TITTA 2:5 - Boy Lonana

⁵ Boy masina u dlaasira li tew tew u voɗosi pasiyak a asi mba li sunda hu ziisi jiviya, hum vun njufuyusiya, kay sa mba di va ma co kay Boy Lonanaɗi.

TITTA 2:5 ပူးပေါင်းရင်းမြစ်များ

URA TIN AYRA 18:9

Asi hin joɓom ɗaŋŋi ana, «Caaŋga, Sara, ni arage?» Nam hoŋosi dira ana, «Ndaɗ ka vo hu mbutluɓma.»

URA TIN AYRA 3:16

Yawe Lona di cara ana, «Ndak hin vi wiina wani wi hawra cocoo, ndak hin vuɗ goryokŋi u lassa. Saa makka halaŋ tokŋi kay njufuku, nam hin lini a ŋgol makka.»

2 SAMUEL 12:14

Na may kay ana aŋ noy Yawe ki hu dlara cocoo, ɗowba suu babali mamsina, goroŋ ma aŋ vuɗumma hin miɗ kiyo.»

SOOLLA 74:10

Ҥi, Lona, suu babali mamsina hin hinimi panda ni saɓage? Asi hin hin ŋgulla ŋguluŋ seŋga ni saɓage?

VUN ŊGOLNA 7:11

ndaɗ ni cara ɦay ɦayra, ka kak ga hu ziiɗ na enɗi lay, tuɗ ki ni na cow cow.

SUNDA 9:36

Cara vira dew ay hu ɦoŋzina Yoppe yaɗ ana Tabita (sem namma ni u vun Grekŋa ana Dorkas mbuɗ ki ni ana Dukka). Ndaɗ ay tew tew li jivira maŋ suuna njun u suu hawra.

SUNDA 9:39

Piyer vi yam kaɗi gi tam usi zak gaw. Nam mba tew egesi tew ɗaŋŋi asi tuɗum hu zira ha kolo kay ndaraɗtara. Boyogi suu donona halaŋ tok ay egem a tiina. Asi takam barawi suu Dorkas li ha cilisi hu li ma ndaɗ ha iiri tuna.

ROMMA 14:16

Va ma jivi iriŋŋa mbuɗum ki a va ma sa di co kambi.

ROMMA 2:24

Kay ndaɗta ɓiira diya, «Agi suu Juifna njaf suu daŋŋa ŋgul Lona ni ugiya.»

1 KORINTNA 11:3

Kay ndaɗta an min ana agi humugi u boyna wanni kiyo, Kristu ni mulna vi suuna halaŋ, sa njufna ni mul caambana, Lona ni mulna vi Kristu may.

1 KORINTNA 14:34

Hu tokka vi suu vina ni boyogina lak ɦawa bay di vaa, voɗta ka kay asi ɓak boy huɗi, ko gaɗta di ana asi hoŋ yasi kaŋgara na.

EFESNA 5:33

Boy namma dini magi agi may, lini nanagelay sa njufna min caamba ko tamba na may, cara vi vun njufuɗ may.

KOLOSNA 3:18

Boyogina humugi u njufuyugiya, ni agi a li fok Bu Suuna ni na may.

1 TIMOTE 5:10

Suuna halaŋ waɗ ki u sun maɗta jivira ndaɗ wul goryoɗ jiviya, ndaɗ gol suu mba varaɗna jiviya, ndaɗ mbus sem suu vina vi Lona njun u suu hahawra li sunda jivira halaŋ.

1 TIMOTE 6:1

Lini nanagelay mborɓiina halaŋ hum u malayasina hu tlena bel, kay a sa mba ŋgul sem Lona u haɗ mamiraɗi lay.

TITTA 2:4

Haɗ boyogi suu gorina asi min njufuyusi u goryosiya.