TITTA 2:13 - Boy Lonana

¹³ Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

TITTA 2:13 ပူးပေါင်းရင်းမြစ်များ

EZAYI 25:9

Hu buu namma suuna hin di ana, Nammi Loomina, ami tin hurumi kamu, nam buɗumi ki wa. Yawe ni sa ma ami tin hurumi kamma. Ŋgaaygina, furiyuygiya kay nam suɗuygi ki wa.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

MATIYE 25:31

«Mayra Goŋ Sanna hin mbay kay mul mambara wanni, suu sunda huulona umu, nam kak kaŋga kay dlam mamba mulla ta bibiŋilla.

MATIYE 26:64

Yesu hoŋom dira ana, «Aŋ di ni aŋu. An dagi ha ana, Agi hin wi Goŋ Sanna kagi kay bik Lona ma njufna, ma saɓakŋa kom halaŋŋa. Agi hin wam nam hoŋ ay duk ɗugulla huulona.»

MARK 14:62

Yesu dam ana, «Ni an ɗaŋ may. Agi hin wi Goŋ Sanna kagi kay bik Lona ma njufna ma saɓakŋa kom belna. Agi hin wam nam hoŋ ay duk ɗugulla.»

MARK 8:38

Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»

SUNDA 24:15

An hurun tini kay Lona ko asi tasira tini kamba na may, kay colla kolo iirira vi suu ɗegeena u suu ka ɗegeeɗina.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

ROMMA 5:5

Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.

ROMMA 8:18

An saa ana lassa ay ka laɗ koyni wanda ka ndak ŋga u ŋgolla Lona hin takayra fokkaɗi.

1 KORINTNA 1:7

Ҥala vi Lona ta hin ki bay agi faɗ kaɗi, agi suu ka juɓ buu ma Yesu Kristu hin mba na.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

KOLOSNA 1:5

Hu li ma Boy ma Ayra, boy ma gasina, mbay varagi tani jewra tagi mini kay juɓpa agi hin faɗ ha kolora. Viigira u min magira coli ni kay va ma agi tin hurugi kamma, ka juɓugi koloo.

KOLOSNA 3:4

Iiri magira gasira ni Kristu, hu li ma nam hin tak tam kina ni agi hin mbay ni u nam may, fagi ɓorow magina ni hu bibiŋil mamba.

2 TESALONIKŊA 2:16

Ko Bu Suuna Yesu Kristu u tamba u Lona Buy ma miniygina u jivi mamba ɦaygi so huu ma din dina u juɓpa lalamba.

2 TESALONIKŊA 2:8

Hu li namma Sa ma Cona kal ay ki wanni Bu Suuna Yesu hin cam ki u musuk ma funumma lay, bulumum ki u bibiŋil mamba nam mbara.

1 TIMOTE 1:1

Ni an Pol sa vovoɗta vi Yesu Kristu, u gaɗta vi Lona ma suɗuygina u Yesu Kristu ma ay ka juɓumma.

2 TIMOTE 1:2

Maŋ Timote, goron, ma an minimma. Ko Lona Buna u Bu Suuna mayna Yesu Kristu ɦaŋ oora, vaɗ huuna u heɓpa.

2 TIMOTE 4:1

An suuruŋŋi fok Lona, fok Yesu Kristu ma kaɓakŋa kay suu iirina u suu miɗina hu mbaamba nam hin mbay hu mul mambara.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.

TITTA 1:2

kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

TITTA 1:4

An ɓiiriŋ magaara ni maŋ aŋ Tit goron ma gasina hu tin huu ma dukuygi dewna. Ko Lona Buna u Yesu Kristu, Saay ma Suɗta ɦaŋ oora u heɓpa.

TITTA 3:4

Hu li ma Lona Sa Suɗta tak jivi mamba u min mamba ki eg suuna halaŋ,

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.

1 JAŊ 4:14

Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.

Magaara JUD Ɓiiriɗta 1:21

Lakagi hu minda Lona minigira, juɓ Bu Suuna mayna Yesu Kristu u jivi mamba mba ɦagi iiri mayra ka daɓ kiɗira.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.