VUN ŊGOLNA 13:20 - Boy Lonana

²⁰ Sa ma poy ko tam u sa ma wi dlara hin mbuɗ sa ma wi dlara. Sa poy u sa ma laɓana hin kal hu cora.

VUN ŊGOLNA 13:20 ပူးပေါင်းရင်းမြစ်များ

URA TIN AYRA 14:12

Lot, ma goŋ wayaŋ Abramma, asi yowom u tlegeyem halaŋ tuɗ u asiya. Lot kakŋi hu Sodom.

1 MULINA 12:10

Gorzoŋi suu wul ko tasi dewna hoŋom dira ana, «Gola aŋ hin di ni ko ndal wandara na, maŋ suu may suu ɓakaŋ ay asina ana buŋ tinimi nekka kami cocoo, aŋ may ni tlami nek ndaɗta ki kamiya, aŋ hin hoŋosi dira ana, Gogor konda goora ni ŋgol su u fuu bunu,

1 MULINA 12:8

May Roboam min gaɗta vi suu maarinara kaɗi. Nam yi gorzoŋina egemu, ni suu wul ko tasi dewna ni suu ka sunumma lay.

1 MULINA 22:32

Hu li ma suu pus pus ma kulumina wi Josafat ha na ni, asi di ana, «Gola, cow ha ni mul ma vi suu Israelna.» Asi tin irisi ha kam a vamba. Josafat gijaŋ sawalla koloo.

1 MULINA 22:4

Nam di Josafat ana, «Aŋ min mbay u an a duu u Ramot ta Galaadta su?» Josafat hoŋom dira ana, «Dla ndaɗta hin li u anni ko aŋ na may, u kulumi mansina ni ko ndal maŋsina na may. U suu mansina ni ko suu maŋsina na may.»

2 DLAŊ MULINARA 10:8

Na may Roboam vi boy ma suu ŋgolona dammana kaɗi. Nam tuɗ tok ko tam u gorzoŋii suu wul ko tasi dew suu basaɗasi ko nam na may suu ka sunumma.

2 DLAŊ MULINARA 19:2

Sa ma jok vun Lona, Yehu, ma goŋ Hananina, mba ŋgafam vogom dam ana, «Aŋ a njun u sa ma cona ni ana mege? Aŋ sana ndak a min sa ma ka min Yaweɗina su? Dlara aŋ laɗ ndaɗta, Yawe hurum ki ɓalaki egeŋu.

2 DLAŊ MULINARA 22:4

Nam li dlara ka ii Yawe jiviɗira ko suu vi Akabma lira na. Kay suu asina egem a dam gaɗta ni asiya. Hu li ma bum miɗ kina, asi ganam yam a baam kira.

SOOLLA 119:63

An taɓ tan u suu laŋ ndaaraŋŋa, u suu li u gaɗ maŋgana halaŋ.

VUN ŊGOLNA 13:19

A jivira ni dlara aŋ tin huruŋ kaɗ a laɗta daɓaɗ kiyo. Kay ndaɗta suu laɓana li ndaana a hin voɗ masira cora kira.

VUN ŊGOLNA 14:7

Poy ko taŋ u sa ma laɓanaɗi, kay aŋ ka ndak a hum dlara haɗ ay funumbi.

VUN ŊGOLNA 15:31

Sa ma tin humum jivi a hum nerana hin cuk ziimmi duk suu wi dlara.

VUN ŊGOLNA 22:24

Vi banara u sa ma hurum ɓeŋ ɦay ɦaynaɗi. Fuɗ taŋ ki ko sa ma min yara ɦayna.

VUN ŊGOLNA 22:25

Kay ana ka aŋ tlam dlaambaɗi. Hin a iiri maŋga vi hu bay ndaɗtaɗi.

VUN ŊGOLNA 7:27

Tuɗ varaɗ ni ko ndal aŋ tuɗ ni vi suu miɗinara na. Kalaŋŋi hu li ma ndufunna hu lina vi suu miɗina.

VUN ŊGOLNA 9:6

Hinigi suu ka wi vaɗina ha kiyo, ni agi hin lak iiriya. Tlagi voɗ mayra nera ka tuɗ huruɗta.»

MALASI 3:16

Suu li ndaana u Yawena vi vunusi ko wanda na. Nam Yawe hin tin humum kasi hin humusi may. Hin ɓii magaara ŋgolla fokom kay suu li ndaa Yawe ŋgaam sem lay na.

SUNDA 2:42

Asi mba hu tokka tew tew a hum haɗta suu vovoɗta haɗasira. Kay a lak ko tasi taɓi dew, ti fu ma taɓi dewna a cen Lona tew tew may.

HEBRENA 10:24

Lakaygi jek jekee, njun u taygiya, gaɗaygi taygiya, miniygi taygi a li sunda jivira lay.

WIRA ŊGAYRA 18:4

Ŋgoo daganda an hum della ay kolo huulona di ana, «Suu manna cukugi ay kiyo hiniɗu, taɓagi u cooɗtaɗi, kay dla cora mbaaraɗta kaɗta mba fagiɗi.