TITTA 3:3 - Boy Lonana

³ Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

TITTA 3:3 ပူးပေါင်းရင်းမြစ်များ

URA TIN AYRA 38:9

Onan wi ana goo namma ka a li a njafambi ni, nam buu u ndaɗ ni vo sumurum ki ni kaŋgaa. Ka min a ɗok njaf wayammaɗi.

URA TIN AYRA 39:16

Ndaɗ cuk baraw ma vi Yosefna egeɗ na ca ta ta sa ŋgol mamma mbay vo tuwa.

SOOLLA 36:2

Humun gan kay boy ma vi sa ma ka wi Lonaɗina, nam ka wi ana li ndaa Lona ni jiviya naɗi.

VUN ŊGOLNA 8:5

Agi suu giniŋŋa haɗagi yal dlara kiyo, agi suu laɓana, neegi tagi kiyo.

VUN ŊGOLNA 9:6

Hinigi suu ka wi vaɗina ha kiyo, ni agi hin lak iiriya. Tlagi voɗ mayra nera ka tuɗ huruɗta.»

EZAYI 44:20

Asi ni suu giniŋŋa, hurusi tini ni kay va ma ti ki buɗnana. Saa masira ka wi vaɗira, viɗisi ki wa. Asi ka buɗ kiɗi lay. Sa ma di ana, «Tlesuu kon wanna ni ganyamba ɦawaa,» kaɗi lay.

ABDIYAS 1:3

Ni ŋga ta maŋga suuŋ dlara kaŋŋi ndaɗu, aŋ mayma ziiŋ ka kaŋga hu zul gogoyra ka kakira kolo kay ɦinira, ka saa «Sa ma hin zuɗun ay ki kaŋgana ni gege?»

MATIYE 21:29

Nam hoŋom dira ana, An minɗi. Ŋgoo daganda nam saa hurum na ni, hin tuɗ hu senena.

Boy Ma Ayra Ma LUK Ɓiirimma 21:8

Yesu di ana, «Gologi tagi jiviya, viɗigi ii tagiɗi. Kayme suuna hin mba u sen ŋgolo. Gegelay hin di ana nammi Sa Suɗta, lina ndak wa, ni agi tuɗugi usiɗi.

Boy Ma Ayra Ma JAŊ Ɓiirimma 8:34

Yesu hoŋosi dira ana, «An dagi ni gasira ana, Sa li cora, nammi googomma vi cora.

ROMMA 11:30

Kay li ay jew ni agi ka hum vun Lonaɗi, cecemi agi wi ana Lona wagi hahaw magira wa, kayra suu Juifna humum vunum kaɗira.

ROMMA 6:12

Hin dla cora a kak mulla kay tagi mayra miɗiraɗi, ka a nam ɦeɓegi a li u min maɗtaɗi.

ROMMA 6:17

Gi deɓ Lona, agi suu li ay jew mborɓiina ko dla corana, cecemi agi vi u hurugi halaŋ mbeleŋ ma agi wam ay hu haɗtana.

ROMMA 6:22

Cecemi agi buɗ ay ki ko dla cora wa, mbuɗ ni suu sunda vi Lona. Agi mbuɗ cecemmi suu vi Lonana, vuɗ magira ni poyra teteɗta, warak ma agi hin famma ni iirira bay daɓpa may.

ROMMA 6:6

Waygi ki jivi ana saaygi ma jewna aygi ɓalam ki hu gu garakŋa u Yesu wa, kay taygira li dla cora mba li oloɗi, aygi ka a mba li mbaɓu vi cora oloɗi lay.

2 KORINTNA 12:20

An li ndaana kay an hin tuɗ ha varagini fi dla mayra an miniɗɗira, agi hin fi egenni dlara agi ka miniɗɗira may, an li ndaana ko ɗeɗna, honira, yara, gonokka, ŋgulla, dadagamba, li dla cora, ŋga tara, cuk suuna kay tasiya, an li ndaana kay tlena wanni halaŋ mba li dukugiɗi.

GALATENA 6:3

Lini sana saa ana nam a li vaa ni ɦawaa, nam ganni yam tamu.

KOLOSNA 1:21

Agi may ni li ay ki jewni eg Lona day, agi li ay jewni suu mam suu babalira, kay saara cora agi ka laɗta.

KOLOSNA 3:7

Jew mayra agi ni mborɓiina vi cora agi poy ni ko ndaɗta na may.

2 TIMOTE 3:13

Suu hurusi cona u suu ganyam suuna asi tuɗ fok u cora, ganyam tasira hu may.

2 TIMOTE 3:6

Suu daŋŋa dukusi ɦiw cuk tasi kalafi hom yam boyogi suu maŋina usiya, asi hoɓi u cora taɗ u saara cora dadamba.

TITTA 1:16

Asi di ana asi ni suu wi Lona, sun masira ka tak naɗi gaw may. Asi ni suu cona, duu u gasira, ndak ka a li sunda jiviɗi.

TITTA 2:12

Oo ndaɗta haɗay ana poyra cora u saara vi duliyara noyosi kiyo, kay ay hin poy u voɗoɗ hu ndaŋgara tani, mba fi iirira jivi ɗegee ɗili u Lona.

Magaara JAK Ɓiiriɗta 1:26

Lini sana vi u va wa ka doo sinimba di boynaɗi ni nam ganyam tammi ganiya. Va nam vi umma ki ni ɦawaa.

1 PIYER 1:14

Humugi u Lona, lagi u min magira jewra agi ka wi vaɗiraɗi.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

WIRA ŊGAYRA 13:14

Vabak namma viɗ suu kay ndaŋgara ki halaŋ u dlara mbuɗta nam laɗta, ni fok vabak ma kal ay jewna, nam di suu kay ndaŋgara ana asi min vana a geleɗ vabak ma kal ay ki jew ma fi mbilna kay yam cam ki ginna hin miɗ kaɗina.

WIRA ŊGAYRA 18:2

Nam sawalla u delemba eŋga kolo ana, «Ndaɗ ndi kaŋga wa, ndaɗ ndi kaŋgawa, Babilon ta ŋgolla. Ndaɗ mbuɗ cem cemi ni li ma fulina lak huna, njaf ŋgussa cora bel bel ŋgay tasi ni huwa, layagi suu njenje sa ka golosi jiviɗina lakŋi huwa.