VUN ŊGOLNA 15:32 - Boy Lonana

³² Sa ma ka hum haɗta vi saɗina las ni tamu. Sa ma ka hum nera vi suunara ni sa ma hin fi saara jivirana.

VUN ŊGOLNA 15:32 ပူးပေါင်းရင်းမြစ်များ

SOOLLA 50:17

Aŋ sa ma ka ŋgelen gaɗ mandana, aŋ sa ma cukun boy manna ki ŋgoroŋ daganna.

VUN ŊGOLNA 1:7

Ndaa ma lam u Yawena ni sok wira ŋgolla gaw. Yalna u haɗta, suu laɓana san u dla ndaɗta ni asi hol.

VUN ŊGOLNA 10:17

Sa ma hum u gaɗtana tuɗ ni hu voɗta vi iirira, may sa ma ka vi vun saɗina viɗ ki ni tamu.

VUN ŊGOLNA 13:18

Sa ma ka hum dlaŋ saɗina hin ndi ki hawra, suuna san um cocoo. Sa ma hum gaɗta suuna dambara ni sa ma suuna hin ŋgaam ɦayna.

VUN ŊGOLNA 15:14

Huu ma ɗegeena hal ni yal ma wi dlara. Vun suu laɓana min ni dlara tafaɗira.

VUN ŊGOLNA 15:21

Sa ma ka wi dlaɗina furi kay dlara tafaɗira. Sa ma neeyna tuɗ ni hu voɗ mamba na ɗegee.

VUN ŊGOLNA 15:31

Sa ma tin humum jivi a hum nerana hin cuk ziimmi duk suu wi dlara.

VUN ŊGOLNA 15:33

Ndaa ma lam u Yawena haɗ yalna maŋ suuna. Jew a fi bibiŋillara ni hoŋ yamba kaŋgara.

VUN ŊGOLNA 15:5

Sa ma laɓana ka vi vun bumbi. Sa ma hum gaɗta jivina ni sa ma ɗilina.

VUN ŊGOLNA 17:16

Gursu ma ko sa ma laɓana hin li ni mege? Nam a hin gus u nammi yalna su? Doli ɗini nammi sa ma yam kaɗina.

VUN ŊGOLNA 18:15

Huu ma jivina hin fi yalna may. Hum sa ma wi dlara ka hal ni yalna.

VUN ŊGOLNA 19:20

Hum u dlara suuna daŋgara, vi gaɗta kaŋu, aŋ hin mbuɗ ni sa ma wi dlara.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

DI BOLLA 7:5

Humba hum u gaɗta vi sa ma wi dlara jivi su humba aŋ hum soolla vi sa ma giniŋŋa.

EZAYI 1:5

Agi min a waɗagi ni ana me ologe, agi suu tuɗ fok u dla cora gak gakŋa? Yagi halaŋ mbuɗ ki ni tuguɗiyo. Hurugi mbuɗ maŋiya.

EZAYI 3:9

Irisira golla ka takasi coosira kiyo, asi tak dla coosira ki ko suu Sodomma na, asi ka ŋgayaɗi. Hahawra kasiya, asi mba dla cora kasi ni kay tasiya.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

GA 8ATAMBARA 21:18

Lini sana ka u gooromma nam ka hum vun bumbi lay ka hum vun sumbi lay, asi gaɗam lay, ni nam ka vasi vunusiɗi,

GA 8ATAMBARA 21:20

Asi hin di suu ŋgolona ana, «Gola gooromina wanni ka humumi vunumiɗi, nam guruɗ ki u summa, baami bege mamira ki cocoo.»

HEBRENA 12:15

Gologi tagi jiviya a sa mba hoŋ ki dagan, hin oora vi Lona kiɗi. Gologi tagi jiviya kay sa mba mbuɗ ko gu ma galaana li cora eg suuna ŋgolo u galaa mamba.

Magaara JAK Ɓiiriɗta 1:22

Ganyam tagi u humba hum Boy Lonana u furira ɦawaɗi, li ummi lii na ɗow.

WIRA ŊGAYRA 3:19

Suu an minisina an gaɗasiya, waɗasiya, mbuɗ huruŋ kay cooŋga, kak taŋ mini fete.