TITTA 3:8 - Boy Lonana

⁸ Gola ni boy ma gasina. An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga.

TITTA 3:8 ပူးပေါင်းရင်းမြစ်များ

JOB 22:2

Sa warna ndak a li jivi ii Lona may su? Yal mamma nam wamma ni kay tam a fuɗ tamba ɦawaa.

SOOLLA 78:22

Kay asi tin hurusi ka kay Lonaɗi, asi vi ka ana nam a suɗusi kiyoraɗi.

VUN ŊGOLNA 21:28

Sa ma di dlara kaboyna hin ba kiyo. May sa ma wi yal ma jeɓee dlara ki jivi tuna, hin wi dlara nam a daɗta may.

MATIYE 20:4

Nam dasi ana, Tuɗugi li sunda hu sene manna, an hin warakagi kay sun magira u voɗoɗu.

Boy Ma Ayra Ma JAŊ Ɓiirimma 12:44

Yesu ɓak eŋga ana, «Sa ma tin hurum kanna tin hurum ka kan an doy holɗi, ni kay sa ma sunun ayna may.

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

SUNDA 12:15

Asi daɗ ɗaŋŋi ana, «Ndak a guruɗ ki su?» Ndaɗ dasi ana, «Ni gasi ni namu.» Asi ana, «Li ka ni sa sunda huulona.»

ROMMA 4:5

Sa ma li sun kaɗina tin hurum kay Lona ma mbuɗ suu cora ki ɗegeena, Lona golom ko sa ma ɗegeena na kay viimba.

2 KORINTNA 4:13

Magaara di ana, «An viya ni an ɓakŋi kay ndaɗta,» ami halaŋ taɓi hu ŋgussa vi vira ndaɗta, ami viya ni ami ɓakŋi kay ndaɗta.

EFESNA 4:28

Sa ma li kul jewna hin kulna kiyo, nam mba li sunda kay a fi va ma ŋgom iiri mamba u tamba ndak fi va ma njun u suu wihawra lay.

1 TIMOTE 1:15

Gola wanni boy ma gasina ma sana ndak a vamma, Yesu Kristu mbay hu duliyara tani kay suɗ suu cona, dukusi halaŋŋi ma co saɓakina ni anu.

1 TIMOTE 2:8

An min ana hu lina halaŋŋi suuna cen Lona yow kosi kolo kay a cen hu buu ma jivina bay yara u ŋgussa honira hurusiya.

1 TIMOTE 5:10

Suuna halaŋ waɗ ki u sun maɗta jivira ndaɗ wul goryoɗ jiviya, ndaɗ gol suu mba varaɗna jiviya, ndaɗ mbus sem suu vina vi Lona njun u suu hahawra li sunda jivira halaŋ.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

TITTA 1:9

Nam li ni sa ma col kay boy ma gasina, ma taɓi u haɗtana. Nam ndak a gaɗ suu hiŋŋa kay haɗta gasira, a tak cora vi suu ciwayra.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

TITTA 2:7

Aŋ taŋga mba li sunda jivira a suuna li ko aŋ na mayra. Col gasi ɗegee hu haɗ maŋga.

TITTA 3:1

Gasi humusi kay asi mba hoŋ yasi kaŋga a hum u suu ŋgolona u mulina, asi mba hum usiya min tasi a li sunda jivira bel.

TITTA 3:14

Kay suu mayna mba haɗ tasi a li sunda ɗegeera ura jivira, kay a hin ndak a li sun mayra garaŋga, kay asi mba mbay u dlara ɦawaraɗi.

FILEMONDA 1:11

Nam li ay jew ni dlaamba ka jivi kaŋgi, cecemi nam mbuɗ jivi kaŋu, jivi kan lay.

HEBRENA 10:24

Lakaygi jek jekee, njun u taygiya, gaɗaygi taygiya, miniygi taygi a li sunda jivira lay.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.