An manammi kay nam gaɗ goryomu u suu mam suu hin ka ŋgorom daganna, a asi hum gaɗta vi Yawera, poy ɗegee.» Ko ndaɗta na Yawe faɗ vun dlara nam vi vunum kaɗ u Abrahamba kiyo.
Asi ka ɗum boyogi suu njufuyusi miɗ kinaɗi, ka ɗum boyogi suu joki hin njufuyusi kinaɗi lay. Asi ɗummi gorɓii suu bay buu u sa njuf tuna, ni gorɓii suu Israelna may. Asi ndak a ɗum caŋ ndarasi mul ma li ɓivunna ma miɗ kina kama.
Nam ka ɗum cara njufuɗ miɗ kiraɗi, ka ɗum cara jok ay ki jokiraɗi, ka ɗum cara ɓalak taɗ ay ki vo mbuɗ taɗ ki gawlaŋgaraɗi lay, ni na ɗow nam ɗummi go tamara bay buu u sa tura, ni ta hu njafamba may.
Yawe may ni li sana ka ni kay tam dew, mbalatam u musukka iirira hurumu naɗi su? Va ma sa namma halamma ni mege? Lona ɦal njaf suuna ay ni nambi su? Gologi iiri magira jiviya. Ka a sa ɓeŋ hurum ki eg caamba u zoŋombaɗi.
Hu basara Herod ay a mulna vi suu Yudena ni, sa li ɓivunna sem ana Zakari, nam u ndarayamma ni suu vi Abiana. Caamba yaɗ ana Elisabet. Ndaɗ ni hu njafna vi Aaron, mul ŋgol ma li ɓivunna.
Aygi wi ana gaɗta li ni ka kay suu ɗegeenaɗi, ni kay suu li cora, u suu hoŋ duu u ndaɗna, kay suu hurusi cona, u suu sulukŋa, kay suu ka hoŋ yasi kaŋga fok Lonaɗina lay, suu ka wi tlesuu vi Lonaɗi layna. Kay suu ci busi u susi kina, ci suu daŋŋa layna.