TITTA 3:1 - Boy Lonana

¹ Gasi humusi kay asi mba hoŋ yasi kaŋga a hum u suu ŋgolona u mulina, asi mba hum usiya min tasi a li sunda jivira bel.

TITTA 3:1 ပူးပေါင်းရင်းမြစ်များ

VUN ŊGOLNA 24:21

Goonna, li ndaa Yawe. Li ndaa mulna may. Taɓ taŋ u suu li ɦoniraɗi. Li ɦoni u suu mba' asinaɗi.

DI BOLLA 10:4

Lini mul maŋŋa hurum ɓeŋ egeŋ lay ni aŋ noy sun maŋga ki gawɗi. Kay yal ma aŋ ka bu kolo u dlara na zakgina ni heɓ huu ma yara ki cocoo.

EZAYI 43:26

Takan ki dla cora an lagira egegira, njaɗaygi dla ndaɗta ko taygiya a wi ki ana gasira ni vi gegera may.

JEREMI 27:17

Humugisina vunusiɗi. Lagi sunda maŋ mul ma Babilonna agi hin kak iiriya. Ni kay me ana ɦoŋzi namma mbuɗ ki jona na mbee nige?

MATIYE 22:21

Asi hoŋom dira ana, «Ni Sesar.» Yesu dasi ana, «Vaŋ Sesarna ɦam maŋ Sesar, vaŋ Lonna aŋ ɦam maŋ Lona may.»

1 KORINTNA 15:58

Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

GA 8ATAMBARA 17:12

Sa ma li dlara u ŋga tara ka min a hum vun muli suu li ɓivun suu Yawe Loogina tinisinaɗina, ɗowba min ka vi vun sa ma ka ii ɓakŋa aynaɗi, sa namma ni cam kiyo, agi bulum dlara co ndaɗta ki duk suu Israelna.

FILIPINA 1:11

Iiri magira hin hoɓi u sunda ɗegeera ta Yesu Kristu laɗta, sun ndaɗta li u ŋgolla u geleɗta vi Lonara.

KOLOSNA 1:10

Ni agi hin poy ko Bu Suuna minda na, li ni dlara nam minda lay. Ni agi hin li sunda jivira a wulugi fok hu wiigira kay Lona.

1 TIMOTE 2:2

Cen kay muli suu ŋgolona u suu ka hu ŋgolla na bel bel, kay aygi mba lak u jivira u heɓpa, ay mba lak taɓi fok Lona hu poyra jivira fokomu.

1 TIMOTE 4:6

Lini aŋ haɗ gorseŋŋa na ni aŋ hin mbuɗ ni sa ma sunda vi Yesu Kristu ma jivina ni tak ki ana aŋ ti tina vi Musukka u boyna vi vira, li wa na ni aŋ tuɗ ni u haɗta vi gaɗta gasi.

1 TIMOTE 5:10

Suuna halaŋ waɗ ki u sun maɗta jivira ndaɗ wul goryoɗ jiviya, ndaɗ gol suu mba varaɗna jiviya, ndaɗ mbus sem suu vina vi Lona njun u suu hahawra li sunda jivira halaŋ.

2 TIMOTE 1:6

Ni kay ndaɗta an gaŋ humuŋu, li sunda u ɦala Lona ɦaŋga hu li ma an tin kon kaŋŋa.

2 TIMOTE 2:14

Gasi humusi halaŋ dasi ki eŋe fok Lona kay asi mba ɗeɗ duk tasi kay boynaɗi. Ɗeɗna wanni ka li vaɗi ɓeŋ suu humumma ki ni ɓeŋi na ɗow.

2 TIMOTE 2:21

Lini sa ma mbuɗ tam ki jivi pasiyak ko cora an ɓak kaɗ wanda, nam hin fi ni sun mamba kay tamu kay nam ɦal tam ki ni maŋ malamma bel, nam irim jiviya, nammi tok a ɦam sunda gaw, kay nam minimu, ni kay sunda jivira bel.

TITTA 1:16

Asi di ana asi ni suu wi Lona, sun masira ka tak naɗi gaw may. Asi ni suu cona, duu u gasira, ndak ka a li sunda jiviɗi.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

TITTA 3:14

Kay suu mayna mba haɗ tasi a li sunda ɗegeera ura jivira, kay a hin ndak a li sun mayra garaŋga, kay asi mba mbay u dlara ɦawaraɗi.

TITTA 3:8

Gola ni boy ma gasina. An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

2 PIYER 1:12

Ni kay ndaɗta an gagi humugi kay tle asina an wi kan ana agi wi tle asina ki wa da lay, ni agi kakagi eŋ kay gasi mayra agi faɗ ay ndaɗta.

Magaara JUD Ɓiiriɗta 1:5

Agi wagi u dla ndaɗta ki vagi jivi lay ni, an gagi humugi ha ni kay dlara Lona suɗ suu Israelna ay ki hu mbassa Egiptera, suu tin hurusi ay ka kambina nam hin baasi ki may.