VUN ŊGOLNA 18:10 - Boy Lonana

¹⁰ Sem Yawe ni zi mayra mini eŋ coco ta ŋgayra. Suu ɗegeena ŋgay tasi huwa ni suɗ kiyo.

VUN ŊGOLNA 18:10 ပူးပေါင်းရင်းမြစ်များ

URA TIN AYRA 17:1

Hu li ma basa Abram li ki dok-dleeŋe yam dleeŋe ni, Yawe tak tam ki irim dam ana, «Anni Lona ma Saɓakŋa. Aŋ poy fokonu li ɗegee.

URA TIN AYRA 32:11

An ka ndaki kay jivira u ɗegee maŋga aŋ laɗ kay saaŋ ma sundaraɗi, kay an calaɗ yo lum ma Yurdanna ay ki ni u tokolo manda ɦawaa, cecemi an ɓorow ii suu mansina ki kaŋŋa mba'.

2 SAMUEL 22:2

Nam di ana, Yawe ni ɦini manna, ni saɓak manna, ni sa ma buɗun kina.

2 SAMUEL 22:3

Lona ni ɦinira an ŋgay tan hura, ni mbari manna, ɓagi man ma saɓakŋa, ɦoŋziin ma jivina, liin ma ŋgayra, saan ma suɗta, aŋ suɗun ki ko suu duurunna.

2 SAMUEL 22:51

Nam ɦal saɓak ma ŋgolona maŋ mul mamma. Nam li dlara ɗegeera eg sa ma nam fuurumma, eg David u mul mamba a fafaɗta.

SOOLLA 144:2

Nammi sa ma njununna, ni ɦoŋzi ma saɓakŋa, ni gulumun ma ka kanna, sa ma buɗun kina. Nammi mbari manna, an ŋgay tanni egemu, nam cukun suu mansina ga u saɓak manna.

SOOLLA 18:2

Nam di ana, An miniŋ cocoo, Yawe, ma ɦan saɓakŋana.

SOOLLA 20:2

Yawe humuŋ cen maŋga hu buu ma lassa faŋŋa, ko sem Lo ma vi Yakobma njun kaŋu.

SOOLLA 27:1

Soolla vi David. Yawe ni kiɗik manda u suɗ manda, an li ndaana ni ko ge ologe? Yawe ni ɦoŋzi ma saɓakŋa vi iiri manda, an dlak ndaana ni ko ge ologe?

SOOLLA 91:14

Lona di ana, kay nam njun tam egenu, an hin buɗum kiyo, hin golom kay nam wan senu.

SOOLLA 91:2

An ɓak kay Yawe ana, «Nammi sa ma an ŋgay tan egemma, ni ɦoŋzi ma saɓakŋa, Loonna an tin saa manda ni kaŋ dew.»

KALKIRA 6:3

An tak tan ay ki ii Abraham, ii Isaak, ii Yakob ni El Saday, na may an tak tan ka irisi u sen ma Yawe naɗi.

VUN ŊGOLNA 14:26

Saɓak ma ŋgol cocona ka hu ndaa ma lam u Yawena. Kay goryommi nammi li ma ŋgayra.

VUN ŊGOLNA 29:25

Ndaa ma lam ko sa warnana gun fokoŋŋi dawna. Sa ma hin tam ko Yawena kaki ni u heɓpa.

EZAYI 26:4

Tinigi hurugi kay Yawe a fafaɗta, kay Yawe ɦini ma din dinna.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

HABAKUK 3:19

Yawe ni malanna. Nammi saɓak manna. Nam mbuɗun sen ki ko sem dukka na, hin tuɗun ki hu li ma dayna. Soolla vi sa ma fok suu gi soollana, gaɗ u diŋŋa.

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

WIRA ŊGAYRA 1:8

Anni Gijaŋŋa u Daɓpa, Alfa u Omega, Bu Suuna, Lona ma Saɓakŋa, di na ni namu, ammi ma ka cecemma, ma ay jewna lay, ma hin a mbay fokŋa lay.

1 SAMUEL 17:45

David di sa ma Filistinna ana, «Aŋ mbay egen u ŋgewna koŋu u saɓpa u baraw damba may, an tuɗ ha egeŋŋi u sem Yawe Lona vi suu Israel ma Saɓakŋa Kom Bel sa aŋ halam a duuna na.

1 SAMUEL 30:6

David mbuɗ ki hahaw cocoo kay ana suuna ɓak ana hin cam ki u gogoyra. Gegelay ni hurum haɗ cocoo, saa kay goryom suu njufiina u suu gorɓiina. Na may David hin fi so ura ni u Yawe, Loomma.