TITTA 1:2 - Boy Lonana

² kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

TITTA 1:2 ပူးပေါင်းရင်းမြစ်များ

EZAYI 1:20

Na may lini agi ŋgella, mbuɗ tagi a suu babalira ni, ŋgewna hin fagi may. Ni boy ma Yawe damma.

NDUMBA 23:19

Lona nam ka sa war a kaboyɗi. Nam ka goŋ Adam a mbuɗ saa mamba na zakgi. Lona di dlara wa ni nam hin bay laɗ su? Nam di boyna di ni hin doli bay lambi su?

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

MATIYE 25:46

Suu asina hin tuɗ duk kura ka daɓ kiɗira. Suu ɗegeena hin fi iirira ka daɓ kiɗira may.»

MARK 10:17

Yesu gi tam voɗ sini, sana liŋ ay egemu, mba goɓ ga fokomu, joɓom ana, «Sa haɗ jivina, an li nana a fi iirira ka daɓ kiɗira ge?»

MARK 10:30

nam hin fi ni su tlesuu nam hinisi kina fasi ni kay ndaŋgara tani gaw sem kis, fi zina, fi gorsemma, fi sura, fi goora, fi senena. Nam fi lassa lay. Ha fokka nam hin fi iirira ka daɓ kiɗira.

Boy Ma Ayra Ma JAŊ Ɓiirimma 10:28

An ɦasi iirira ka daɓ kiɗira, asi ka miɗ oloɗi lay. Sa ma ɓaɗansina ki kon kaɗi lay.

Boy Ma Ayra Ma JAŊ Ɓiirimma 17:2

Kay aŋ ɦam saɓakŋa kay suuna halaŋ, a nam ɦal iirira ka daɓ kiɗira maŋ suu aŋ ɦamsina na.

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

Boy Ma Ayra Ma JAŊ Ɓiirimma 5:39

Agi haɗagi ɓiira hu magaarara, kayme agi saa ana agi hin fi iirira ka daɓ kiɗira huwa. Tle asina ɓakŋi kan daŋ may.

Boy Ma Ayra Ma JAŊ Ɓiirimma 6:54

Sa tan tliwin may, can busuun may na, iirira ka hurumu. An hin paɗam ki kolo ŋgoo dagan hu buu ma kaɓakŋa.

Boy Ma Ayra Ma JAŊ Ɓiirimma 6:68

Simon Piyer hoŋom dira ana, «Bu Suuna, ami tuɗ ni eg gege? Boy ma ɦal iirira ka daɓ kiɗira ni koŋgi su?

SUNDA 15:18

Bu Suuna li ki u tlegeyem su nam takasi ay ki jew day dayna.»

ROMMA 1:2

Lona vi vunum ki jew hu Boy ma Ɓiirina, ma teteɗna, u suu jokom vunumma, ana nam hin ɦal Boy ma Ayra aya.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

ROMMA 5:21

Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.

ROMMA 5:4

Siɓpa lalamba ka mbuɗ maŋi hu tukaɗi, siɓpa juɓpa u ɗegeera.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

1 TESALONIKŊA 2:15

Asi ni suu ci Bu Suuna Yesu u suu jok vun Lona kina, ni suu lasamina, asi ka ii Lona jiviɗi, asi gonokka u suuna halaŋ.

1 TESALONIKŊA 5:8

Aygi suu hu faalirana lakaygi taygi miniya, cukuygi koroŋ ma vira u minda taygiya, tinigi jumba mulla juɓpa ɗigilla vi suɗta kagiya.

1 TIMOTE 6:12

Duu duu ma jivina vi vira, vi iirira ka a daɓ kiɗira, Lona yaŋŋi kay aŋ wi iiri mayra ndaɗta, hu li ma aŋ diki kay viiŋga duk suu humuŋ dlaaŋga bolowo.

1 TIMOTE 6:19

Asi li wa na ni asi tokŋi tlegeyesi suu jivina kolo kay fokka, ni asi hin fi iiri mayra gasira.

2 TIMOTE 1:1

Ni an Pol sa vovoɗta vi Yesu Kristu u minda vi Lona, tinin a di ki kay iiri mayra vi vunna ay kaɗta aygi faɗ hu taɓpa u Yesu Kristura.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

2 TIMOTE 2:10

Kay ndaɗta an ka siɓ dla ndaɗta halaŋŋi jivira kay suu Lona manasina, kay asi mba fi suɗta hu Kristu Yesu may, u ŋgolla ka daɓ kiɗira.

2 TIMOTE 2:13

Lini aygi ka ɗegeeɗi lay nam ka ɗegee tew tew, nam ka garak u dlaamba nam laɗtaɗi.»

2 TIMOTE 2:15

So taŋ a tak taŋ ki fok Lona ko sa ma ndakina na, sa ma li sunda ka li zolo kay sun mambaɗi, di boy ma gasina ki u voɗom ɗegee.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

TITTA 2:7

Aŋ taŋga mba li sunda jivira a suuna li ko aŋ na mayra. Col gasi ɗegee hu haɗ maŋga.

TITTA 3:7

Kay u oo mamba aygi mbuɗ ɗegee fok Lona, ni aygi hin fi iirira ka daɓ kiɗira, aygi ka juɓuɗ u huruygi tini kaɗta.

1 JAŊ 2:25

Gola ni va ma Kristu di ana nam hin ɦayginana ni iirira ka daɓ kiɗira.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

Magaara JUD Ɓiiriɗta 1:21

Lakagi hu minda Lona minigira, juɓ Bu Suuna mayna Yesu Kristu u jivi mamba mba ɦagi iiri mayra ka daɓ kiɗira.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

WIRA ŊGAYRA 17:8

Vabak ma aŋ wamma li ay jew iiriya cemi nam ka oloɗi, nam hin kal ay ki hu zulla ŋgolla hin tuɗ hu liim ma ba kina. Suu may suu kay ndaŋgara suu sesi ka day day ɓiiri hu magara iiriraɗina, hin wi vabak namma na ni saara casi ki na ci, nam ay jew iiriya cem cemi nam ka oloɗi, nam hin kal ay ki olo.

1 SAMUEL 15:29

Na lay ni, «Bibiŋilla vi Israella ka mbuɗ ki kaboyɗi lay, ka hom ki kaŋgaɗi lay kay ana nam ka sa warɗi, dlara nam a hom kaɗ kaɗi.»