TITTA 1:9 - Boy Lonana

⁹ Nam li ni sa ma col kay boy ma gasina, ma taɓi u haɗtana. Nam ndak a gaɗ suu hiŋŋa kay haɗta gasira, a tak cora vi suu ciwayra.

TITTA 1:9 ပူးပေါင်းရင်းမြစ်များ

JOB 2:3

Yawe hin joɓom ana, «Aŋ wi saan ma sunda Job wa ɗaŋ su? Sa ma ko ndal nam na ka kay ndaŋgaraɗi. Nammi sa ma ɗili ma ɗegeena, ma li ndaa Lona. Nam ka taɓ tam hu dla coraɗi. Nam coli eŋ hu ɗegee mamba. Aŋ kalan ana an tukumu ni a gaɗta.»

JOB 27:6

An coli ni hu ɗegee manda ka hiniɗ kiɗi. Va ma co ma dan hu saa manda na ɗow ni kaɗi.

VUN ŊGOLNA 23:23

Haɗ taŋ a li ni gasira, gusuɗ kiɗi, na lay hal yalna, haɗta, u nera may.

SUNDA 18:28

Nam tak suu Juifna ki duk suuna u boy ma eŋga ana asi viɗ tasi ni viɗiya. Nam vasi u Boy ma Ɓiiri ana Yesu ni Sa Lona Fuurumma.

1 KORINTNA 14:24

Lini suuna halaŋ jok vun Lona, sa ma ka wi Boy Lonnaɗina u ma bay vina mba dukugi wanni, nam hin wi coomba kay boy ma nam humumma. Ɓakŋa hin vammi u boy ma nam humumma halaŋ.

1 TESALONIKŊA 5:21

Tukugi tlena halaŋ, lagi suu jivina.

2 TESALONIKŊA 2:15

Gorsenna kakagi saɓaki vagi u boy ma ami haɗagina na, u ma ami ɓiirim hu magara na.

1 TIMOTE 1:10

Kay suu li zoŋga, suu buu u ndarayasi njufina, u suu gus suuna kina, u suu kaboyna, suu suu tasi kay dossa, suu li dlara daŋga ko ndaɗta nana, ka taɓ u gasira vi haɗtaɗina.

1 TIMOTE 1:15

Gola wanni boy ma gasina ma sana ndak a vamma, Yesu Kristu mbay hu duliyara tani kay suɗ suu cona, dukusi halaŋŋi ma co saɓakina ni anu.

1 TIMOTE 1:19

Gol viiŋga u saa maŋga jivira, suu ɦiw ka hum u saa masiraɗi kay ndaɗta viisira ɓalak kiyo.

1 TIMOTE 4:9

Gola boyna wanni boy ma gasina ndaki a sa vamu.

1 TIMOTE 6:3

Lini sana haɗ gaɗta daŋŋi ka taɓi u boy ma gasina vi Bu Suuna Yesu Kristuɗi, ka u haɗta vi viigiraɗi lay.

2 TIMOTE 1:13

Li u boy ma gasi ma an daŋana col eŋ hu vira u minda ay taɓi hu Yesu Kristu u ndaɗta.

2 TIMOTE 2:2

Va ma aŋ humum funun an dam maŋ suu molina, dam ki maŋ suu tin hurusi kay boy namma, suu ki ndaki a hin haɗ ndarayasi suu daŋŋa mayna.

2 TIMOTE 2:25

Nam haɗ suu ka minim boy mammaɗina u lalamba, Lona li hin ɦasi yal ma daŋŋa a jok hurusi zeɗ a wi gasira kalage.

2 TIMOTE 3:14

Aŋu lini u va ma aŋ haɗamma vi um u huruŋ halaŋ kay aŋ wi sa ma aŋ haɗ umma.

2 TIMOTE 4:3

Kay lina hin mbaa suuna hin mbuɗ hum u haɗta gasira oloɗi, asi hin mbuɗ lini u min masira, asi hin tok suu a haɗasina bolow egesiya, suu asina hin dasi dlara asi min a humuɗta.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

TITTA 2:1

Aŋ may ni haɗ va ma ɗegee, ma tuɗ u haɗta gasira.

Magaara JUD Ɓiiriɗta 1:3

Banayanna an hurun haɗ ana bay ɓiirigi magaara ha kay boy ma Lona suɗuygi ki halaŋŋa baɗi, Lona ɦeɓen a ɓiirigi magaa ndaɗta kay a njunugi a duu kay vira Lona ɦaɗ maŋ suu mamsina yam dew ni a fafatɗara.

WIRA ŊGAYRA 2:25

Cologi eŋ hu va ma agi ka lamma na gak gak, juɓ buu ma an hin mbana tuwa.

WIRA ŊGAYRA 3:11

An a hin mbay ni tok daŋ, va ma ka koŋŋa aŋ vam eŋe, kay sa ma daŋ mba yowoŋ warak maŋŋa kiɗi.

WIRA ŊGAYRA 3:3

Humuŋ gaŋ kay va ma aŋ haɗamma, aŋ humummi jiviya. Hum u haɗ ndaɗta, mbuɗ huruŋ kay cooŋga. Lini aŋ ka dliɗ ki koloɗi, an hin mba kafaŋ ko sa ma kulna na, aŋ ka hin wi fat mayra ndaɗtaɗi.