suuna halaŋ yoora.

KALKIRA 1:13

Suu Egiptena ka las suu Israelna coco u waɗta ɦay lay.

EZAYI 14:5

Yawe kus tokolora vi suu dlasi cona ki wa, tokolora vi suu ti mulla kay suuna ka oloɗi.

EZAYI 14:6

Sa may ma hurum u yara las suuna cocona, sa ma waɗ suuna kom ka vi kay saɗina, sa ma u yaamba hom yam njaf suuna ki um ga halaŋŋa, digisi usi na gak gak ka hinisi a koɗ tasiɗi lay.

SOFONI 3:3

Muli maɗsina huruɗ ni ko dlona gi ŋgoɓpara na, suu maɗ suu kaɓakŋa ko ndal bosogori suu mayra casina a dik mbuurina del fiɗigira na, ko suu ka hin va kolo a ti vin maɗiiɗi layna na.