TITTA 1:16 - Boy Lonana

¹⁶ Asi di ana asi ni suu wi Lona, sun masira ka tak naɗi gaw may. Asi ni suu cona, duu u gasira, ndak ka a li sunda jiviɗi.

TITTA 1:16 ပူးပေါင်းရင်းမြစ်များ

JOB 15:16

Gol ko sa war ma ki ɓalakina hin li ni ana mege? Sa ma ci dla cora ko suuna a ci yona nana hin li ni nanage?

VUN ŊGOLNA 30:12

Suu daŋŋa kaa ni gol tasi ni ana asi ki ni teteɗ, doli ɗini zozoɗta egesira ka ki mbusiɗi.

EZAYI 29:13

Bu Suuna di ana, suu asina ɦuɗ tasi ay egenni u boy ma dira ɦawaa, asi ŋgaanni u vunusi ɦawaa. Na may hurusi kurufu ni ha ki day egenu, Ndaa ma asi lam konna ni u gaɗta vi suu warnara ɦawaa, ni dlara asi haɗaɗta ɦawaa.

EZAYI 48:1

Humugi haa, agi suu vi Yakobma, agi suu yi tagi ana suu Israelna na. Agi suu njaf ma vi Yudana. Agi suu suu tagi u sem Yawena. Humugi gagi a suwa kay sem Lo ma vi suu Israelnana. Na may agi ka laɗ u gasiraɗi, ka u ɗegeeraɗi lay.

EZAYI 58:2

Anni sa ma asi a halan hu buuna tew tewna. Jivira ni asi ɦal tasi a wan voɗ manda. Ni ko suu ka hal a li dlara jivira na, ka min a hin ɗegeera vi Loosinara kiɗi. Asi ka hal ni kaɓak ma ɗegeena fokonu. Asi tin hurusi ni kay dlaanda.

EZAYI 59:13

Ami ŋgeleŋ vunuŋu, Yawe, ami ɓakaŋ dlaŋ ki cora, ami min ka a tuɗ uŋ aŋ Loominaɗi, ami ɓakŋi dlara ciwayra u aŋga, hiniŋ ha ki na day. Dlara ka hurumira u dlara ami saaraɗta halaŋŋi kaboyna.

JEREMI 12:2

Aŋ pasi ni aŋu. Asi sii sariyasi kaŋga tuɗ ta ta cuk vuɗta. Aŋ ka eg vunusi na tok may, ki day eg hurusiya.

JEREMI 5:2

Asi ɓak coco, «U sem Yawe,» sun masira ki ni ɦawaa.

JEREMI 6:30

Asi yasi ana, «kawi ma suuna ka minimbina,» kay ana Bu Suuna ka minisiɗi.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

NDUMBA 24:16

Ni boy ma vi sa ma ka hum boy ma vi Lonna. Ni sa ma ka wi dlara vi ma ka Kolo Dayna. Ma ka wi tlesuu ma Saɓakŋa Kom Belna ka takam sinana, hu li ma nam buu gaa liŋirira wa ni irim mal kiyo.

ROMMA 1:28

Asi ŋgel humusi ki kay min wi gasira vi Lonaraɗi. Ni nam Lona hinisi buɗi hu yal masi ma viɗ kina, dla mayra ka gin a liɗira asi mbuɗ laɗu.

EFESNA 5:6

Hin sa a ganagi yagi u boy ma ɦay ɦaynaɗi, yara vi Lonara hin mba kay suu ka hum umbina ni kay cora ko ndaɗta nara.

1 TIMOTE 1:9

Aygi wi ana gaɗta li ni ka kay suu ɗegeenaɗi, ni kay suu li cora, u suu hoŋ duu u ndaɗna, kay suu hurusi cona, u suu sulukŋa, kay suu ka hoŋ yasi kaŋga fok Lonaɗina lay, suu ka wi tlesuu vi Lonaɗi layna. Kay suu ci busi u susi kina, ci suu daŋŋa layna.

1 TIMOTE 5:8

Lini sana ka gol suu mamsinaɗi, su saɓaki ni kay suu varam vona, nam hin kini vira, ni nam co su sa ma bay vina.

2 TIMOTE 3:17

Kay sana vi Lona mba li ki mini jiviya, tok a li sunda jivira halaŋ.

TITTA 3:1

Gasi humusi kay asi mba hoŋ yasi kaŋga a hum u suu ŋgolona u mulina, asi mba hum usiya min tasi a li sunda jivira bel.

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

1 JAŊ 2:4

Lini sana vi kam wa ana nam wamu, li ka vam vun gaɗ mambaɗi ni, nammi sa kaboyna, ni gasira ka hurumbi lay.

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

1 SAMUEL 15:22

Samuel di ɗaŋŋi ana, «Yawe min ɓivun ma ŋgalam ki ŋgalina u ma lam ɦawana ŋgolla su humba hum u boy mammara su? Ҥawaa, humba ni ŋgol su ɓivunna, gi yamba kaŋgara su mbul gamlagina.

1 SAMUEL 15:24

Sol di Samuel ana, «An li suluku, an calaɗ ki kay gaɗta vi Yawera u boy mamma lay. An li ndaana ni ko suuna, an hin vasi vunusiya.