TITTA 2:2 - Boy Lonana

² Di suu maana asi ni suu li dlara u voɗoɗna, suuna hum u boy masina, ɗiliya, li coli eŋ hu tin huuna, u minda, u lalamba hurusi lay.

TITTA 2:2 ပူးပေါင်းရင်းမြစ်များ

JOB 12:12

Suu maarina ni suu ɓorow ii dlara kina, yal dlara ki taki ni ii suu basaɗasi ki ŋgol kay ndaŋgarana.

SOOLLA 92:14

Pii hu zi ma vi Yawena, asi ɗuf hu zira vi Looyginara.

VUN ŊGOLNA 16:31

Tlimiɗ yamba haɓpa ni jum ŋgalla kuluɓi kay sanara. Kay basara coco kay ndaŋgara ni warakŋa vi ɗegeera.

EZAYI 65:20

Gogoo ma ci po ka miɗ huɗi, gegelay ni hin daɓ basa mamba kay ndaŋgarara kiyo, sa ma basaɗam kisna, asi yammi a gozoŋŋa. Sa ma miɗ basaɗam kisna asi ana ni sa ma li cora ba ki wa.

DLAŊ LEVIRA 19:32

«Col ki kolo fok suu yasi haɓma, hum u suu maarina, ni aŋ hin li ndaa Looŋŋa ni na may. Ni an, Yawe.

MARK 5:15

Asi mba eg Yesu, fi sa ma fulina ay kamma kaki u baraw mamma egem nje. Nam ɗigil kiyo. Tasi mbuɗ ndaana.

Boy Ma Ayra Ma LUK Ɓiirimma 8:35

Suu hu zinana sel ay ki a gol dlara li ndaɗta. Asi tew eg Yesu may ni fi sa fulina hinim kina kakiya. Nam kaki eg Yesu u barawna tamu, irim ɗili lay. Suuna wam na ni mbuɗ ki ndaana.

SUNDA 24:25

Pol gijaŋ boyna a ɓak kay a sana kak iiri ɗegeera, kay doora doo tara, kay ɓakŋa vi Lona ma hin mbana. Feliks tam mbuɗ ndaana, nam di ana, «Aŋ tuɗ cecemi vaŋ tuwa, buu ma daŋŋa an hin yaŋ ay tu olo.»

ROMMA 12:3

U ɦalla Lona ɦanda ki u jivi mamba an min di ha ni magi agi halaŋ. Vagi saara daŋ hurugi ŋgol su dlara agi ndaki kaɗtaɗi, ni na ɗow ana saa ni hoŋ yamba kaŋga u jivira gege dukugi ni lini hu vira Lona ɦambara.

1 KORINTNA 15:34

Hoŋogi ay hu gasira ko ay lira na, lagi coraɗi, suu dukugi ɦiw ni ka wi Lonaɗi an di na ni kay zolo magina.

1 KORINTNA 9:25

Agi wi ana suu njokoɗta doo tasi, kay tlena ŋgolo, asi li na ni kay a fi ni jumba maŋira ɦawaa, aygi li ni kay fi ni jumba mulla mayra didinda.

2 KORINTNA 5:13

Lini yal ka irimiɗi ni kay Lona, lini yal mamina kaa ni kagi agi may.

GALATENA 5:23

ɗilira, u doo tara. Gaɗta ka co kay tlesuu asinaɗi.

FILIPINA 4:8

Gorsenna tin saa magira kay tlesuu jivina suu ndaki kay geleɗta na halaŋ, kay tlesuu gasina halaŋ, hoŋ yamba kaŋgara, ɗegeera, teteɗta, jivira u ŋgara halaŋ.

1 TESALONIKŊA 5:6

Buuruygi senna ko suu hiŋŋa naɗi, lakaygi jek jekee, taygi miniya.

1 TESALONIKŊA 5:8

Aygi suu hu faalirana lakaygi taygi miniya, cukuygi koroŋ ma vira u minda taygiya, tinigi jumba mulla juɓpa ɗigilla vi suɗta kagiya.

1 TIMOTE 1:10

Kay suu li zoŋga, suu buu u ndarayasi njufina, u suu gus suuna kina, u suu kaboyna, suu suu tasi kay dossa, suu li dlara daŋga ko ndaɗta nana, ka taɓ u gasira vi haɗtaɗina.

1 TIMOTE 1:14

Bu Suuna mayna kuluɓun oo mamba ka daɓ kiɗira kanu. Nam mbuɗun sa vina u minda aygi taɓi hu Yesu Kristu u ndaɗta.

1 TIMOTE 1:2

Maŋ Timote goron ma gasina hu vira. Ko Lona Buna u Yesu Kristu, Bu Suuna mayna, ɦaŋ oora, vaɗ huna, u heɓpa.

1 TIMOTE 1:5

U dlara vi gaɗ ndaɗta mbay ni minda vi hu ma jivina u dlara huruŋ saaraɗ fok jivira vira gasira.

1 TIMOTE 3:11

Boyogosi mba lini boyogi suu ɗegeena ka suu ɦalinaɗi, asi mba doo tasiya ɗegee hu tlena bel.

1 TIMOTE 3:2

Sa ma gol suu vi Kristuna lini sa ma ŋgul ka egembina, nam lini sa ma cara um dewna, doo tamu, ɗigiliya, ŋga tambi, lini sa ma suuna tuɗumma, nam li ndaki a haɗ suuna.

1 TIMOTE 3:4

Nam lini sa ma ndaki a gol ziimma, ma goryom hum umma.

1 TIMOTE 3:8

Suu sun suu vi Kristuna mba lini suu ndakina, suu ɗegeena, asi mba li a suu ɦal tasi ki kay summa sasakgi, hal a fi gursura u ganyambaɗi lay.

1 TIMOTE 5:1

Yal sa maana u eŋgaɗi, takam ko ndal nammi buŋŋa may. Li u gorzoŋina ko gorseŋŋa na.

TITTA 1:13

Va ma nam damma ni gasi. Ni kay ndaɗta yalasi eŋe kay asi mba kak u tin huu ma ɗegeena.

TITTA 1:8

Nam li sa ma min suu mba varamma jiviya, min dlara jivira lay. Lini sa ma ɗilina, sa ma ɗegeena, teteɗna, sa ma doo tamma.

TITTA 2:7

Aŋ taŋga mba li sunda jivira a suuna li ko aŋ na mayra. Col gasi ɗegee hu haɗ maŋga.

FILEMONDA 1:9

An min joɓoŋ u minda an ka hura, ni an Pol, sa ma maana, cecemi ni sa daŋgayna kay Yesu Kristu olo.

1 PIYER 1:13

Kay ndaɗta tinigi saa magira kay a li sunda, lakagi jek jekee, tinigi saa magira kay ɦala agi hin faɗ falira Yesu hin mba tak tam kira.

1 PIYER 4:7

Daɓpa vi tlena hin tok, gologi tagi jiviya kakagi jek jekee, cenegiya.

1 PIYER 5:8

Gologi jiviya kakagi jek jekee, kay Satanna kuɗuk ko dlona gi ŋgoɓpa na hal gegelay kay a komomu.

2 PIYER 1:6

Soogi ugi a cuk kay wiigira doo tara, cuk kay doo tara ɗilira, cuk kay ɗilira taɓpa taɓ u Lonara.