TITTA 1:7 - Boy Lonana

⁷ Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay.

TITTA 1:7 ပူးပေါင်းရင်းမြစ်များ

URA TIN AYRA 49:6

Ko musuk manda taɓ u asi hu dlara co ndaɗtaɗi, taɓ u asi hu tok masiraɗi lay. U hurusi ma yara asi ci suuna. U yaasi ndaɗta asi ka didiŋil mbutlina kiyo.

VUN ŊGOLNA 14:17

Sa ma mbuɗ yara na ɦay ɦayna ni sa ma laɓana. Sa ma mbuɗ duk u ŋgeŋŋa cow cowna, sa ka yam sem jiviɗi.

VUN ŊGOLNA 15:18

Sa ma mbuɗ yara ɦay ɦayna mbaa ɦonira duk suuna. Sa ma sip dlara heɓ huu suuna kaŋga may.

VUN ŊGOLNA 16:32

Sa ma hurum ka mbuɗ ya na zakgina ni jivi su sa ma saɓak cocona. Sa ma saɓak kay hurum doo tamma su bigawla ma ti yara ay tew tewna.

DI BOLLA 7:9

Ka hin huruŋ a ɓeŋ zak zakgi, huu ma ɓeŋ zak zakŋa ni vi suu giniŋŋa.

EZAYI 28:7

Muli suu li ɓivunna u suu jok vun Lona viɗ ki u sum ma cira ni na lay. Asi daw kolo ni ka wi li ma asi tuɗ hunaɗi. Sum ma cira viɗisi ki wa, asi mbuɗ ki ni mborɓi summana. Wiisira ha fokka viɗ ki irisi lay. Hu li ma asi a di dlara ni ka di jivi oloɗi daɓ sesi wa.

EZEKIYEL 44:21

Mul ma li ɓivunna a kal hu Ziŋ Lonara kurufura ni nam ka ci sumbi.

DLAŊ LEVIRA 10:9

«Agi u goryoŋ cagi sumbi, ci sum ma yaɗi lay. Ni hu li ma agi tuɗ hu Mbutluɓ ma Tokka ni agi ka miɗɗi. Gaɗ ndaɗta ni ka gaɗta hin kiɗi, gak gak basara u basara.

MATIYE 24:45

«Sa ma neey ma li sunda jivina ni gege? Ni sa malamma ɦam sunda kom halaŋŋa, nam ɓorow tlena maŋ ndarayamma ni nam lay.

Boy Ma Ayra Ma LUK Ɓiirimma 12:42

Yesu hoŋ dira ana, «Sa li sun mamba jivi yalaɗ irimma ni gege? Ni sa bu ziimma ɦam tlesuu hu ziimma kom halaŋ, tinim a nam ɓorow tina maŋ ndarayamma mayna.

EFESNA 5:18

Guruɗugi tagi u summaɗi, kay dla ndaɗta ndak a tuɗugi hu poyra cora, hoɓogi ni u Musuk Lonara na ɗow.

FILIPINA 1:1

Ni an Pol u Timote suu sunda vi Yesu Kristu. Magi agi suu vi Lonna halaŋ, suu vi u Yesu Kristu suu ka hu Filipina halaŋ, suu ka gol suu vi Lona u suu ka sunusina.

TITTA 1:5

An hiniŋ hu Kret a aŋ daɓ tlesuu hiŋŋa ki u voɗosiya, aŋ tin suu neeyna fok suu vina hu ɦoŋzi ŋgolona halaŋ. Humuŋ maa kay haɗta an haɗaŋgaɗi.

TITTA 2:3

Di boyogi suu maana poy masira mba li ko suu teteɗna na. Asi mba nja kosi kaŋga u dlara ɦay ɦayra coraɗi, mbuɗ tasi mborɓiina vi summaɗi lay. Asi ɦal ni gaɗta jivira.

1 PIYER 4:10

Gegelay li ko ɦala vi Lonara zeɗ zeɗta egemba na, njun u suu hiŋŋa u ɦala nam faɗ ko Lonara.

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

2 PIYER 2:10

Suu li dlara njenjera u minda vi mbalatasina ŋgul ŋgolla vi Lonara ni nam hin cukusi daŋgayna. Suu haɗ haɗta cora an dagi kasina, ni suu ŋga tasina, suu li tlena zak, bay saara, asi ka ɦal ŋgara maŋ suu ŋgolo suu huulonaɗi, ŋgulusi ŋguliya.