VUN ŊGOLNA 10:28 - Boy Lonana

²⁸ Juɓpa vi suu ɗegeena ni furira. Saara vi suu dlasi cona viɗ ki ni ɦawaa.

VUN ŊGOLNA 10:28 ပူးပေါင်းရင်းမြစ်များ

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

JOB 8:13

Suu maa Lona kina ni ko ndal ndaɗta na may. Dlara suu ka wi Lonaɗina saaraɗta ba ki ni ɦawaa.

VUN ŊGOLNA 11:7

Miɗ ma vi sa ma dlam cona viɗim dlara nam saaraɗ ginda ki halaŋ, hurum ma tini kay bege mambana ki ni ɦawaa.

2 TESALONIKŊA 2:16

Ko Bu Suuna Yesu Kristu u tamba u Lona Buy ma miniygina u jivi mamba ɦaygi so huu ma din dina u juɓpa lalamba.

ROMMA 12:12

Furiyugi hu juɓpa, ɗigiligi irigi hu wihawra, cenegi u juɓpa egemu.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

VUN ŊGOLNA 14:32

Cora vi sa ma dlam cona vam ga ni ndaɗ tok. Hu buu ma miɗna lay, Sa ma ɗegeena, ɗegee mamba suɗumu.

SOOLLA 112:10

Suu li dla cora wam na ni hurusi haɗ cocoo, Asi muɗ siisi na ŋgirit ŋgirit hurusi ɓeŋ cocoo, dlara suu cona saaraɗta daɓ ki ni ɦawaa.

JOB 11:20

Na may suu dlasi cona irisi hin coora. Asi ka fi li ma ŋgay tasi hunaɗi. Va ma asi hin a saaramma ni miɗna doy hol.

SOOLLA 16:9

Hurun ka u furira, ŋgus manda ka u ayra, tliw tan tam koɗi u heɓpa.

VUN ŊGOLNA 11:23

Suu ɗegeena ka juɓmi jivira, may suu dlasi cona ka juɓmi yara vi Lonara may.

SOOLLA 68:4

Na may suu ɗegeena ka furiya, asi ka ŋga Lona furi u hurusiya.

VUN ŊGOLNA 29:6

Suluk ma suu dlasi cona lamma dawna ka guni huwa. Na may sa ma ɗegeena oy ni u furira.