VUN ŊGOLNA 15:9 - Boy Lonana

⁹ Poyra vi suu dlasi cona ka ii Yawe jiviɗi. Nam minni suu may suu hal a li dlara ɗegeera.

VUN ŊGOLNA 15:9 ပူးပေါင်းရင်းမြစ်များ

SOOLLA 1:6

Kay Yawe wi voɗta vi suu ɗegeena. Voɗta vi suu li dla cora, tuɗusi ni hu li ma baasi kina.

SOOLLA 11:7

Kay Yawe ni ɗegee, nam minni sunda ɗegeera may, sa ma ɗegeena hin gol ii Lona.

SOOLLA 139:24

Gola, lini an ka tuɗ hu voɗta cora, tuɗun hu voɗ mayra ka din dinda.

SOOLLA 5:5

Aŋŋi ka Lo ma tin yaŋ kay dla coraɗi, dla cora ka kal ay egeŋ na tokgi.

VUN ŊGOLNA 15:10

Gaɗta ŋgolla ka kay sa ma calaɗ voɗta kina. Sa ma ka hum u nera ka neembaɗina hin miɗ kiyo.

VUN ŊGOLNA 21:21

Sa ma hal ɗilira u ɗegeerana hin fi iirira, ɗegeera u ŋgara.

VUN ŊGOLNA 21:4

Ii mayra gol golla ŋga tara u huu ma ŋga tara ɦayna, saɓak ma vi sa ma dlam cona, halaŋ ca ni sulukŋa.

VUN ŊGOLNA 21:8

Poyra vi sa ma ci maɗnara ni guniya. May sunda vi sa ma ɗilina tuɗ ni ɗegee u voɗoɗu.

VUN ŊGOLNA 4:19

Voɗta vi suu conara ni ndufunda, asi ka wi tlesuu daɓasi sesinaɗi lay.

VUN ŊGOLNA 8:13

Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.

EZAYI 26:7

Voɗta vi suu ɗegeena tuɗ ni na ɗegee, aŋ ka minisi voɗ ndaɗta ki fokosiya.

EZAYI 51:1

Agi suu may suu hal suɗta humugi haa, agi suu hal Yawena, gologi ɦini mayra agi sel ha ki hura gige, gologi zul mayra agi cuk ha ki hura.

EZAYI 51:7

Agi suu wi ɗegeera humungi vunun haa, agi suu kolo huulona suu gaɗ manda ka hurugina, lagi ndaa ko mbeleŋ ma vi suu warnanaɗi, lagi ndaa ko ganyam masiraɗi.

JEREMI 44:4

An sunugi suu man suu sunda suu jokon vununna ana asi dagi na tew tew lay ana, lagi tlesuu co suu an ka minisiɗinaɗi.

Magaara Vi Sa Jok Vun Lona OZE 6:3

Loɓoygi taygi a waygi Yawe, col mamba kolora ni gasi ko ndal li ma fora na may. Nam hin mbay egeygi ko ndal yona mbay sirara na ko ndal mbaɗagira vun ndolla laɓ yam ndaŋgara na.»

HABAKUK 1:13

Iriŋ ki saɓaki pasiyak a wi cora, aŋ ka min col gol dla cora u iriŋgi, ni kay me aŋ min gol suu li dla cora may, seŋ taŋ, ka di vaɗi hu li ma sa cona ka ci sa jivi suumma kina nige?

MATIYE 7:13

«Cukugi kalafi hu vun goŋga goora. Vun goŋga sana kal huruɗ a ba kira ndaɗ ŋgol cocoo, voɗta tuɗ hura ŋgol coco may. Suu tuɗ huruɗna bolow coco lay.

GA 8ATAMBARA 7:13

Nam hin minigiya, hin paɗ vunum ki kagiya. Nam hin zulugi cocoo. Nam hin paɗ vunum ki kay njafagiya, paɗ vunum ki kay tlesuu agi zaarasi gana lay, wa blena, sum veŋŋa u mbul ma tira. Dogoni mbutlina zul cocoo, timigiina zul coco lay ko nam vi vunum ay u somoyogi a ɦagisinara na.

1 TIMOTE 6:11

Aŋ sana vi Lona hin dlara halaŋ wanda kiyo, hal ɗoɓira njun taŋ eg Lona u vira, minda, ɗilira, lalamba.

2 TIMOTE 2:22

Hin dlara aŋ laɗ u zoŋoŋga ki bel bel, hal ɗegeera, vira, minda u heɓpa u huruŋ ki pasiyak taɓi u suu ka yi sem Bu Suunana.