VUN ŊGOLNA 1:22 - Boy Lonana

²² «Agi suu giniŋŋa hin hinigi giniŋ magira ki ni saɓage? Suu pan suuna hin hin panda pananda ki ni saɓage? Suu laɓana hin hin noyra noy yalna ki ni saɓage?

VUN ŊGOLNA 1:22 ပူးပေါင်းရင်းမြစ်များ

JOB 34:7

Sa ma ɦiŋ ko Job nana ni gege? Nam ci panna ni ko ndal yona na.

SOOLLA 1:1

Furira ka kay sa ma ka vi vunum u suu li dla coraɗina, ka taɓ tam hu voɗta vi suu li sulukŋaɗi lay, ka kak u suu pan Lonaɗi lay.

SOOLLA 94:8

Suu giniŋ duk suuna halaŋŋa wagi kiyo, suu wiisira ka tuɗ dayɗina, na ni agi hin hum hu buu maa dew su?

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

KALKIRA 16:28

Yawe di Moiz ana, «Agi hin li u gaɗ manda ni saɓa tuge?

VUN ŊGOLNA 1:21

Kolo hu garak voɗta ndaɗ ka yiya. vun grek ma kay ɦoŋzi ŋgolnana ndaɗ ka paɗ bolla ana,

VUN ŊGOLNA 1:29

«Kay ana asi noy wira kiyo. Asi man ndaa ma lam u Yawena kaɗi.

VUN ŊGOLNA 1:32

Wira ka min a wi vaɗira ci suu giniŋŋa kiyo. Tara ka tuɗuŋ ko dlaɗira ɓalak suu giniŋŋa kiyo.

VUN ŊGOLNA 1:4

Kay a ne suu giniŋŋa kiyo, haɗ wira u ɓorowra ɓorow ii dlara kira maŋ gorzoŋina.

VUN ŊGOLNA 1:7

Ndaa ma lam u Yawena ni sok wira ŋgolla gaw. Yalna u haɗta, suu laɓana san u dla ndaɗta ni asi hol.

VUN ŊGOLNA 14:6

Sa panna hal yalna ni ka fambi. Sa ma saa dlara ki jivi tuna fi yalna ni na zak may.

VUN ŊGOLNA 15:12

Suu ŋga tasina ka min hum u gaɗta vi saɗi. Asi ka tuɗ a joɓ dla eg suu wi dlaraɗi lay.

VUN ŊGOLNA 19:29

Gaɗta tiniɗ ni kay suu pan ndarayasinana. Poŋga ni kay cee suu laɓana may.

VUN ŊGOLNA 21:11

Daŋgay ma vi sa ma ŋga tam ɦayna ni haɗ yalna maŋ sa ma laɓana. Sa ma wi dlara ndak a haɗ dlara coco u boy namma.

VUN ŊGOLNA 21:24

Sa ma tli yam kolona ma ŋga tam ɦayna semmi ana sa ma pan suuna. Nam li dlara halaŋŋi u ŋga taamba.

VUN ŊGOLNA 22:3

Sa ma ɗilina wi dla cora ay wa ni nam ŋgay tam kiyo. May sa laɓana tuɗ ha dukuɗ na ndaa ndaa, hin lam may.

VUN ŊGOLNA 3:34

Lini nam ka pan suu may suu pan suuna ni, nam li oora kay suu hoŋ yasi gana may.

VUN ŊGOLNA 5:12

Aŋ hin mbuɗ ɓak taŋ ana, «An hum ka u haɗtaɗi ni kay mege? Hurun vi dla mayra dandara kaɗi ni kay mege?

VUN ŊGOLNA 6:9

Aŋ sa ma zolomba buuri ga na gak gak hin col ki kolo ni saɓage? Aŋ hin garaɗ iriŋga senna ki ni saɓage?

VUN ŊGOLNA 7:7

an wi gorzoŋŋii suu ka wi dla tuɗina, an wi goozoŋ maa dukusi dew ni ka wi va na ndeɗi.

VUN ŊGOLNA 8:5

Agi suu giniŋŋa haɗagi yal dlara kiyo, agi suu laɓana, neegi tagi kiyo.

JEREMI 13:27

Dla zoŋ makka, yira ndak yi suuna a li zoŋgara, gawlaŋ mak ma bay zolona kolo kay ɦinira, hu senena, an wak dla cookka. Ҥii, Yerusalem, ndak ka ndak a mbuɗ tak ki jivi teteɗ a tuɗ unɗira ni buuna ga ologe?

JEREMI 4:14

Mbus huruk ki u dla cora halaŋ, ndak hin buɗ kiyo Yerusalem. Ndak hin paɗ saara cora ki hurukŋi sabage?

NDUMBA 14:27

«Suu co asina hin a hin ŋgulla ŋgulunda ki ni saɓage? An hum gurnira asi gurni u senda wa.

MATIYE 17:17

Yesu hoŋ dira ana, «Agi njaf suu co suu hurugi ka tini kanɗi na, an hin li basara dukugi ni ga olo ge? An siɓ u agi ni basa ga olo ge? Mbaaran goona ay tani.»

MATIYE 23:37

«Yerusalem, Yerusalem, agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗ nara yan gage? Aŋu, aŋ min kaɗi lay.

MATIYE 9:13

Tuɗugi haɗagi boy ma ɓiiri namma ay hu magaara tuwa. Boy namma di ay jew ana, An min ni ɗegeera hu sanara, ka ɓivun ma yoorinaɗi. An mbay ka yi suu hurusi ɗegeenaɗi, an mbay ni kay suu cona.»

Boy Ma Ayra Ma LUK Ɓiirimma 19:42

di ana, «Aŋ humbi su, ay fokka wanni heɓpa kaa. Cecemi heɓ ndaɗta ŋgay ki iriŋ wa. Aŋ ka waɗ oloɗi.

Boy Ma Ayra Ma JAŊ Ɓiirimma 3:20

Suu li dla cora ka min a mbay ki hu kiɗikkaɗi. Asi li ndaana ana suuna hin wasi dlaasira cora.

2 PIYER 3:3

Wagi ki anaba hu buu ma hin mbay daganna ni suu may suu kak iiri kay tasi u min masira kay tasina hin panagi anaba,

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.