VUN ŊGOLNA 1:5 - Boy Lonana

⁵ Ko suu wi dlara huma, zul u wiisira foko, sa ma neeyna haɗ yal ma tuɗ fok suuna may.

VUN ŊGOLNA 1:5 ပူးပေါင်းရင်းမြစ်များ

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

JOB 34:10

Humungi haa, agi suu saaragi jivina. Lona huu ma co ka hurumbi. Ma Saɓakŋa ka li dlara guniɗi.

JOB 34:16

Aŋ sa ma ka u nera huruŋŋa, hum dla ndaɗta haa. Tin humuŋ humun boy manna ha jiviya.

JOB 34:2

Humugi haa, agi suu wi dlara, agi suu yalna tinigi humugi haa, humugiya.

JOB 34:34

Suu wi dlara halaŋ hurusi ni ko ndal an na. Suu humun vununna ndak a di dlara u yalna.

VUN ŊGOLNA 12:1

Sa ma min haɗta minni wira. Sa ma ka hum dlaŋ saɗina ni laɓaa.

VUN ŊGOLNA 14:6

Sa panna hal yalna ni ka fambi. Sa ma saa dlara ki jivi tuna fi yalna ni na zak may.

VUN ŊGOLNA 18:15

Huu ma jivina hin fi yalna may. Hum sa ma wi dlara ka hal ni yalna.

VUN ŊGOLNA 19:25

Lini aŋ poŋ sa ma ŋga tamma, sa ma laɓana hin ne tam may. Lini aŋ gaɗ sa ma wi dlara ni yal mamma ɦuɗ ha ni fok na ɗow.

VUN ŊGOLNA 21:11

Daŋgay ma vi sa ma ŋga tam ɦayna ni haɗ yalna maŋ sa ma laɓana. Sa ma wi dlara ndak a haɗ dlara coco u boy namma.

VUN ŊGOLNA 8:33

Hinigi nera an neegi wanda kiɗi, saaragi kaɗ tew tew agi hin mbuɗ suu wi dlara.

VUN ŊGOLNA 9:8

Di sa ma ŋga tamma kay coombaɗi nam tiniŋ iriŋ kiyo. May gaɗ sa ma wi dlara nam hin miniŋŋi min ii na ɗow.

VUN ŊGOLNA 9:9

Va ma aŋ dam maŋ sa wi dlara ɦuɗummi wiimba fok na ɗow. Nera aŋ daɗ maŋ sa ma yalnara jokom wiimba ha ni fok na ɗow.

DI BOLLA 9:11

An wi dlara daŋga ka hu duliyara olo ni. Suu tasi feɗna ka fi dlara fokka tew tew ni asiɗi. Suu ɦiŋ cocona ka ti yara tew tewɗi lay. Sa ma wi dlara buu mamma hu duliyara tew tew ni u loɓma. Sa ma mbeleŋ cocona ka ɦizɗi lay, suu wi dlara sa ka ŋgaasiɗi lay. Gegelay ni dlaamba daɓ ki daganda kammi zeɗ zeɗ.

1 KORINTNA 10:15

An ɓakagi ko ɓak maŋ suu yalna na, kaagi duk ɦoŋ boy namma u tagira.

GA 8ATAMBARA 4:6

Agi gol haɗ ndaɗta jiviya li uɗ may. Ni boy ma hin mbuɗugi neey may, mbeleŋ coco ii suuna mayna, asi hin ɓak kagi ana, «Suu bolow coco asina wanni yal ɦay, asi mbeleŋ coco lay.»