VUN ŊGOLNA 10:17 - Boy Lonana

¹⁷ Sa ma hum u gaɗtana tuɗ ni hu voɗta vi iirira, may sa ma ka vi vun saɗina viɗ ki ni tamu.

VUN ŊGOLNA 10:17 ပူးပေါင်းရင်းမြစ်များ

VUN ŊGOLNA 6:23

Kay gaɗta, ndaɗ ni ko ndal pindilla na. Haɗta ni kiɗikka ni voɗta vi iirira, ni haɗta kay wi yal ma jivina.

Boy Ma Ayra Ma LUK Ɓiirimma 11:28

Yesu hoŋoɗ dira ana, «Ayra ka ni kay suu hum boy ma vi Lonna, vi umma na ɗow.»

VUN ŊGOLNA 15:10

Gaɗta ŋgolla ka kay sa ma calaɗ voɗta kina. Sa ma ka hum u nera ka neembaɗina hin miɗ kiyo.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

VUN ŊGOLNA 5:12

Aŋ hin mbuɗ ɓak taŋ ana, «An hum ka u haɗtaɗi ni kay mege? Hurun vi dla mayra dandara kaɗi ni kay mege?

VUN ŊGOLNA 3:18

Ndaɗ ni guna vi iirira kay suu vaɗ ki kosina, furira ka kay suu vaɗ kosina.

DI BOLLA 5:6

Boy ma zulum cocona ni ko ndal saara aŋ saa kay tlena bolow zeɗ zeɗta na may, ka jiviɗi, mariyaɗ ni aŋ li ni ndaa Lona.

VUN ŊGOLNA 12:1

Sa ma min haɗta minni wira. Sa ma ka hum dlaŋ saɗina ni laɓaa.

VUN ŊGOLNA 4:13

Col seŋ eŋ kay haɗ maŋga, noyoɗ kiɗi, ŋgomoɗ jiviya, ndaɗ ni iiri maŋga.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

VUN ŊGOLNA 4:4

Bun haɗan ay ni ko ndal wanda na, mal huruŋ ki a van boy manna. Hum u gaɗ manda aŋ hin kak iiriya.

VUN ŊGOLNA 1:30

Asi min ka a hum u gaɗ mandaɗi. Dlara an daɗta halaŋ asi goloɗ ki ni ɦawaa.

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

HEBRENA 2:1

Ni kay ndaɗta aygi njunuygi taygi eg gasi mayra aygi humuɗta. Kay aygi mba ba kiɗi.

SUU KAƁAKŊA 19:17

Nam gol irimu ni wi koyogina ki laki hu li ma sukŋa ca. Sa ma maana joɓosi ana, «Agi tuɗ ni arage? Agi col ay ni arage?»

VUN ŊGOLNA 5:14

Hin na ew a an kal ki hu wihawra duk suu tokina, dee suu taɓi kel tasi dewna, asi a dikin kira.»

VUN ŊGOLNA 15:32

Sa ma ka hum haɗta vi saɗina las ni tamu. Sa ma ka hum nera vi suunara ni sa ma hin fi saara jivirana.