VUN ŊGOLNA 24:12 - Boy Lonana

¹² Ka aŋ di ana, «Dla ndaɗta an ka waɗɗi.» Lona wi dla ndaɗta ni namu lini nam di ni gasira ɗowba kaboyna. Nam hin kaɓakŋa kay gegelay ni u dlaamba nam laɗta.

VUN ŊGOLNA 24:12 ပူးပေါင်းရင်းမြစ်များ

JOB 34:11

Kay nam warak sana ni u sun mamba. Nam kaɓakŋa kay sana ni u poy mamba.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

ROMMA 2:6

Nam hin warak suuna ni u sun masira.

VUN ŊGOLNA 21:2

Voɗta vi gegelay ni gol irimmi jiviya. May Yawe ni sa ma gol huu sana kurufuna.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

DI BOLLA 5:8

Ko mul ma kak kay mbassana li ni sa ma min baraɗna ɦayna.

SOOLLA 121:8

Yawe hin goloŋ hu tuɗta aŋ tuɗ koyra, u hoŋ maŋga ay vora lay, ha koyni gak gak u fokka lay a fafaɗta.

SOOLLA 121:3

Nam ka hiniŋ seŋ a daɓ vaɗi, ka sa ma juɓuŋ uŋŋa buu senɗi.

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»

SOOLLA 62:12

Lona ni malaŋ saɓakŋa halaŋ. An huma nam di na ni ka sem dew ɦawaɗi.

SOOLLA 17:3

Aŋ golon hurunu, njeŋge lay aŋ ka wanu, aŋ golon hurunu, fi co ka huɗi. Vunun ka di dlara coɗi lay.

WIRA ŊGAYRA 22:12

Yesu di ana, «Huma, an mbay cecem, an hin mba u warakŋa konu, an hin warak sana ni u sun mamba nam laɗta.

WIRA ŊGAYRA 2:18

Ɓii magaara maŋ sa sunda huulona vi suu vi Kristuna hu Tiyatir. Humugiya boy ma Goŋ Lonna damma, nam sa ma irim weleɗ ko sin kura a vira nana. Sem weleɗ ko kawi ma tlaw ma ko walakŋa na.

WIRA ŊGAYRA 1:18

An ni ma iirina, an ay jew miɗiya, cecemi an ka iiri a fafatɗa. Vun zira vi miɗna u huu lina vi suu miɗina ki ni konu.

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.

SUNDA 17:28

Hurum nammi aygi ka iiriya, Ndak a mbuzuguygi lay, wi taygi lay. Ni ko sool magi ta ɦiw di na lay, aygi ni goryomu.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

JEREMI 32:19

Sa gaɗ suuna ma jivi ɦayna sa ma li dlara ŋgolora ɦayna, iriŋ ka tini kay gegelay a golom tuɗ mamba, aŋ hin ka ɓakŋa kay gegelay ni u tuɗ mamba, ni u sun mamba nam laɗta.

VUN ŊGOLNA 5:21

Kay ii Yawe ka wi voɗta vi suunara halaŋ, nam ka golosi voɗta asi tuɗ huruɗta halaŋ.

SOOLLA 66:9

Nammi sa ma hinigi lak iirina, hinigi ka a daɓ segiɗi.

SOOLLA 44:21

Lini ami maa ki kay Loomina lay, lini ami pereɗ irimi u loogi suu daŋŋa lay,

SOOLLA 7:9

Yawe kaɓakŋa kay suuna. Takan jivi manda kiyo, Yawe, u ɗegee manda kay an li va kaɗi.

1 SAMUEL 25:29

Suuna yow tasi kolo a dik u malanna a cam kira, may iirira vi malanna hin hin ŋgayra duk suu iirina eg Yawe Looŋŋa, hu li ma vi suu babali maŋsinana Yawe hin gikiɗ ha ki na day, hu ŋgil mbuuru mamba.

1 SAMUEL 2:6

Yawe ndak ci sana ki lay, hoŋom ki iiri lay. Kal sana kaŋga hu zulla kura lay, hin tlam ay ki kolo lay.

1 SAMUEL 2:3

Hoŋogi dlara bay uɗta na hoŋ hoŋgi. Ko boy ma cona kal ay ki funugiɗi. Yawe ni Lo ma wi dlara. Nammi sa ŋga nek dlara.

SOOLLA 94:9

Nam sa ma li humbana hin ka humbi ni nanage? Nam sa ma li iirana hin ka wiɗi ni nanage?

VUN ŊGOLNA 12:14

Sana hoɓ hoɓ ma jivina ni u boy mam ma nam damma. Gegelay fi ni warak sun mamba nam laɗ u bik komba.

VUN ŊGOLNA 5:22

Sa ma dlam cona dla coomba vammi ndaɗ tok, nam hin vi ni hu bayna vi dla coomba tok.

VUN ŊGOLNA 16:2

Dlara sana laɗta halaŋ gol irimmi jivi bel. Na may Yawe ni sa ma wi huuna ay kurufu dayna.

YOORA 3:36

Hu li ma asi li dla cora eg sana hu li ma kaam ɓak mamma ni Bu Suuna ka wiɗi su?