VUN ŊGOLNA 15:11 - Boy Lonana

¹¹ Yawe wi dlara ka li ha hu lina vi suu miɗinara halaŋ. Nam wi saara ha kurufu huu sanara ki ni su olo.

VUN ŊGOLNA 15:11 ပူးပေါင်းရင်းမြစ်များ

2 DLAŊ MULINARA 6:30

aŋ ay kolo huulona hu li ma aŋ kaki huna day ni, bulum cora kiyo, li sana ni ko poy mamba nam poyra na may, kay ana aŋ wam hurum kiyo. Aŋ dew ni sa ma wi huu suu warna kina.

JOB 26:6

Lin vi suu miɗina ki ni fokom kiɗik ɦawaa. Li ma ndufun cocona ka irim ŋgayɗi lay.

SOOLLA 139:8

An tuɗ ni kolo huulona ni aŋ ka ni huwa. An tuɗ hu lina vi suu miɗina lay, aŋ ka huwa.

SOOLLA 44:21

Lini ami maa ki kay Loomina lay, lini ami pereɗ irimi u loogi suu daŋŋa lay,

SOOLLA 7:9

Yawe kaɓakŋa kay suuna. Takan jivi manda kiyo, Yawe, u ɗegee manda kay an li va kaɗi.

VUN ŊGOLNA 15:10

Gaɗta ŋgolla ka kay sa ma calaɗ voɗta kina. Sa ma ka hum u nera ka neembaɗina hin miɗ kiyo.

VUN ŊGOLNA 17:3

Zul mayra veg doonora kaa. Caf mayra yoo lorra ka may, may Yawe dew ni sa ma gol huu suuna.

VUN ŊGOLNA 27:20

Lina vi suu miɗina u li ma ba suuna ka oyɗi. Sana hurum ma min tlena cocona ka hoɓbi lay.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

Boy Ma Ayra Ma JAŊ Ɓiirimma 21:17

Nam hin joɓom a yamba hindira ana, «Simon, goŋ Jaŋŋa, aŋ minin su?» Piyer ɗus irim na dum dum kay joɓpa Yesu joɓom a yam hindira ana «Aŋ minin su?» Nam hoŋom dira ana, «Bu Suuna aŋ wi tlen halaŋ, aŋ wi kaŋ ana an miniŋu.» Yesu dam ana, «Golon timigii mansina.

SUNDA 1:24

Asi halaŋ cen Lona ɗaŋ ana «Aŋ sa ma wi huu suuna halaŋŋa takami sa ma aŋ manam duk suu mba' asina,

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

WIRA ŊGAYRA 1:18

An ni ma iirina, an ay jew miɗiya, cecemi an ka iiri a fafatɗa. Vun zira vi miɗna u huu lina vi suu miɗina ki ni konu.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

WIRA ŊGAYRA 9:11

Mul masi ma ŋgolna kaa, nammi sa sunda huulona ma vi zullana, sem u vun hebrena ana Abaddon, u vun grekŋa ana Apoliyon, ni di ana sa ma ɓeŋ lina kina.

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»