VUN ŊGOLNA 17:13 - Boy Lonana

¹³ Sa ma varak dla cora ki balam jivirana, yoora ka hinim ziim kiɗi a fafaɗta.

VUN ŊGOLNA 17:13 ပူးပေါင်းရင်းမြစ်များ

2 SAMUEL 12:10

Na ɗaŋŋi ŋgewna hin ka ɦuɗ tam ki hu ziiŋgi kay ana aŋ hinin kiyo, aŋ tli caŋ Uri ma Hetnara, mbuɗuɗ ki a caaŋga.

1 MULINA 21:22

An hin mbuɗuŋ ziiŋ ki ni ko ndal ziŋ Jeroboam ma goŋ Nebatna na. Ko ndal ziŋ Beasa ma goŋ Ahiyana na may. Kay ana aŋ ɓalakan hurun ki cocoo, aŋ zuɗ suu Israelna a li sulukŋa na bel bel.

SOOLLA 35:12

Asi hoŋon cora kay jivira, an hin ki ni kay tan dew.

SOOLLA 38:20

Suu gonok mansina saɓaki, asi bolow cocoo, ni suu ka halan bay uɗna.

VUN ŊGOLNA 13:21

Cora ka dik u suu sulukŋa. Jivira ka warak suu ɗegeena may.

MATIYE 27:25

Asi suu moli halaŋŋa dam ana, «Busuummi kami u goryomiya.»

MATIYE 27:5

Yudas njay gursura ha hu Ziŋ Lonara njay ni, tuɗ vi delem ki zewna gaw.

ROMMA 12:17

Hoŋ cora maŋ sana u coraɗi, lagi jivira ni maŋ suuna halaŋ.

1 TESALONIKŊA 5:15

Gologi tagi jiviya, hin sa hoŋ cora u ndaraɗ coraɗi. Halagi a li ni jivira duk tagi na ɗow, lagi jivira eg suuna halaŋ lay.

1 PIYER 3:9

Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

1 SAMUEL 19:4

Jonatan ɓak bum Sol kay David. Nam dam ana, «Ko mulna li sulukŋa eg saam ma sunda Davidɗi, kay ana nam laŋ suluk ka egeŋgi, dlara ŋgolora nam laɗta ni jivi egeŋ na ɗow.

1 SAMUEL 24:17

Hu li ma David vunum daɓ njaɗta maŋ Solna may ni, Sol dam ana, «Gasi wanni dlara aŋ daɗta su, goonna David?» Sol hin mun ki tiina na tum gaw.

1 SAMUEL 25:21

David ɓak tam ana, «An loɓ tan gol u tlesuu vi sa nammana ay hu fulla hin va viɗ ka ki dewɗi ni ɦawaa. Nam hoŋon dla cora ki balam jivira.