VUN ŊGOLNA 17:23 - Boy Lonana

²³ Sa ma kaɓak ma cona vi gursura ay ki ŋgayra ko sana a gun ɓak ma vi sa ma mamma jivina kira.

VUN ŊGOLNA 17:23 ပူးပေါင်းရင်းမြစ်များ

MISE 7:3

Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.

VUN ŊGOLNA 17:8

Sa ma ɦal tlena suuna ɦawana gol ɦal mamba ni ko kumuna na. Nam saa ana nam tuɗ ni aragelay ni hin fi jivira huwa.

KALKIRA 23:8

Aŋ vi va ko sa a gus ɓakŋaɗi, kay tlesuu ɦal nana ɓeŋ ɓak ma jivina kiyo, mbuɗ boy ma vi sa ma mamma ɗegeena ki coo.

GA 8ATAMBARA 16:19

Aŋ baa yam gasira ki gaɗi, aŋ ka ɓorow ii suunaɗi, aŋ ka vi ŋgomba suuna ŋgomoŋgaɗi, kay ŋgomba duk ii sa ma wi gasira kiyo, ɓalak boy ma vi sa ma mamma ɗegeena ki lay.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

VUN ŊGOLNA 21:14

Ŋgomba aŋ ŋgom sana ki ŋgayra heɓ yara kiyo. Siira sii vana kalam hu mbumbuna vi sana enda heɓ yara ŋgol cocora gaa.

VUN ŊGOLNA 18:16

Tlesuu sana ɦasi maŋ suunana malam voɗta ha ki fokomu, tuɗ tewem ki fok suu ŋgolona.

1 SAMUEL 12:3

An wanni tokogi ɓak magi ma egenna fok Yawe, fok sa Lona fuurumma. Sa an vam mbutl mammana ni gege? Sa an vam korro mambana ni gege? Sa an lam irim u bege mambana ni gege? Sa an doorom ki kay tlegyenmma ni gege? Sa an tlam gursura kom balna ta ni hin duk irin ki kamma ni gege? An hin hoŋogira kiyo.»

1 SAMUEL 8:3

Na may goryom ka tuɗ kay balam sembi. Hurusi ma tini kay begerana, asi vi ɦalla ɦawara, asi hin dlara ɗegeera kiyo.

DI BOLLA 7:7

Ҥeɓpa mbuɗ sa ma wi dlara ki laɓara, ŋgomba ŋgom sana mbuɗ huu sana.

EZAYI 5:23

Asi mbuɗ dla cora vi sana ki jivira u begera, mbuɗ dlara ɗegeera vi sa ma va ka kombina ki cora may.

EZEKIYEL 22:27

Muli masisina dukusi ni ko ndal bosogona vi vabakginara na. Asi ni na tok a ci maɗna, min a ba suuna ki kay a yowosi tlegeyesira.

MISE 3:9

Humugi boy namma ha ɗaŋ, agi muli suu vi Yakobma, suu kaɓakŋa vi Israelna asi suu mbuɗugi boy ma jivina ki balam dla corana, dlara ɗegeera agi mbuɗuɗ ki gunira na ɗowna.