VUN ŊGOLNA 12:18 - Boy Lonana

¹⁸ Sa ma njaɗ cocona dlaamba dak tara ni ko ŋgewna na. May boy ma vi sa ma ɗegeena garaɗ sana kiyo.

VUN ŊGOLNA 12:18 ပူးပေါင်းရင်းမြစ်များ

VUN ŊGOLNA 16:24

Boy ma jivina ni ko mbul yumma na, nam fun sana jiviya, suɗ sana ki may.

VUN ŊGOLNA 15:4

Boy ma so huuna ni guna vi iirira. Boy ma cona ɓalak huu sana kiyo.

SOOLLA 57:4

Lona ma kolo dayna ɦan suɗta ay wa, nam cuk suu lasanna gaa, nam wan hahawanu, golon u gasi mamba.

SOOLLA 52:2

Gaɗ ni hu li ma Doeg ma Edomma tuɗ di Sol ana David ka vi Ahimelekŋa.

DANYEL 11:33

Suu may suu neey dukusina hin haɗ suuna bolow cocoo, may asi hin casi ki u ŋgewegina, ŋgalasi kiyo, hin cuk suu ɦiw daŋgayna, ɦurumusi tlegeyesi ii buu ca lay.

VUN ŊGOLNA 25:18

Sa ma di dlara kaboyna kay ndaramma ni ko ndal mbaɗagalla, ŋgew ma digina u mbuurura na.

VUN ŊGOLNA 15:7

Boy ma vi suu wi dlara ka tak haɗta, may suu laɓana ni va ka kasi na dewɗi.

VUN ŊGOLNA 13:17

Sa ma vun sun ma cona puk kaŋga hu dlara yoora. Sa ma vun sun ma ɗegeena ni kumu ma garaɗ tuguɗiira kina.

VUN ŊGOLNA 4:22

Boy namma ni iirira kay sa ma li umma, ni a tara fanira kay sa namma lay.

SOOLLA 64:3

Ŋgayan ki day ko suu dan ŋgeŋŋa kanna, ha ki day eg suu li dla cora suu ka gi gagara duk tasina.

WIRA ŊGAYRA 22:2

Ɓaɗ ha ki hu voɗta ɦoŋzi ŋgolnara lay keŋ mbo lumma jakŋi gu ma iirira ka coliya. Hu basara ni nam vuɗ doogo yam mba', tilna dew ni nam vuɗ dew may, humum a garaɗ suu tuguɗira kiyo.

WIRA ŊGAYRA 1:16

Nam vi ciciwra komma njufna kiɗisiya, ŋgew ma digiina siim keŋ jak kal ay ki funumu, irimba golla weleɗ ko ndal fatɗa weleɗ faali ŋgolla na.

SOOLLA 59:7

Fiɗigi ni asi hoŋ aya, ŋgoɓ ko diginina na, asi kuɗuk hu ɦoŋzina.

VUN ŊGOLNA 12:17

Sa ma di dlara gasira tak ki ni sunda ɗegeera. Sa ma dikina ma bay gasina tak ki ni kaboyna.

SOOLLA 57:5

An buuri ni duk dlona, ni duk suu kom suu warna. Siisi ni ko saɓpa cok sana na, ko mbuura lay, sinisi ni ko ŋgew ma digiina na.