VUN ŊGOLNA 1:24 - Boy Lonana

²⁴ Kay an yagiya, agi humun kaɗi, an feɗegegi ha lay ni, sa ma caa yam a golon kon kaɗi.

VUN ŊGOLNA 1:24 ပူးပေါင်းရင်းမြစ်များ

2 DLAŊ MULINARA 33:10

Yawe ɓak mulna Manase u suu mamsina lay ni sa ma caa yam kay boy mamma kaɗi.

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

JOB 33:14

Doli ɗini Lona ɓak sana u mbeleŋ ma daŋŋa, hin jok yal ma daŋŋa, sa ka caa yam kay boy mammaɗi.

SOOLLA 31:20

Jivira aŋ ŋgomoɗ ha kay suu laŋ ndaaraŋŋa ndaɗ ŋgol cocoo. Aŋ laɗ maŋ suu ŋgay tasi egeŋŋa ki fok suuna halaŋ.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

EZAYI 50:2

An mbay tani fi sa kaɗi ni nanage? An yi lay sa ka humunɗi ni nanage? An ka ndaki a buɗugi kiraɗi su? Saɓakan ka ndaki a suɗugiɗi su? Gola u saɓak manna an so mbo lumma kiyo, li ma mbona huna an mbuɗum ki mbassa. Kay mbo kaɗira kuluf ma goloŋŋa halaŋ miɗ kiyo.

EZAYI 65:12

An may ni ndumugi halaŋŋi a ŋgaɗ kira, agi halaŋ hin goɓ vun givigi ga a ŋgaɗagi kira. An yagiya agi hum kaɗi, an njaɗ lay ni agi humun vunun kaɗi, agi li dlara ka irin jiviɗira, agi vi tagi ni eg dlara an ka miniɗɗira.

EZAYI 65:2

Maɗii day ni an baa kon ki maliya, a yi suu may suu gonokka u anna, a yi suu may suu tuɗ hu voɗta cora. Suu ka zii saa masira corana.

EZAYI 66:4

An may ni hin lasi dlara asi miniɗ ndaɗta may, an hin mbaarasi dla cora asi li ndaana koɗ ndaɗta kasiya. An yasiya sa humun ka dewɗi, an ɓakasiya, sa ma tin humum a hum kaɗi. Dlara an goloɗ irin cora asi manaɗ ni ndaɗu, ni dlara ka irin jiviɗira.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 44:16

«Gasi daŋ may aŋ dami boy namma ni u sem Yawe may, ami ka humuŋgi.

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

JEREMI 9:6

Na ɗaŋŋi Yawe, ma Saɓakŋa Kom Belna, ɓak anaba. An hin yoorosi kiyo, hin saa kasiya. Aa, an a kaɓakŋa ni kay dla cora vi suu mansinara.

EZEKIYEL 8:18

An may ni hin li dlara ni u hurun ma ki ɓeŋina. An ka wi hahaw saɗi. An hinni hahaw sa ka irin oloɗi. Asi hin tiira, may ni an ka humusi tii masi nammaɗi.»

ZAKARI 7:13

Ni na may Yawe, ma Saɓakŋa Kom Belna, di ana, «An yasiya, asi humun kaɗi. Ni na may asi yan wanni an humusi kaɗi may.

SUNDA 4:30

Maɗ koŋ ki kay ami li dlara mbuɗ mbuɗta, garaɗ suu tuguɗira kiyo, li takka u sem saaŋ ma sunda Yesu ma teteɗna.»

ROMMA 10:21

Kay suu Israelna nam di anaba, «Hu buuna tew tew an kon ki mali kay a vi suu ka vi vunɗina, suu hurusi honira.»

1 SAMUEL 28:6

Sol joɓ Yawe, may Yawe hoŋom dira kaɗi, ka u doyra diraɗi lay, ka u Urimɓi lay, ka fun suu jok vun Lonaɗi lay.