VUN ŊGOLNA 13:13 - Boy Lonana

¹³ Sa ma ka vi vun saɗina ba ki ni ɦawaa. Sa ma hum u gaɗtana hin fi warakŋa.

VUN ŊGOLNA 13:13 ပူးပေါင်းရင်းမြစ်များ

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

EZDRAS 10:3

Cecem wanda vaygi vunuygiya, vaygi galamba u Looygina a dikiygi boyogina halaŋ u goryosiya, u gaɗta vi malannara u ta vi suu li ndaana u gaɗta vi Looyginara. Ko dla ndaɗta li ki u gaɗta.

SOOLLA 115:13

Yawe paɗ vunum ki kay suu lam ndaaramma, kem gorira u suu ŋgolona lay.

SOOLLA 119:165

Heɓpa ŋgolla ka kay suu miniŋ gaɗ maŋgana, suu asina va ma daɓasi sesi kaɗi.

SOOLLA 19:11

Dlaamba jivi a su lorra, jivi su lor mayra ki yoori jivira lay. Dlaamba jeɓet a su mbul yumma, jivi su mbul yum ma se wilina lay.

SOOLLA 19:12

An saaŋ ma sunda hum haɗ ndaɗta wa. Aŋ warakanu kay anni sa ma hum u dlaaŋgana.

KALKIRA 9:20

Duk suu sunda vi Faraw halaŋ suu may suu li ndaa boy ma vi Yawena ŋgay suu masisina u yoori masisina ki voo.

VUN ŊGOLNA 1:25

Kay agi van gaɗ manda kaɗi. Agi ka min a humun boy mannaɗi.

VUN ŊGOLNA 13:12

Saara jok ha fokŋa ɗow ɗowra ɓalak huuna kiyo. Vok dlara ha tli fokoŋ dewra ni gu ma vi iirirana.

VUN ŊGOLNA 13:21

Cora ka dik u suu sulukŋa. Jivira ka warak suu ɗegeena may.

VUN ŊGOLNA 16:20

Sa ma saa ki coco tu saa, hin li dlara tuna fi jivira. Sa ma ɦal tam ko Yawena furira ka kamu.

VUN ŊGOLNA 19:16

Sa ma hum u gaɗta vi Lonara suɗ ni iiri mamba. Sa ma dla ka tam tambina ba ki ni tamu.

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

JEREMI 43:2

Azariya, ma goŋ Hosayana, Yohanan ma goŋ Kareana u suu ŋgolo suu di boy ma cona halaŋ ɓak boyna maŋ Jeremi ana, «Kaboyna! Dlara aŋ daɗta ka jiviɗi. Yawe, Looygina, sunuŋ ay ka egemi ana aŋ dami ana ami ka tuɗ ŋgay tami Egipteɗiraɗi.

EZEKIYEL 20:13

Na may suu Israelna hin mbuɗ ki yara u an ay ki ŋgoo bagi hu fulla. Asi ka tuɗ u gaɗ mandaɗi. Asi hinin neenda sana a kak iiri uɗta kiyo. Asi ɓalak Buu ma vi Lonna kiyo. An ɓak tan ana, an kuluɓ yaanda kasi ŋgoo bagi hu fulla daɓasi kiyo.

EZEKIYEL 20:16

Kay asi li ka u neendaɗi, asi tuɗ ka ko gaɗ manda dira naɗi. Asi mbuɗ Buu ma vi Lonna ki lalassa, hurusi ki tini ni kay fuli masisina.

EZEKIYEL 20:24

Kay asi li ka u neendaɗi. Asi noyon gaɗ manda kiyo. Asi mbuɗ Buu ma vi Lonna ki lalasi. Asi tuɗ ni u fuli suu vi somoyosina.

MALASI 3:16

Suu li ndaana u Yawena vi vunusi ko wanda na. Nam Yawe hin tin humum kasi hin humusi may. Hin ɓii magaara ŋgolla fokom kay suu li ndaa Yawe ŋgaam sem lay na.

NDUMBA 15:31

Kay ana nam hum ka u boy ma vi Yawenaɗi, ŋgelem vun gaɗ mamba, sa namma ni cam kiyo, coom ndaɗta ni kay yam tamu.

MATIYE 5:12

Furiyugiya, ayagiya kayme warak magina ha juɓugi kolo huulona. Asi las suu jok vun Lona ay fokogi jew ni na may.»

Boy Ma Ayra Ma LUK Ɓiirimma 16:31

Abraham hoŋom dira ana, Lini asi ka min a hum vun Moiz u suu jok vun Lonaɗi ni, lini sa miɗi hoŋ ha ki dukusi iiri lay ni, asi ka hin a jok hurusi kiɗi lay.»

2 JAŊ 1:8

Gologi tagi jiviya a ba warakŋa vi sunda ami laɗ kagira kiɗi, ni na ɗow ana agi fi warak magina.