VUN ŊGOLNA 19:21 - Boy Lonana

²¹ Dlara suuna min a laɗta hurusi oy bolow cocoo, may minda vi Yawe col ay wa ni hin li ni na tuwa.

VUN ŊGOLNA 19:21 ပူးပေါင်းရင်းမြစ်များ

URA TIN AYRA 50:20

Agi lan gin cora ay egenu, Lona hin mbuɗ co ndaɗta ki jivira, a suɗ iirira vi suuna ki ŋgolo ko agi wi u irigi wanda na.

2 SAMUEL 17:14

Absalom u suu Israelna halaŋ di ana, «Gaɗta vi Husay ma Arkŋa jivi su gaɗta vi Ahitofella.» Gasi daŋ may, Yawe vi kam a bulum gaɗta vi Ahitofel ta jivi sura a mba dla cora ay kay Absalom.

ESTER 9:25

May hu li ma dla ndaɗta mbay ki fok mulnana nam ɓak dla ndaɗta ki hin ɓii dla cora Haman laɗ vi vunum kay suu Juifnara ki ana dla ndaɗta hin ndi ni kay yamu, asi hin ɓalam ki kolo eg guna, nam u goryomu.

JOB 23:13

Na may lini nam di dlara wa ni sa ma ci wayra funumma ni gege? Dlara nam min a laɗta nam laɗ ni u min mamba.

SOOLLA 21:11

Aŋ hin gasi njafasi ki kay ndaŋgara halaŋ, aŋ hin bulumusi deeresi ki duk njaf suu hu duliyarana bel.

SOOLLA 83:4

Asi ka di ŋgeŋŋa kay suu maŋsina, asi ka ŋgaa vunusi kay suu maŋsina,

VUN ŊGOLNA 12:2

Sa ma li jivira yi ay ni oora vi Yawera kamu. Sa ma hal mbeleŋ ma cona, Yawe kaam ɓakŋa kamu.

VUN ŊGOLNA 16:1

Suuna saa dlara a laɗta. May sa ma li dla ndaɗta kina ni Yawe.

VUN ŊGOLNA 16:9

Huu sana ka saa voɗta nam a tuɗ hura, may Yawe gol sem sana ma tuɗ huna ni namu.

VUN ŊGOLNA 19:22

Va ma minim ko sa warnana ni ɗegeera. Olo ni sa ma hawra ni jivi mariyaɗ su sa ma kaboyna.

VUN ŊGOLNA 21:1

Huu mulna hu duk ko Yawe ni ko ndal mbo ma ɓaɗna na, nam ndak a ɓaɗam aragelay u min mamba.

VUN ŊGOLNA 21:30

Yal ma vi sa warnana, neemba u mbeleŋ mamma halaŋ ka ndak a col fok Yaweɗi.

DI BOLLA 7:29

Gola ni dlara an faɗta. Lona li sa warna ni ɗegee ka ŋga tambi, may sana hin hal dlara loɓma kay tammi namu.

EZAYI 14:24

Yawe, ma Saɓakŋa Kom Belna, suu tam ki di ana, «Dlara an saa a laɗta hin mbaa. Dlara an min a laɗta hin li kiyo.

EZAYI 46:10

Ay hu gijaŋŋa day ni an di dlara, an min a laɗta ay kiyo. An di dla mayra hin a lira, ta bay sa waɗ tura ay ki jewe. An di ana gola dlaanda hin li ni na, ndaɗ hin li ki may. Dlara an miniɗta halaŋ an laɗu.

JEREMI 44:29

Gola ni va ma hin tak ki na, Yawe di ana, sa hin takagi ana an hin lagi dla cora egegi hu li wanna ni gege? Hin takagi ana dlaanda hin li ki egegi kay dla coogira ni gege?

EZEKIYEL 20:32

«Dlara agi saaraɗ hurugi wandara ka hin li naɗi, kay agi di ana, Ami min li ko njaf suu daŋŋa lira na may, ko ndal dee suu daŋŋa hu mbassa daŋga goɓ gugunina u ɦinira na may.

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

1 PIYER 2:8

Magaara di hu li ma daŋŋa ana, «Ҥini namma ni ma daɓ sem suuna, ni ɦini ma hin cukusi gaana.» Asi daɓ sesi kay asi ka min a hum u boy mammaɗi, kay ndaɗta asi ay ki ŋgaay ni na daŋ may.

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.