VUN ŊGOLNA 18:6 - Boy Lonana

⁶ Boy ma vi sa ma laɓana mbaa duk suuna ni ci wayra. Boy ma nam damma mbuɗ ni honira.

VUN ŊGOLNA 18:6 ပူးပေါင်းရင်းမြစ်များ

VUN ŊGOLNA 27:3

Gogoyra nek cocoo, ŋgetlna nek ɦay lay. may huu sa ma laɓana ɓalak wa ni, nek su tle asina.

VUN ŊGOLNA 29:9

Lini sa ma wi dlara a tuɗ fun ɓakŋa u sa ma laɓana ni, nam mbuɗ ni ya lay, li sanni sani lay ni, koɗ taamba kaɗi.

VUN ŊGOLNA 25:24

Kak hu zi cuɓ cuɓ ma goona ni jivi sura cuk hu zi ma ŋgolna ko taŋ u cara vunna cocora.

VUN ŊGOLNA 20:3

Sa ma ka taɓ tam duk dlara ci wayraɗina ni sa ma suuna ŋgaamma. May sa laɓana tuɗ kal tammi dukka gayara.

VUN ŊGOLNA 19:29

Gaɗta tiniɗ ni kay suu pan ndarayasinana. Poŋga ni kay cee suu laɓana may.

VUN ŊGOLNA 19:19

Sa ma li yara ɦayna nam mba warak kay coom ndaɗta. Hinim wa ɦawaa ni nam joo ha fokŋi joori na ɗow ɗow.

VUN ŊGOLNA 17:14

Gijaŋ a li honira ni ko ndal aŋ ka voɗ mbona ay ki a nam ɓaɗta na. Jew bay gijaŋ yara tu ni mariyaɗ ni hiniɗu.

VUN ŊGOLNA 14:16

Sa ma wi dlara li ndaa cora fuɗ tam ki koɗu. Sa ma laɓana taɓa ha kay dlara halaŋ, gol ana va ma lam ka huɗi.

VUN ŊGOLNA 14:3

Sa ma laɓana di ni boy ma ŋga tara sak sak. May boy ma vi sa ma wi dlara njun kamu.

VUN ŊGOLNA 13:10

Ŋga tara mba ay ni honira u ciwayra ɦawaa. Yalna kakŋi u suu hum u gaɗtana.

VUN ŊGOLNA 12:16

Sa ma laɓana tak yaamba ki ni na zak gaw. May sa ma wi dlara siɓ ŋgulla, ka mbuɗ ya zakgi.

VUN ŊGOLNA 22:10

Dik sa ma pan tara kiyo, ni ɦonira hin tuɗ ki may. Ci wayra ka hin a li oloɗi lay.