20 Yawe ka min suu hurusi conaɗi, nam minni suu ɗili suu poy masira ɗegeena.
An wi ana aŋ, Loonna, wi huu suuna. Aŋ minni ɗegeera. An may ni u hurun ma ɗegeena an ɦaŋ tle asina halaŋ. Cecem wanda suu maŋsuu ka tanina an ka wasi asi ɦal tlena u furira u hurusi ma dewna.
Suu hurusi cona ɦuɗ ha ki egenna day. An ka min dla coraɗi.
Kay Yawe ni ɗegee, nam minni sunda ɗegeera may, sa ma ɗegeena hin gol ii Lona.
Furira ka kay suu poy masira jivina, u suu tuɗ u gaɗta vi Yawera.
An wi ana Yawe hin li jivira kay suu wihawra, nam hin li ɗegeera maŋ suu hawra.
An li co ndaɗta ni egeŋ aŋ na dew, an li dlara ka iriŋ jiviɗira. Kay ndaɗta aŋ ɓakŋi u voɗoɗu, ɓak maŋŋa, ŋgul ka huɗi.
Yam boyna a daɓpa ni suu dlasi cona ka hin bay kaasi ɓakŋa kasiɗi. May ni suu ɗegeena hin suɗ kiyo.
Yawe ka min suu kaboynaɗi. Nam minni suu may suu li dlara gasira.
Ko ɗegeera ka njun kay sa ma ɗilina na ni, dla cora ka viɗ sa ma sulukŋa hurum hayna ki may.
Sa ma laɓana ka caa yam a ɗoɓ coombaɗi. May suu ɗegeena jivira ka kasi tew tew.
Yawe ka min mbeleŋ ma lam a li dla coranaɗi. Boy ma dam jivina irim jiviya.
Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.
Voɗta vi suu ɗegeena ka tli hu li ma conaɗi. Sa ma min a gol iiri mamba ni li tam jivi hu poy mamba.
Sa ma dlam cona so hurum kay dlaamba. Sa ma ɗegeena li dlaamba ki ni jivi u voɗoɗ ɗegee.
Kay suu li dla cora ki ni co ii Yawe da, nam vi galam mamba ni u suu ɗegeena.
Hurum ma cona ka saa ni dla cora sak sak, nam ka hal ay tew tew ni dla cora. Nam cuk dlara ɦonira duk suuna.
Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.
Sa ma gaɗ sa ŋga tam kay coombana ni nam tinim irim kiyo. Sa ma gaɗ sa hurum cona ni fi ŋgulla cocoo.