VUN ŊGOLNA 27:18 - Boy Lonana

¹⁸ Sa ma gol gu tulum mamma jivina hin tam vuɗumu. Sa ma saa kay sa haɗamma jivina ni suuna ŋgaamu.

VUN ŊGOLNA 27:18 ပူးပေါင်းရင်းမြစ်များ

2 MULINA 18:31

Humugi dlara Ezekiyas daɗtaɗi, humungi ha ni boy ma an dagina ha wanna na ɗow, ni an mul ma Asirina, hinigi dlara so yagi kira tani mbuɗugi ay ni un na ɗow. Ni gegelay ni ndak a ti vuɗ gugutlu mamma, ti vuɗ tulum mamma, ci mbo goloŋ mamba may.

2 MULINA 3:11

Josafat di ana, «Sa ma jok vun Lona ma vi Yawe maa ka tani a ay ndak a joɓoygi Yaweɗi su?» Sa maa dew duk suu sun suu vi mul ma Israelna hin di ana, «Elize ma, goŋ Safatna ma li ay poy u tasi ha sa ma jok vun Lona, Elina, ka dukuygi tani.»

2 MULINA 5:25

Gehazi hoŋ ay eg sa ŋgol mamma. Nam joɓom ana, «Gehazi aŋ ay ni arage?» Nam hoŋom dira ana, «Sa ŋgol manna an ay ka liɗi.»

2 MULINA 5:27

Kay ndaɗta busu ma vi Naamanna hin jokŋi kaŋu, ha kay njafaŋŋi na halaŋ halaŋ.» Hu li ma Gehazi gi tam hin Elize kana may ni, tam mbuɗ ki haɓpa ko fuɗ barawra na, busuna cukummi na gaw.

ESTER 6:11

Haman yow barawna, vi kulumma may, nam cuk barawna ta Mardose, tlam kolo kay kulumma, poy u nam hu voɗta hu ɦoŋzinara yi ha kolo fokom ana, «Sa ma mulna min a lam umma hin lammi ko wanda na.»

SOOLLA 123:2

Na daŋ may, ko ndal mborɓiina irisi kolo u ko malayasinara na, ko ii goo mbaɓura kolo u ko malaɗta na, na may irimi halaŋ ka yowi kolo u Yawe, Loomina. Ami ka juɓummi oo mamba.

KALKIRA 24:13

Moiz col kolo u Josuwe saam ma njun umma. Moiz ɗiŋ kolo kay Ҥinira vi Lonara.

VUN ŊGOLNA 17:2

Mbaɓu ma ɗegeena su kay goo vuɗ ma li dlara zolona, nam hin fi jona duk gorsem suu daŋŋa may.

VUN ŊGOLNA 22:29

Aŋ wi sa ma li sun mamba jivi maa su? Sa namma ndak a tak tam ii mulina. Ka kak duk suu may suu ka duk ndufundanaɗi.

VUN ŊGOLNA 27:17

Kawina mbuɗ ki jivira ni u kawina, sana mbuɗ ɗegee ni u taɓpa ko tam u ndarammara.

VUN ŊGOLNA 27:19

Ko ndal sana wi ŋgusum ha ki ga duk mbona, huu sana takam ki ni ko ndaɗta na may.

SOOLLA VI SALOMON 8:12

Sene gugutluna ni man daŋ may. Silira buɓpa ni maŋu, Salomon. Ta kis kis mbara ni maŋ suu ka juɓuŋ u senenana may.

EZAYI 36:16

Ni agi hum ugi vun Ezekiyasɗi, kay mul ma Asirina di ay ana, Vagi banara u an ɗow, mbaagi ay egenu, gegelay ni hin ti vuɗ gugutlu mamma funum u vuɗ tulum mamma ɗow, hin ci yo ma hu goloŋ mambana may.

MATIYE 24:25

Humugi jiviya. An neegi ki fok jewe.

MATIYE 24:46

Furira kay sa namma, ma malamma tuɗ lina, hoŋ ay voo, fam u sun mamba komma.

MARK 10:43

Dukugi ni, ka li dlara naɗi. Ki ni na ɗow ana sa ma min a mbuɗ ma ŋgolna, nam lagi sunda.

Boy Ma Ayra Ma LUK Ɓiirimma 12:37

Furira kay suu asina kay mul masina mba fasi iiriya. An dagi ha ni gasira nam u tamba hin min tamu ɦasi li kakŋa, tuɗ yow funa aya, cukusina fokosiya.

Boy Ma Ayra Ma LUK Ɓiirimma 12:42

Yesu hoŋ dira ana, «Sa li sun mamba jivi yalaɗ irimma ni gege? Ni sa bu ziimma ɦam tlesuu hu ziimma kom halaŋ, tinim a nam ɓorow tina maŋ ndarayamma mayna.

Boy Ma Ayra Ma LUK Ɓiirimma 19:17

Mulna di ma namma ana, Ni jiviya, aŋŋi sa ma li sunda jivina. Aŋ li ɗegeera ka u tlesuu ewna, an kakaŋ a mulna kay zina doogo.

Boy Ma Ayra Ma JAŊ Ɓiirimma 12:26

Sa li a lan sun manda ni sa namma tuɗ ay kay cerenu, na may ni, saan ma sunda hin tuɗ ni hu li ma an huna may. Bun hin geleɗ sa ma sununna.»

SUNDA 10:7

Sa sunda huulona gi tam gini Korniye yi suu mam suu sunda mba', yi sa ma asgaa ma sunumma dew may, kay nammi sa ma ɗegeena.

1 KORINTNA 3:8

Sa ma pi guna u ma voom yona ni fun tasi dew, Lona hin warak sana ni kay sun mamba nam laɗta.

1 KORINTNA 9:13

Wagi ki kaki anaba suu li sunda hu Ziŋ Lonara fi tiisina ni hu Ziŋ Lonara may, suu li ɓivun ma ŋgalam ki ŋgalina fi tiisina ni hu givin ma togolla namma may.

1 KORINTNA 9:7

Agi wi ana asgaa ma ka li sunda ma warak tam kay tam ka su? Sa pi guna pi ka tam vuɗumbina ni gege? Sa ma taa mbutlina ka casi mbirisiɗina ni gege?

KOLOSNA 3:22

Agi mborɓiina humugi u maliyagina kaŋga kay ndaŋgara tani lagi jivira ni kosi ni fokosi hu li ma asi gologina ɦawaɗi, humugi usi u huu ma jivina ni kay humba agi hum vun Bu Suunara.

2 TIMOTE 2:6

Sa ma horokŋa li sunda hu sene mamma loɓ cocoo, ni nam hin gijaŋŋa a feɗ tlegeyem ki vo jew ni namu.

1 PIYER 2:18

Suu sunda humugi u maliyagina, u humba gasira hummi u suu boyosi jivina u suu lalamma holɗi, u suu boyosi cona lay.

1 PIYER 2:21

Lona yagi ni kay ndaɗta, Kristu u tamba lay ni wihawra kagiya, nam hinigi ka ana agi li ko nam na may.

1 SAMUEL 2:30

Ni kay ndaɗta Yawe Lona vi suu Israelna di ana, gasi an di ana, ziiŋu u ziŋ buŋŋa hin tuɗ fokon a fafaɗta. May cecem wanda Yawe gasi vunna. An tli yam suu ŋgaana kolo may, suu ka mininɗina hin ndi duk dla cora.