TITTA 1:11 - Boy Lonana

¹¹ Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

TITTA 1:11 ပူးပေါင်းရင်းမြစ်များ

SOOLLA 107:42

Hu li namma suu ɗegeena furi cocoo, bay ɗegeera ka hu oloɗi.

SOOLLA 63:11

Suuna casi ki u ŋgewina, tasi hin ki ni maŋ bayakka ŋgoo bagira.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

EZEKIYEL 13:19

Agi mbuɗungi sen ki njenjera fok suu mansina ni kay fu ma agi a fam funugi na ew daŋŋa, u komnjoɗi orge ma ewna may. Agi cagi suu maɗ ka kasi tuɗina kiyo, suu a miɗ ki ginna agi mbuɗusi iiri may. Agi ganan yam suu mansina u dlara kaboyna suu min a hum dla ndaɗtana.

EZEKIYEL 16:63

Kay ana humuk hin gaku, ndak hin mbuɗ ki zolona. Hu li namma ni ndak ka a mal vunuk a di boy oloɗi. Hu li ma an bulumuk dla cookka ndak laɗta kina. Di ni Bu Suuna, Yawe.»

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MISE 3:5

Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

Boy Ma Ayra Ma LUK Ɓiirimma 20:40

Asi ndak ka a joɓom boy ma daŋ oloɗi.

Boy Ma Ayra Ma JAŊ Ɓiirimma 10:12

Sa ma li sunda kay warakŋa, ni ka sa ma taa yoorina jivinaɗi, kay timigiina ni ka mamsinaɗi. Nam wi bosokona mbay wa ni nam pii gaw, hin bosokona njay timigiina kiyo.

ROMMA 3:19

Aygi wi ana dlara gaɗta daɗta dini maŋ suu li uɗna, vun sa ka mal a di boy ma puruɗ tam kiɗi, kay a suuna halaŋ ɓakŋa vi Lona mba tok kasiya.

2 KORINTNA 11:10

U gasira vi Kristu ta ka hurunda an ndak di ana bibiŋilla ndaɗta sa tlanda ka ki kan hu Gresɗi.

1 TIMOTE 5:13

Dlara co saɓakira ni kay asi poy vi suuna na cow cow, va ma co saɓakina olo ni asi mbuɗ ki ɦalira ka ŋgay boy hurusi oloɗi, asi ɓak boy ma sa ka gin a dambina.

1 TIMOTE 5:4

Lini ca mayra hin donora goryoɗ li kaa u suu gorina huwa ni asi haɗ tasi a njun u somoyosi u sunda vi suu vina, ni asi ndak a njun somoyosi u somoyosi ŋgolona lay, ni va ma asi ndak a lasinana. Dla ndaɗta ni jivi ii Lona.

1 TIMOTE 6:5

Suu u saara cora egesina ciwayra duk ɦoŋosira ka daɓ kiɗi lay, asi ka wi gasiraɗi lay, asi gol ko vira hu boyna vi Lona ni va ma a ɦiz tasi kina na.

2 TIMOTE 2:18

Asi viɗ tasi ki hu gasira, viɗ suuna ki ŋgolo hu vira, di ana paɗta kolora li ki wa.

2 TIMOTE 3:6

Suu daŋŋa dukusi ɦiw cuk tasi kalafi hom yam boyogi suu maŋina usiya, asi hoɓi u cora taɗ u saara cora dadamba.

TITTA 1:7

Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay.

TITTA 1:9

Nam li ni sa ma col kay boy ma gasina, ma taɓi u haɗtana. Nam ndak a gaɗ suu hiŋŋa kay haɗta gasira, a tak cora vi suu ciwayra.

TITTA 3:10

Sa ma mbaa ka ira duk suunana aŋ gaɗam yaŋ goy mba', hin hinim kiyo.