VUN ŊGOLNA 28:1 - Boy Lonana

¹ Suu dlasi cona yow piira, bay sa dikisi usi ha lay. Na may sa ma ɗegeena buuri ni ko goo dlona na, va ma ŋgenem kaɗi.

VUN ŊGOLNA 28:1 ပူးပေါင်းရင်းမြစ်များ

1 MULINA 1:49

Suu Adoniya yasi ayna halaŋ mbuɗ ki ndaa cocoo. Gegelay ni tin irim siira a suɗ tamba ni na gaw gaw.

2 MULINA 7:15

Asi cuɗusi sesi ta ta tew ay ki fun mbo lum ma Yurdanna. Asi wi ana tlege suu vi suu duu suu Sirina ha ki cuki voɗ cocoo. Tlena ha ki cukira voɗ ni na ca ca. Barawina u tlesuu daŋ suu asi gikisi ka ki kay liŋŋana. Suu sunusi hana hoŋ ay cuɗ boy namma maŋ mulna.

NEHEMI 6:11

An hoŋ dira ana, «Sa ma ko an nana ndak a ŋgay su? Sa ma ko an na ma hin kal hu Ziŋ Lonara hin kak iirina ni gege? An hin ka kal huɗi.»

JOB 15:21

Asi ka hummi bayra lasi tasi ndaana sak sak. Hu li ma heɓpa ka lay ni suu ɓalak lina tuɗ dukusi gak gak lay.

SOOLLA 112:7

Lini nam hum dla lay, hurum ka mbuɗ zakgi, kay viimba saɓaki, nam tin saa mamba ni kay Yawe dew.

SOOLLA 53:5

Bu Suuna joɓ tam ana, «Suu li dla cora asina, suu ɦurumun tlena ki ko suu mansinana halaŋŋi yasi kaɗi su? Asi ka goɓonɗi lay.»

SOOLLA 53:6

Asi halaŋ mbuɗ ki ndaana, li ni dlara ndaa kaɗi lay. Suu duu asina Lona njayasi sokosi ki na dew dew, aŋ panasiya kay Lona zuɗusi ki wa.

KALKIRA 11:8

Moiz di olo ana, «Hu buu namma suu sun maŋsina hin mba egenu goɓ kaŋga fokonu, dan ana, agi u suu maŋsina halaŋ tuɗugiya, hu li namma ni an hin tuɗa.» Moiz hurum ɓeŋ cocoo, kal ay ki vi Farawni u yara.

VUN ŊGOLNA 10:9

Sa ma poy u ɗilira tuɗ ni u heɓpa may sa ma tli voɗta gunira hin kal ki ni daŋgayna.

VUN ŊGOLNA 27:27

Mbii ɦuginina ni a tiiŋŋa, a ti ma vi suu maŋsinana, a kakaŋ boyogi maŋ suu sunda iirira may.

EZAYI 30:17

Suu may suu buɓ duk dewna hin yow liŋŋa fok sa ma dew daŋŋa. Agi hin yow liŋŋa halaŋŋi ko lassa vi suu vadl daŋŋa. Ugira hin vora ni ko gu ma pii kolo kay ɦinira vay dam dewna ɦawa na.

EZAYI 7:2

Asi jok boy namma ay maŋ Ahaz, njaf suu vi Davidna ana, «Mul ma Sirina u suu mam suu duuna ay ka hu mbassa vi Efrayimba.» Ahaz mbuɗ ki ndaana u suu mamsina halaŋ halaŋ. Asi mbuɗ dlak ko ndal hum ŋgusugina geŋeɗ ko semeɗnara na.

JEREMI 20:4

Ko ndaɗta na Yawe ɓak anaba, «Ŋgoo dagan wanni an hin mbuɗuŋ ki ndaana, banayaŋŋa lay, asi hin puk kaŋga fun ŋgewna vi suu babali masisina aŋ hin wi dla ndaɗta u iriŋ lay. An hin ɦal suu Yudana ki maŋ mul ma Babilonna. Nam hin yowosi tuɗusi ki Babilon, nam hin casi ki u ŋgewna.

DLAŊ LEVIRA 26:17

An hin pereɗ zagaɗan magiya, suu babali magisina hin cagiya, suu gonok magisina hin lak a mulina kagiya. Agi hin yow liŋŋa ni bay sa ma dikigi ugi lay.

DLAŊ LEVIRA 26:36

«Ugira hin iirira suu asina an hin cukusi ndaana hurusiya, hum bubura yak kaŋgara hin mbaɗasi ni ndaɗ ɦawaa, asi hin yow liŋŋa ni ko ndal sa ka dikisi ay ŋgorosi dagan na, asi puk kay tasi ni sa ka usi a dikisiɗi lay.

SUNDA 14:3

Pol u Barnabas kak Ikonium cocoo, asi ɓak boyna u ɦiŋga, hurusi tini kay Bu Suuna cocoo. Bu Suuna takasi ana boy ma asi dam kay oo mamba ni gasira, nam ɦasi saɓakŋa a li dlara mbuɗta u takka daŋga.

SUNDA 4:13

Suu ŋgolona wi ɦiŋga vi Piyer u Jaŋ na ni asi mbuɗ lakira na jim, asi wi kasi ana asi ni suu ɦawana, haɗ magaara ka ŋgolɗi lay, asi hin wi kasi na daŋŋi, ana asi ni suu poy u Yesu jewna.

GA 8ATAMBARA 28:25

Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.

GA 8ATAMBARA 28:7

«Hu li ma suu babali magisina a duu u agina ni Yawe cagisina ki fokogiya. Asi mbay a ŋgafagira ni hu voɗta dewra, may asi mbuɗ a njay liŋŋa ni hu voɗta na zeɗ zeɗ kiɗisiya.

1 TESALONIKŊA 2:2

Hu li ma suuna lasami ay hu Filipi ŋgulumi lay ko agi wira na, Lona hin njunumi ɦami ɦiŋga a dagi Boy mamma Ayra duk ciwayra vi suuna.