TITTA 3:2 - Boy Lonana

² Kay asi di boy co maŋ saɗi, kak u heɓpa u jivira, asi tuɗ fok a tak lalam masira eg suuna halaŋ.

TITTA 3:2 ပူးပေါင်းရင်းမြစ်များ

2 SAMUEL 22:36

Aŋ ɦan mbari maŋ ma saɓakŋa, yal maŋŋa wulunu.

SOOLLA 140:11

Cukusi murus kura ni kay yasiya ko ndaɗ tuɗusi ha duk kura hu zul ŋgolla, ha hu li ma asi ndak a hoŋ ay ki oloɗina.

VUN ŊGOLNA 19:19

Sa ma li yara ɦayna nam mba warak kay coom ndaɗta. Hinim wa ɦawaa ni nam joo ha fokŋi joori na ɗow ɗow.

VUN ŊGOLNA 25:24

Kak hu zi cuɓ cuɓ ma goona ni jivi sura cuk hu zi ma ŋgolna ko taŋ u cara vunna cocora.

VUN ŊGOLNA 6:19

Sa kaboy ma di dlara kaboyna kay suuna, u sa ma cuk suuna kel tasina.

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

MATIYE 11:29

Yowogi tik ma zii nek manda kagiya, humugi u haɗ manda ɗow. An ni sa ma hurum lalamma. Agi hin fagi koɗ tara.

SUNDA 23:5

Pol hoŋosi dira ana, «An wi ka ana nammi mul ŋgol ma ɓivunna naɗi gorsenna. Kay magaara di ana, aŋ di va ma co eg mulna vi suu maŋŋaɗi.»

1 KORINTNA 6:10

suu kulna, suu ŋgiziɗ tlen vi suuna, suu guruɗ u summa, suu ŋgul ndarayasina, suu kaboyna, asi halaŋ ka fi Mul Lonaraɗi.

1 KORINTNA 9:19

An ni ka mbaɓuna vi saɗi, an ki buɗiya, ni kay ndaɗta an mbuɗ tan mbaɓuna vi suuna kay a fasi ŋgol suwa.

2 KORINTNA 10:1

An Pol cenegi u lalamba u jivira vi Kristu hu li ma an ay dukugiya ko di ana ɗilla an ay ɗili coco an ka dukugiɗi lay ni an ka u ɦiŋga an cenegi u lalamba u jivira vi Kristu.

2 KORINTNA 12:20

An li ndaana kay an hin tuɗ ha varagini fi dla mayra an miniɗɗira, agi hin fi egenni dlara agi ka miniɗɗira may, an li ndaana ko ɗeɗna, honira, yara, gonokka, ŋgulla, dadagamba, li dla cora, ŋga tara, cuk suuna kay tasiya, an li ndaana kay tlena wanni halaŋ mba li dukugiɗi.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

GALATENA 6:1

Gorsenna lini wayaygi maa kal hu cora wa ni, agi suu ka hu Musuk Lonara mbaaram ay hu voɗta ɗegeera, ni gol taŋ jivi egemu, an di hu olo ana gol taŋ jivi kay aŋ kay taŋga mba kal hu dla ndaɗtaɗi.

GALATENA 6:10

Hu li ma lina ka tuna laygi jivira eg suuna halaŋ. Li jivira saɓaki ni eg gorseygi suu vina.

EFESNA 4:2

Lakagi ɗiliya, u lalamba, u juɓpa, njunugi u tagiya tagiya u minda.

EFESNA 4:31

Hinigi huu ma cona ki egegi day. Dlara ɓeŋ huna u yara, sawalla u ŋgulla. Doo tagi kay a li dla cora halaŋ.

FILIPINA 4:5

Takagi lalam magira eg suuna halaŋ. Bu Suuna hin tok daŋ a mbara.

1 TESALONIKŊA 2:7

Na may ami ay dukugi ni lagi ni u lalamba, ko cara gol goryoɗta na.

1 TIMOTE 3:11

Boyogosi mba lini boyogi suu ɗegeena ka suu ɦalinaɗi, asi mba doo tasiya ɗegee hu tlena bel.

1 TIMOTE 3:3

Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

Magaara JAK Ɓiiriɗta 3:17

Ne mayra col ay kolo dayra va co ka egeɗɗi. Ndaɗ mba heɓpa, jivira, oora u jivira huruɗta, hin tak sunda jivira may. Ɓorow iira u mbambara kaɗi.

Magaara JAK Ɓiiriɗta 4:11

Gorsenna di boy ma co duk tagiɗi, sa ma di boy cona eg wayamma kaam ɓakŋa kam layna nam di boy cona u kaɓakŋa ni kay gaɗta. Lini aŋ kaɓakŋa kay gaɗta ni aŋŋi sa ma hum uɗna oloɗi ni sa ma kaaɗ ɓakŋa kaɗna.

1 PIYER 2:1

Hinigi huu ma cona ki halaŋ, u kaboyna u mbambara u ŋgiziɗta u ɦay ɦayra cora halaŋ.

1 PIYER 3:10

Ko magaara di ana, «Sa ma min a kak jivina hin tew hu buu ma furira ni nam gol sinim jiviya, hin kaboyna kiyo.

1 PIYER 3:8

Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma.

1 PIYER 4:4

Cecemi suu bay goɓ Lona saa kagi cora kay mayra agi ka taɓ u asi hu tiisi ma cona u poy masira coraɗi layra, asi mbuɗ ŋgulugiya.

2 PIYER 2:10

Suu li dlara njenjera u minda vi mbalatasina ŋgul ŋgolla vi Lonara ni nam hin cukusi daŋgayna. Suu haɗ haɗta cora an dagi kasina, ni suu ŋga tasina, suu li tlena zak, bay saara, asi ka ɦal ŋgara maŋ suu ŋgolo suu huulonaɗi, ŋgulusi ŋguliya.

Magaara JUD Ɓiiriɗta 1:10

Suu asina ŋgul tlesuu asi ka wasi usi ɗina, ni li giniŋga ko mburina na. Giniŋ masi ndaɗta baasi ki ni baay na ɗow ɗow.

Magaara JUD Ɓiiriɗta 1:8

Ko ndaɗta na lay ni, suu asina hurusi ma cona mbaɗasi vunusiya, dira doyra dasira taɗasi a li dlara yowna eg tasiya, asi noy garaŋga vi Lona ki lay, pan suu ŋgolo suu huulonna lay.