VUN ŊGOLNA 14:32 - Boy Lonana

³² Cora vi sa ma dlam cona vam ga ni ndaɗ tok. Hu buu ma miɗna lay, Sa ma ɗegeena, ɗegee mamba suɗumu.

VUN ŊGOLNA 14:32 ပူးပေါင်းရင်းမြစ်များ

URA TIN AYRA 49:18

An ka juɓuŋŋi suɗ maŋga, Yawe.

JOB 13:15

Lini Lona can lay ni boy kaɗi, an ka ndak a ba kiɗi. Fokom lay ni an ndak a di ki kay poy manda.

JOB 18:18

Ay hu kiɗikka ni asi dikim ha ki duk ndufunda. Asi dikim ki hu mbassa nam cuki hura.

SOOLLA 16:11

Aŋ takan voɗta vi iirira, furira ŋgolla ha ni fokoŋu. Ha hu bik koŋ ma njufna, aŋ ɦan furira uɗ ka doɗira.

SOOLLA 17:15

Anu, anni sa ma jivina, kay ndaɗta an hin waŋu. Hu li ma an dliɗ ki kolona, an furiya kay an waŋ iriŋu.

SOOLLA 23:4

Lini an tuɗ tok eg li ma miɗna lay, an ka li ndaa va dewɗi, kay aŋ ka u anu. Balaf maŋŋa u tokolo maŋga ɗoɓon irinu.

SOOLLA 37:37

Gol taŋ jiviya sa ma ɗegeena, gola sa ma hurum ki jivina, sa ma hal heɓpa njafam hin hin kaa.

SOOLLA 58:9

Asi mbuɗ ni ko villa hin ki ii faɗtara na, ni ko goo ma vuɗ ki bay tilim ndakka, wi faɗta kaɗira na.

SOOLLA 73:24

aŋ ka tinin hu lina u wiiŋga. An tew wa ni aŋ hin van hu bibiŋilla may.

VUN ŊGOLNA 11:5

Ɗegeera vi sa ma gasina mbuɗum poy mamba ɗegee, may sa ma dlam cona ka mbusuk u dla coom ndaɗta may.

VUN ŊGOLNA 14:33

Yalna buu ni huu sa ma neeyna. Na ni duk suu ka laɓana ni ndak fam dukusi na lay su?

VUN ŊGOLNA 24:16

Kay sa ma ɗegeena puk kaŋga ni yam na kiɗisiya lay ni, nam hin col koloo, na may sa ma dlam cona sem ndi ni hu dlara yoora.

VUN ŊGOLNA 5:22

Sa ma dlam cona dla coomba vammi ndaɗ tok, nam hin vi ni hu bayna vi dla coomba tok.

VUN ŊGOLNA 6:15

Kay ndaɗta ɓalakka hin mba kammi na zak, nam hin kus ki ni kussa ka jak oloɗira.

Boy Ma Ayra Ma LUK Ɓiirimma 2:29

«Cecemi Bu Suuna dlara aŋ dandara li wa, hin saaŋŋa sunda miɗ u heɓpa.

Boy Ma Ayra Ma JAŊ Ɓiirimma 8:21

Yesu hoŋosi dira ana, «An hin tuɗa, agi hin halanu, na may agi hin miɗ ni hu coogira. Li ma an tuɗ huna, agi ndak ka a tuɗ huɗi.»

Boy Ma Ayra Ma JAŊ Ɓiirimma 8:24

Kay ndaɗta an dagi ana, agi hin miɗ ni hu coogira. Lini agi tin hurugi ka ana, An kaa, naɗi ni, agi hin miɗ ni hu coogira daŋ may.»

ROMMA 9:22

Va ma agi min dam kay Lonna ni mege? Nam min a tak yaamba u saɓak mamma kiyo. Kay ndaɗta nam siɓ ŋgolo u ɗigilla kay suu yaamba mba gin kasina hin tok a baasi kina.

2 KORINTNA 1:9

Hu li namma ami saa ana miɗna fami ni namu, kay ndaɗta ami ka saa kay iiri mamira kay tamiɗi. Saa mamira ni kay Lona ma paɗ suu miɗina ki kolo iirina dew daŋ.

2 KORINTNA 5:8

Ami ka u ɦiŋga hurumiya, min a hin mbalatamira ndaɗta kiyo, tuɗ kak eg Bu Suuna.

FILIPINA 1:21

Kan an a kak iirira ni Kristu, miɗna ni va an famma.

FILIPINA 1:23

An gol tan ko irin ɓorowi duk mba' na, an saa kay a hin iirira wanda kay a tuɗ kak eg Kristu ni mayra an hin miniɗta.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.

2 TIMOTE 4:18

Bu Suuna suɗun ki ko cora halaŋ an kal hu mul mamba kolora u tanda jivira. Ŋgolla ni mamba a fafatɗa, Amin.

WIRA ŊGAYRA 14:13

Ŋgoo dagan an hum della dan ay kolo huulona ana, ɓii boyna wanni, «Furira ka kay suu miɗ fun sunda vi Bu Suuna. Ni na daŋ may, Musukka di ana, Asi ndak fi koɗ tara kay sunda asi loɓ huruɗ cocora, kay jivi masira asi laɗ ayra ka cuɗusi usi haa.»