VUN ŊGOLNA 16:21 - Boy Lonana

²¹ Sa ma kaɓakŋa u yalna ndak yammi a sa ma neeyna. Boy ma lalamma kal kay suuna jivi cocoo.

VUN ŊGOLNA 16:21 ပူးပေါင်းရင်းမြစ်များ

1 MULINA 3:12

Gola an hin li ni ko ndal aŋ dira na may. An ɦaŋ huu ma wi dlara u yalna, suu ay ki fokoŋ jewna lay, suu hin varak ka ŋgoroŋŋa lay ni sa ma wi dla ko ndal aŋ na kaɗi.

SOOLLA 45:2

Hurun ki oy u boy ma jivina, an gi sool manda ni a ŋga mulna. Ko sinin di boy ma jivina ko ndal sa ma wi ɓiira jivi ɦayna na.

VUN ŊGOLNA 10:13

Wira wi dlara faɗ ni fun sa ma ɗilina, may sa ma giniŋŋa tokolora ka waɗ kay ceremu.

VUN ŊGOLNA 10:23

Sa ma laɓana furi ni kay sunda cora, sa ma ɗilina saa ni kay a wi yal dlara may.

VUN ŊGOLNA 10:8

Sa ma ɗilina vi u gaɗta, may sa ma di dlara laɓara ba ki ni tamu.

VUN ŊGOLNA 15:7

Boy ma vi suu wi dlara ka tak haɗta, may suu laɓana ni va ka kasi na dewɗi.

VUN ŊGOLNA 16:22

Yalna ni mbo goloŋga vi iirira kay sa ma lalamma. May gaɗta vi suu laɓana ni tafaɗina.

VUN ŊGOLNA 23:15

Goonna, lini aŋ wul wa ɗiliya ni, an hurun hin furi uŋ coco may.

VUN ŊGOLNA 27:9

Mbulna u mbul ma his jivina furi huuna cocoo. Sa fi bana ma jivi wa ni su kay gaɗta sana daŋga kolo ɦawara.

DI BOLLA 12:10

Sa Di Bolla so tam coco a di boy ma jivina. Boy namma sokom halaŋ ka ɓiiri ga tani. Halaŋŋi boy ma gasina.

EZAYI 50:4

Bu Suuna Yawe haɗan dlara an daɗta ni namu, kay a an ɗil ii suu ki loɓina, a an dam boy mamma maɗiiya, maɗiiya tew tew. Nam minin humun ki a humba ko suu haɗina humba na.

Magaara Vi Sa Jok Vun Lona OZE 14:9

Efrayim, va ma an hin lam u fulinana ni me ologe? Anni sa hoŋom dirana, ni sa ka golomma lay. An tanda ni ko ndal ŋgusu sipre na humum ka ɗuf tew tewna na, vuɗuŋ col ay ni egenu.

MATIYE 11:25

Fali ndaɗta Yesu di ana, «Bunu, mul ma kolo huulona, kaŋga kay ndaŋgara lay na, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina.

Boy Ma Ayra Ma LUK Ɓiirimma 4:22

Boy ma nam ɓakamma suuna hurusi furi kam cocoo, asi lak na jim kay boy ma jivina ma nam ɓakamma. Asi joɓ ana, «Nammi ka goŋ Yosefnaɗi su?»

Boy Ma Ayra Ma JAŊ Ɓiirimma 7:46

Suu asgaana hoŋosi dira ana, «Sa ɓak jivi ko sa namma na kaɗi.»

ROMMA 16:19

Suuna halaŋ wi ana agi hum u Bu Suuna co coo, an li furira kagi ɦay, an min ana agi lakagi ɗegee neey a li jivira, lakagi ɗegee hin cora kiyo.

Magaara JAK Ɓiiriɗta 3:17

Ne mayra col ay kolo dayra va co ka egeɗɗi. Ndaɗ mba heɓpa, jivira, oora u jivira huruɗta, hin tak sunda jivira may. Ɓorow iira u mbambara kaɗi.