VUN ŊGOLNA 18:5 - Boy Lonana

⁵ Col ki ŋgoo sa ma dlaamba cona, mbuɗ boy ma vi sa ma ɗegeena ki cora ni ka jiviɗi.

VUN ŊGOLNA 18:5 ပူးပေါင်းရင်းမြစ်များ

DLAŊ LEVIRA 19:15

«Kaagi ɓakŋa ni u ɗegeera, njun u sa ma maŋinaɗi, aŋ ka njun u sa ŋgolna ana nam ŋgoloraɗi lay, kaasi ɓakŋa ni u voɗom a asi ni gorseŋŋara halaŋ.

VUN ŊGOLNA 28:21

Ɓorow ii suuna ni ka jiviɗi. Sana ndak a kal hu dla cora kay fu ma mbuluk vunna dewna.

GA 8ATAMBARA 16:19

Aŋ baa yam gasira ki gaɗi, aŋ ka ɓorow ii suunaɗi, aŋ ka vi ŋgomba suuna ŋgomoŋgaɗi, kay ŋgomba duk ii sa ma wi gasira kiyo, ɓalak boy ma vi sa ma mamma ɗegeena ki lay.

SOOLLA 82:2

Aŋ hin kaɓakŋa kay suu co asina ni saɓa tuge? Aŋ li suu li dla cora jivira tu na ni amege?

VUN ŊGOLNA 24:23

Gola, wanni yal ma daŋŋa olo. Hu li ma aŋ tuɗ fun ɓakŋa wa ni, col ki ŋgoo sa dewɗi.

VUN ŊGOLNA 17:15

Njun u sa ma li dla cora ɗowba kal sa ma ɗegeena hu cora, tle asina jakŋi Yawe ka minisiɗi.

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

EZAYI 5:23

Asi mbuɗ dla cora vi sana ki jivira u begera, mbuɗ dlara ɗegeera vi sa ma va ka kombina ki cora may.

JOB 34:19

Nam dew ni sa ma ka njun u mulɗi lay, ka ɗoɓ dlara vi suu ɦizina su mayra vi suu hawraɗi lay. Kay suuna halaŋ nam lasi ni namu.

MISE 7:3

Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.

EZAYI 59:14

Kay ndaɗta ɗegeera mbuɗ ha ki dagan na day. Ɓak ma ɗegeena ka oloɗi. Gasira mbuɗ ni va ma daɓ sem suuna hu hoŋzi ma ŋgolna. Dlara jivi ka kal ay varasi oloɗi.

KALKIRA 23:2

Aŋ ka taɓ vunuŋ u suu li dla coraɗi. Lini aŋ a di ki kay dla fun ɓakŋa ni di dlara kaboyna a baa gasira ki garaɗi.

KALKIRA 23:6

Lini sa ma hawra sek wa ni aŋ ka bulumum boy mamma kiɗi.

VUN ŊGOLNA 17:26

Gi sa ma ɗegeena daŋgayna ni ka jiviɗi. Poŋ sa ŋgol ma suuna ŋgaamma ci wayra ni u gasira.

VUN ŊGOLNA 31:5

Kay hu li ma asi cam wa ni, humusi maa ki kay gaɗta gaw. Ka li ɓak ma vi suu gorina jivi oloɗi.

MISE 3:9

Humugi boy namma ha ɗaŋ, agi muli suu vi Yakobma, suu kaɓakŋa vi Israelna asi suu mbuɗugi boy ma jivina ki balam dla corana, dlara ɗegeera agi mbuɗuɗ ki gunira na ɗowna.

KALKIRA 23:3

Aŋ ka njun u sana kay dlaamba nam laɗta na gorɗi, lini sa ma maŋi lay.