SUU KAƁAKŊA 3:9 - Boy Lonana

⁹ Suu Israelna tii eg Yawe. Yawena ɦasi sa ma suɗusina aya. Ni Otniyel ma goŋ Kenazna. Nammi wayaŋ Kaleb ma goona.

SUU KAƁAKŊA 3:9 ပူးပေါင်းရင်းမြစ်များ

SUU KAƁAKŊA 3:15

Suu Israelna tii eg Yawe. Yawe hin ɦasi sa ma suɗusi kina, ni Ehud ma goŋ Gerana. Nammi hu dee suu vi Benjaminna, kom gulu wa. U cen mamba suu Israelna sun taa masira eg Eglon, mul ma Moabma.

SUU KAƁAKŊA 1:13

Otniyel ma goŋ Kenazna, wayaŋ Kaleb ma goona tli ɦoŋzi namma ki ni namu. Kaleb hin ɦam gooromba Aksa a cara may.

SUU KAƁAKŊA 10:10

Suu Israelna tii fok Yawe di ana, «Ami lami sulukŋa ni egeŋu, kay ami hin Lona mamina ki tani, hin goɓ mi Baal.»

SUU KAƁAKŊA 6:7

Hu li ma suu Israelna tii eg Yawe ana nam buɗusi ki ko suu Madiyanna nana,

SOOLLA 22:5

Somoyomi suu jewna hin tasi ay ni koŋu, aŋ hin buɗusi ay ki may.

SUU KAƁAKŊA 4:3

Suu Israelna yow tiina eg Yawe kay Sisera u pus pus kawina kom na kis kis dleeŋe. Nam las suu Israelna cocoo, basara na dok-mba'.

SUU KAƁAKŊA 2:16

Yawe hin manasi Suu Kaɓakŋa fokosi a buɗusi ki ko suu ɦurumusina.

SOOLLA 78:34

Hu li ma Lona gijaŋ a casina, asi gijaŋŋa a halamba may, asi wi coosira, hoŋ irisi ay egemu.

NEHEMI 9:27

Na ɗaŋŋi aŋ hin hinisi ki ko suu babali masisina asi duurusiya. Hu li ma asi mbuɗ ki hahawra ni asi yaŋ ay kolo u delesi eŋga, aŋ may ni ay kolo huulona day ni aŋ humma. U oo maŋga ŋgolla aŋ buɗusi ki ko suu babali masisina.

1 SAMUEL 12:10

Na ɗaŋŋi asi yi Yawe kolo u delesi eŋga ana, ami li suluku, kay ana ami noy Yawe kiyo. Ami hin sunni Baal u Astart. Cecem wanda ni aŋ ɓaɗami ay ki ko suu babali mamisina ami hin sunuŋu.

JOSUWE 15:17

Otniyel ma goŋ Kenazna ma wayaŋ Kalebma dik zi namma kiyo. Kaleb ɦam goromba Aksa ki a cara may.

SUU KAƁAKŊA 3:8

Yawe hurum ɓeŋ ki eg suu Israelna. Nam hinisi ki hu duk ko mulna Kukan-Rikataim, mul ma Mesopotamina. Nam ti mulla kasi ta ta basara kalavandi.

SUU KAƁAKŊA 2:18

Hu li ma Yawe manasi suu kaɓakŋa fokosina ni, Bu Suuna ka u sa ma kaɓakŋa hu li nammana. Nam buɗusi ki ko suu babali masisina hu li ma sa kaɓakŋa ka iiri tuna halaŋ. Kay Yawe humusi tii masi ma ko suu babali suu ka lasasina. Yawe humusi yoo masira.