VUN ŊGOLNA 1:32 - Boy Lonana

³² Wira ka min a wi vaɗira ci suu giniŋŋa kiyo. Tara ka tuɗuŋ ko dlaɗira ɓalak suu giniŋŋa kiyo.

VUN ŊGOLNA 1:32 ပူးပေါင်းရင်းမြစ်များ

SOOLLA 69:22

Asi cukun tlesuu can kina duk tlesuu an tasina, lini laara canu ni, asi ɦanni sum ma dlayna.

VUN ŊGOLNA 1:22

«Agi suu giniŋŋa hin hinigi giniŋ magira ki ni saɓage? Suu pan suuna hin hin panda pananda ki ni saɓage? Suu laɓana hin hin noyra noy yalna ki ni saɓage?

VUN ŊGOLNA 10:21

Boy ma vi sa ma ɗegeena ɗoɓ suuna bolow cocoo, may sa ma laɓana giniŋ mamba cami ndaɗu.

VUN ŊGOLNA 14:16

Sa ma wi dlara li ndaa cora fuɗ tam ki koɗu. Sa ma laɓana taɓa ha kay dlara halaŋ, gol ana va ma lam ka huɗi.

VUN ŊGOLNA 2:18

Voɗta tuɗ varaɗta ni voɗta vi miɗnara, sa ma tuɗ varaɗna kal tammi fun miɗna.

VUN ŊGOLNA 5:22

Sa ma dlam cona dla coomba vammi ndaɗ tok, nam hin vi ni hu bayna vi dla coomba tok.

VUN ŊGOLNA 8:36

Sa ma li cora egenna, li hawra ni maŋ tamba na ɗow. Sa ma ka mininɗina ŋgaɓmi miɗna.

VUN ŊGOLNA 8:5

Agi suu giniŋŋa haɗagi yal dlara kiyo, agi suu laɓana, neegi tagi kiyo.

VUN ŊGOLNA 9:18

Suu tuɗ ha u yiiɗ ndaɗtana ka wi ana ŋgus suu miɗina ka hu waraɗi. Sa ma kal ha vo varaɗna kal ni hu lina vi suu miɗina.

EZAYI 66:4

An may ni hin lasi dlara asi miniɗ ndaɗta may, an hin mbaarasi dla cora asi li ndaana koɗ ndaɗta kasiya. An yasiya sa humun ka dewɗi, an ɓakasiya, sa ma tin humum a hum kaɗi. Dlara an goloɗ irin cora asi manaɗ ni ndaɗu, ni dlara ka irin jiviɗira.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

AMOS 6:1

Hahawra ka kay suu tin u heɓ masira kay Siyonna. Suu ɦal hurusi a kak u heɓpa kay ɦinira Samarira. Asi suu ŋgolo suu jew duk suunana. Suu hu zi ma Israelna mbay ni egesiya.

Boy Ma Ayra Ma JAŊ Ɓiirimma 3:36

Sa tin hurum kay Goonana, fi iirira ka daɓ kiɗira. Sa ka tin hurum kay Goonaɗina, ka fi iiri ndaɗtaɗi. Yara vi Lonara hin tok kamu.

GA 8ATAMBARA 28:17

Kaalam magira feɗ wana va ka cuk hu oloɗi, zulla em sum veŋŋa hin ki ni ɦawa lay.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

HEBRENA 12:8

Lini ka gaɗagi halaŋ ko goryom naɗi ni, agi ka goryom suu gasinaɗi, ni goryoŋ sa daŋi.

Magaara JAK Ɓiiriɗta 5:5

Hu ndaŋgara tani agi kaki hu li ma jivina u furira. Agi vagi tagi mbulna ni kay juɓ buu ma ŋgaɗta.